TITUS
Ramayana
Part No. 481
Previous part

Chapter: 90 
Adhyāya 90


Verse: 1 
Halfverse: a    lakṣmaṇena tu tad vākyam   uktaṃ śrutvā sa rāgʰavaḥ
   lakṣmaṇena tu tad vākyam   uktaṃ śrutvā sa rāgʰavaḥ /
Halfverse: c    rāvaṇāya śarān gʰorān   visasarja camūmukʰe
   rāvaṇāya śarān gʰorān   visasarja camū-mukʰe /1/

Verse: 2 
Halfverse: a    daśagrīvo ratʰastʰas tu   rāmaṃ vajropamaiḥ śaraiḥ
   daśagrīvo ratʰastʰas tu   rāmaṃ vajra_upamaiḥ śaraiḥ /
Halfverse: c    ājagʰāna mahāgʰorair   dʰārābʰir iva toyadaḥ
   ājagʰāna mahā-gʰorair   dʰārābʰir iva toyadaḥ /2/

Verse: 3 
Halfverse: a    dīptapāvakasaṃkāśaiḥ   śaraiḥ kāñcanabʰūṣaṇaiḥ
   dīpta-pāvaka-saṃkāśaiḥ   śaraiḥ kāñcana-bʰūṣaṇaiḥ /
Halfverse: c    nirbibʰeda raṇe rāmo   daśagrīvaṃ samāhitaḥ
   nirbibʰeda raṇe rāmo   daśagrīvaṃ samāhitaḥ /3/

Verse: 4 
Halfverse: a    bʰūmistʰitasya rāmasya   ratʰastʰasya ca rakṣasaḥ
   bʰūmi-stʰitasya rāmasya   ratʰastʰasya ca rakṣasaḥ /
Halfverse: c    na samaṃ yuddʰam ity āhur   devagandʰarvadānavāḥ
   na samaṃ yuddʰam ity āhur   deva-gandʰarva-dānavāḥ /4/

Verse: 5 
Halfverse: a    tataḥ kāñcanacitrāṅgaḥ   kiṃkiṇīśatabʰūṣitaḥ
   tataḥ kāñcana-citra_aṅgaḥ   kiṃkiṇī-śata-bʰūṣitaḥ /
Halfverse: c    taruṇādityasaṃkāśo   vaidūryamayakūbaraḥ
   taruṇa_āditya-saṃkāśo   vaidūryamaya-kūbaraḥ /5/

Verse: 6 
Halfverse: a    sadaśvaiḥ kāñcanāpīḍair   yuktaḥ śvetaprakīrṇakaiḥ
   sad-aśvaiḥ kāñcana_āpīḍair   yuktaḥ śveta-prakīrṇakaiḥ /
Halfverse: c    haribʰiḥ sūryasaṃkāśair   hemajālavibʰūṣitaiḥ
   haribʰiḥ sūrya-saṃkāśair   hema-jāla-vibʰūṣitaiḥ /6/

Verse: 7 
Halfverse: a    rukmaveṇudʰvajaḥ śrīmān   devarājaratʰo varaḥ
   rukma-veṇu-dʰvajaḥ śrīmān   deva-rāja-ratʰo varaḥ /
Halfverse: c    abʰyavartata kākutstʰam   avatīrya triviṣṭapāt
   abʰyavartata kākutstʰam   avatīrya triviṣṭapāt /7/

Verse: 8 
Halfverse: a    abravīc ca tadā rāmaṃ   sapratodo ratʰe stʰitaḥ
   abravīc ca tadā rāmaṃ   sapratodo ratʰe stʰitaḥ /
Halfverse: c    prāñjalir mātalir vākyaṃ   sahasrākṣasya sāratʰiḥ
   prāñjalir mātalir vākyaṃ   sahasra_akṣasya sāratʰiḥ /8/

Verse: 9 
Halfverse: a    sahasrākṣeṇa kākutstʰa   ratʰo 'yaṃ vijayāya te
   sahasra_akṣeṇa kākutstʰa   ratʰo_ayaṃ vijayāya te /
Halfverse: c    dattas tava mahāsattva   śrīmāñ śatrunibarhaṇaḥ
   dattas tava mahā-sattva   śrīmān śatru-nibarhaṇaḥ /9/

Verse: 10 
Halfverse: a    idam aindraṃ mahaccāpaṃ   kavacaṃ cāgnisaṃnibʰam
   idam aindraṃ mahac-cāpaṃ   kavacaṃ ca_agni-saṃnibʰam /
Halfverse: c    śarāś cādityasaṃkāśāḥ   śaktiś ca vimalā śitāḥ
   śarāś ca_āditya-saṃkāśāḥ   śaktiś ca vimalā śitāḥ /10/

Verse: 11 
Halfverse: a    āruhyemaṃ ratʰaṃ vīra   rākṣasaṃ jahi rāvaṇam
   āruhya_imaṃ ratʰaṃ vīra   rākṣasaṃ jahi rāvaṇam /
Halfverse: c    mayā sāratʰinā rāma   mahendra iva dānavān
   mayā sāratʰinā rāma   mahā_indra iva dānavān /11/

Verse: 12 
Halfverse: a    ity uktaḥ sa parikramya   ratʰaṃ tam abʰivādya ca
   ity uktaḥ sa parikramya   ratʰaṃ tam abʰivādya ca /
Halfverse: c    āruroha tadā rāmo   lokām̐l lakṣmyā virājayan
   āruroha tadā rāmo   lokām̐l lakṣmyā virājayan /12/

Verse: 13 
Halfverse: a    tad babʰūvādbʰutaṃ yuddʰaṃ   dvairatʰaṃ lomaharṣaṇam
   tad babʰūva_adbʰutaṃ yuddʰaṃ   dvairatʰaṃ loma-harṣaṇam /
Halfverse: c    rāmasya ca mahābāho   rāvaṇasya ca rakṣasaḥ
   rāmasya ca mahā-bāho   rāvaṇasya ca rakṣasaḥ /13/

Verse: 14 
Halfverse: a    sa gāndʰarveṇa gāndʰarvaṃ   daivaṃ daivena rāgʰavaḥ
   sa gāndʰarveṇa gāndʰarvaṃ   daivaṃ daivena rāgʰavaḥ /
Halfverse: c    astraṃ rākṣasarājasya   jagʰāna paramāstravit
   astraṃ rākṣasa-rājasya   jagʰāna parama_astravit /14/

Verse: 15 
Halfverse: a    astraṃ tu paramaṃ gʰoraṃ   rākṣasaṃ rākasādʰipa
   astraṃ tu paramaṃ gʰoraṃ   rākṣasaṃ rākasa_adʰipa /
Halfverse: c    sasarja paramakruddʰaḥ   punar eva niśācaraḥ
   sasarja parama-kruddʰaḥ   punar eva niśā-caraḥ /15/

Verse: 16 
Halfverse: a    te rāvaṇadʰanurmuktāḥ   śarāḥ kāñcanabʰūṣaṇāḥ
   te rāvaṇa-dʰanur-muktāḥ   śarāḥ kāñcana-bʰūṣaṇāḥ /
Halfverse: c    abʰyavartanta kākutstʰaṃ   sarpā bʰūtvā mahāviṣāḥ
   abʰyavartanta kākutstʰaṃ   sarpā bʰūtvā mahā-viṣāḥ /16/

Verse: 17 
Halfverse: a    te dīptavadanā dīptaṃ   vamanto jvalanaṃ mukʰaiḥ
   te dīpta-vadanā dīptaṃ   vamanto jvalanaṃ mukʰaiḥ /
Halfverse: c    rāmam evābʰyavartanta   vyāditāsyā bʰayānakāḥ
   rāmam eva_abʰyavartanta   vyādita_āsyā bʰayānakāḥ /17/

Verse: 18 
Halfverse: a    tair vāsukisamasparśair   dīptabʰogair mahāviṣaiḥ
   tair vāsuki-samasparśair   dīpta-bʰogair mahā-viṣaiḥ /
Halfverse: c    diśaś ca saṃtatāḥ sarvāḥ   pradiśaś ca samāvr̥tāḥ
   diśaś ca saṃtatāḥ sarvāḥ   pradiśaś ca samāvr̥tāḥ /18/

Verse: 19 
Halfverse: a    tān dr̥ṣṭvā pannagān rāmaḥ   samāpatata āhave
   tān dr̥ṣṭvā pannagān rāmaḥ   samāpatata āhave /
Halfverse: c    astraṃ gārutmataṃ gʰoraṃ   prāduścakre bʰayāvaham
   astraṃ gārutmataṃ gʰoraṃ   prāduś-cakre bʰaya_āvaham /19/

Verse: 20 
Halfverse: a    te rāgʰavadʰanurmuktā   rukmapuṅkʰāḥ śikʰiprabʰāḥ
   te rāgʰava-dʰanur-muktā   rukma-puṅkʰāḥ śikʰi-prabʰāḥ /
Halfverse: c    suparṇāḥ kāñcanā bʰūtvā   viceruḥ sarpaśatravaḥ
   suparṇāḥ kāñcanā bʰūtvā   viceruḥ sarpa-śatravaḥ /20/

Verse: 21 
Halfverse: a    te tān sarvāñ śarāñ jagʰnuḥ   sarparūpān mahājavān
   te tān sarvān śarān jagʰnuḥ   sarpa-rūpān mahā-javān /
Halfverse: c    suparṇarūpā rāmasya   viśikʰāḥ kāmarūpiṇaḥ
   suparṇa-rūpā rāmasya   viśikʰāḥ kāma-rūpiṇaḥ /21/

Verse: 22 
Halfverse: a    astre pratihate kruddʰo   rāvaṇo rākṣasādʰipaḥ
   astre pratihate kruddʰo   rāvaṇo rākṣasa_adʰipaḥ /
Halfverse: c    abʰyavarṣat tadā rāmaṃ   gʰorābʰiḥ śaravr̥ṣṭibʰiḥ
   abʰyavarṣat tadā rāmaṃ   gʰorābʰiḥ śara-vr̥ṣṭibʰiḥ /22/

Verse: 23 
Halfverse: a    tataḥ śarasahasreṇa   rāmam akliṣṭakāriṇam
   tataḥ śara-sahasreṇa   rāmam akliṣṭa-kāriṇam /
Halfverse: c    ardayitvā śaraugʰeṇa   mātaliṃ pratyavidʰyata
   ardayitvā śara_ogʰeṇa   mātaliṃ pratyavidʰyata /23/

Verse: 24 
Halfverse: a    pātayitvā ratʰopastʰe   ratʰāt ketuṃ ca kāñcanam
   pātayitvā ratʰa_upastʰe   ratʰāt ketuṃ ca kāñcanam /
Halfverse: c    aindrān abʰijagʰānāśvāñ   śarajālena rāvaṇaḥ
   aindrān abʰijagʰāna_aśvān   śara-jālena rāvaṇaḥ /24/

Verse: 25 
Halfverse: a    viṣedur devagandʰarvā   dānavāś cāraṇaiḥ saha
   viṣedur deva-gandʰarvā   dānavāś cāraṇaiḥ saha /
Halfverse: c    rāmam ārtaṃ tadā dr̥ṣṭvā   siddʰāś ca paramarṣayaḥ
   rāmam ārtaṃ tadā dr̥ṣṭvā   siddʰāś ca parama-r̥ṣayaḥ /25/

Verse: 26 
Halfverse: a    vyatʰitā vānarendrāś ca   babʰūvuḥ savibʰīṣaṇāḥ
   vyatʰitā vānara_indrāś ca   babʰūvuḥ savibʰīṣaṇāḥ /
Halfverse: c    rāmacandramasaṃ dr̥ṣṭvā   grastaṃ rāvaṇarāhuṇā
   rāma-candramasaṃ dr̥ṣṭvā   grastaṃ rāvaṇa-rāhuṇā /26/

Verse: 27 
Halfverse: a    prājāpatyaṃ ca nakṣatraṃ   rohiṇīṃ śaśinaḥ priyām
   prājāpatyaṃ ca nakṣatraṃ   rohiṇīṃ śaśinaḥ priyām /
Halfverse: c    samākramya budʰas tastʰau   prajānām aśubʰāvahaḥ
   samākramya budʰas tastʰau   prajānām aśubʰa_āvahaḥ /27/

Verse: 28 
Halfverse: a    sadʰūmaparivr̥ttormiḥ   prajvalann iva sāgaraḥ
   sadʰūma-parivr̥tta_ūrmiḥ   prajvalann iva sāgaraḥ /
Halfverse: c    utpapāta tadā kruddʰaḥ   spr̥śann iva divākaram
   utpapāta tadā kruddʰaḥ   spr̥śann iva divā-karam /28/

Verse: 29 
Halfverse: a    śastravarṇaḥ suparuṣo   mandaraśmir divākaraḥ
   śastra-varṇaḥ suparuṣo   manda-raśmir divā-karaḥ /
Halfverse: c    adr̥śyata kabandʰāṅgaḥ   saṃsakto dʰūmaketunā
   adr̥śyata kabandʰa_aṅgaḥ   saṃsakto dʰūma-ketunā /29/

Verse: 30 
Halfverse: a    kosalānāṃ ca nakṣatraṃ   vyaktam indrāgnidaivatam
   kosalānāṃ ca nakṣatraṃ   vyaktam indra_agni-daivatam /
Halfverse: c    ākramyāṅgārakas tastʰau   viśākʰām api cāmbare
   ākramya_aṅgārakas tastʰau   viśākʰām api ca_ambare /30/

Verse: 31 
Halfverse: a    daśāsyo viṃśatibʰujaḥ   pragr̥hītaśarāsanaḥ
   daśa_āsyo viṃśati-bʰujaḥ   pragr̥hīta-śara_āsanaḥ /
Halfverse: c    adr̥śyata daśagrīvo   maināka iva parvataḥ
   adr̥śyata daśagrīvo   maināka iva parvataḥ /31/

Verse: 32 
Halfverse: a    nirasyamāno rāmas tu   daśagrīveṇa rakṣasā
   nirasyamāno rāmas tu   daśagrīveṇa rakṣasā /
Halfverse: c    nāśakad abʰisaṃdʰātuṃ   sāyakān raṇamūrdʰani
   na_aśakad abʰisaṃdʰātuṃ   sāyakān raṇa-mūrdʰani /32/

Verse: 33 
Halfverse: a    sa kr̥tvā bʰrukuṭīṃ kruddʰaḥ   kiṃ cit saṃraktalocanaḥ
   sa kr̥tvā bʰru-kuṭīṃ kruddʰaḥ   kiṃcit saṃrakta-locanaḥ /
Halfverse: c    jagāma sumahākrodʰaṃ   nirdahann iva cakṣuṣā
   jagāma sumahā-krodʰaṃ   nirdahann iva cakṣuṣā /33/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.