TITUS
Ramayana
Part No. 486
Previous part

Chapter: 95 
Adhyāya 95


Verse: 1 
Halfverse: a    tataḥ pravr̥ttaṃ sukrūraṃ   rāmarāvaṇayos tadā
   tataḥ pravr̥ttaṃ sukrūraṃ   rāma-rāvaṇayos tadā /
Halfverse: c    sumahad dvairatʰaṃ yuddʰaṃ   sarvalokabʰayāvaham
   sumahad dvairatʰaṃ yuddʰaṃ   sarva-loka-bʰaya_āvaham /1/

Verse: 2 
Halfverse: a    tato rākṣasasainyaṃ ca   harīṇāṃ ca mahad balam
   tato rākṣasa-sainyaṃ ca   harīṇāṃ ca mahad balam /
Halfverse: c    pragr̥hītapraharaṇaṃ   niśceṣṭaṃ samatiṣṭʰata
   pragr̥hīta-praharaṇaṃ   niśceṣṭaṃ samatiṣṭʰata /2/

Verse: 3 
Halfverse: a    saṃprayuddʰau tato dr̥ṣṭvā   balavan nararākṣasau
   saṃprayuddʰau tato dr̥ṣṭvā   balavan nara-rākṣasau /
Halfverse: c    vyākṣiptahr̥dayāḥ sarve   paraṃ vismayam āgatāḥ
   vyākṣipta-hr̥dayāḥ sarve   paraṃ vismayam āgatāḥ /3/

Verse: 4 
Halfverse: a    nānāpraharaṇair vyagrair   bʰujair vismitabuddʰayaḥ
   nānā-praharaṇair vyagrair   bʰujair vismita-buddʰayaḥ /
Halfverse: c    tastʰuḥ prekṣya ca saṃgrāmaṃ   nābʰijagʰnuḥ parasparam
   tastʰuḥ prekṣya ca saṃgrāmaṃ   na_abʰijagʰnuḥ parasparam /4/

Verse: 5 
Halfverse: a    rakṣasāṃ rāvaṇaṃ cāpi   vānarāṇāṃ ca rāgʰavam
   rakṣasāṃ rāvaṇaṃ ca_api   vānarāṇāṃ ca rāgʰavam /
Halfverse: c    paśyatāṃ vismitākṣāṇāṃ   sainyaṃ citram ivābabʰau
   paśyatāṃ vismita_akṣāṇāṃ   sainyaṃ citram iva_ābabʰau /5/

Verse: 6 
Halfverse: a    tau tu tatra nimittāni   dr̥ṣṭvā rāgʰavarāvaṇau
   tau tu tatra nimittāni   dr̥ṣṭvā rāgʰava-rāvaṇau /
Halfverse: c    kr̥tabuddʰī stʰirāmarṣau   yuyudʰāte abʰītavat
   kr̥ta-buddʰī stʰira_amarṣau   yuyudʰāte abʰītavat /6/

Verse: 7 
Halfverse: a    jetavyam iti kākutstʰo   martavyam iti rāvaṇaḥ
   jetavyam iti kākutstʰo   martavyam iti rāvaṇaḥ /
Halfverse: c    dʰr̥tau svavīryasarvasvaṃ   yuddʰe 'darśayatāṃ tadā
   dʰr̥tau sva-vīrya-sarva-svaṃ   yuddʰe_adarśayatāṃ tadā /7/

Verse: 8 
Halfverse: a    tataḥ krodʰād daśagrīvaḥ   śarān saṃdʰāya vīryavān
   tataḥ krodʰād daśagrīvaḥ   śarān saṃdʰāya vīryavān /
Halfverse: c    mumoca dʰvajam uddiśya   rāgʰavasya ratʰe stʰitam
   mumoca dʰvajam uddiśya   rāgʰavasya ratʰe stʰitam /8/

Verse: 9 
Halfverse: a    te śarās tam anāsādya   puraṃdararatʰadʰvajam
   te śarās tam anāsādya   puraṃ-dara-ratʰa-dʰvajam /
Halfverse: c    raktaśaktiṃ parāmr̥śya   nipetur dʰaraṇītale
   rakta-śaktiṃ parāmr̥śya   nipetur dʰaraṇī-tale /9/

Verse: 10 
Halfverse: a    tato rāmo 'bʰisaṃkruddʰaś   cāpam āyamya vīryavān
   tato rāmo_abʰisaṃkruddʰaś   cāpam āyamya vīryavān /
Halfverse: c    kr̥tapratikr̥taṃ kartuṃ   manasā saṃpracakrame
   kr̥ta-pratikr̥taṃ kartuṃ   manasā saṃpracakrame /10/

Verse: 11 
Halfverse: a    rāvaṇadʰvajam uddiśya   mumoca niśitaṃ śaram
   rāvaṇa-dʰvajam uddiśya   mumoca niśitaṃ śaram /
Halfverse: c    mahāsarpam ivāsahyaṃ   jvalantaṃ svena tejasā
   mahā-sarpam iva_asahyaṃ   jvalantaṃ svena tejasā /11/

Verse: 12 
Halfverse: a    jagāma sa mahīṃ bʰittvā   daśagrīvadʰvajaṃ śaraḥ
   jagāma sa mahīṃ bʰittvā   daśagrīva-dʰvajaṃ śaraḥ /
Halfverse: c    sa nikr̥tto 'patad bʰūmau   rāvaṇasya ratʰadʰvajaḥ
   sa nikr̥tto_apatad bʰūmau   rāvaṇasya ratʰa-dʰvajaḥ /12/

Verse: 13 
Halfverse: a    dʰvajasyonmatʰanaṃ dr̥ṣṭvā   rāvaṇaḥ sumahābalaḥ
   dʰvajasya_unmatʰanaṃ dr̥ṣṭvā   rāvaṇaḥ sumahā-balaḥ /
Halfverse: c    krodʰajenāgninā saṃkʰye   pradīpta iva cābʰavat
   krodʰajena_agninā saṃkʰye   pradīpta iva ca_abʰavat /13/

Verse: 14 
Halfverse: a    sa roṣavaśam āpannaḥ   śaravarṣaṃ mahad vaman
   sa roṣa-vaśam āpannaḥ   śara-varṣaṃ mahad vaman /
Halfverse: c    rāmasya turagān divyāñ   śarair vivyādʰa rāvaṇaḥ
   rāmasya turagān divyān   śarair vivyādʰa rāvaṇaḥ /14/

Verse: 15 
Halfverse: a    te viddʰā harayas tasya   nāskʰalan nāpi babʰramuḥ
   te viddʰā harayas tasya   na_askʰalan na_api babʰramuḥ /
Halfverse: c    babʰūvuḥ svastʰahr̥dayāḥ   padmanālair ivāhatāḥ
   babʰūvuḥ svastʰa-hr̥dayāḥ   padma-nālair iva_āhatāḥ /15/

Verse: 16 
Halfverse: a    teṣām asaṃbʰramaṃ dr̥ṣṭvā   vājināṃ rāvaṇas tadā
   teṣām asaṃbʰramaṃ dr̥ṣṭvā   vājināṃ rāvaṇas tadā /
Halfverse: c    bʰūya eva susaṃkruddʰaḥ   śaravarṣaṃ mumoca ha
   bʰūya eva susaṃkruddʰaḥ   śara-varṣaṃ mumoca ha /16/

Verse: 17 
Halfverse: a    gadāś ca parigʰāṃś caiva   cakrāṇi musalāni ca
   gadāś ca parigʰāṃś ca_eva   cakrāṇi musalāni ca /
Halfverse: c    giriśr̥ṅgāṇi vr̥kṣāṃś ca   tatʰā śūlaparaśvadʰān
   giri-śr̥ṅgāṇi vr̥kṣāṃś ca   tatʰā śūla-paraśvadʰān /17/

Verse: 18 
Halfverse: a    māyā vihitam etat tu   śastravarṣam apātayat
   māyā vihitam etat tu   śastra-varṣam apātayat /
Halfverse: c    sahasraśas tato bāṇān   aśrāntahr̥dayodyamaḥ
   sahasraśas tato bāṇān   aśrānta-hr̥daya_udyamaḥ /18/

Verse: 19 
Halfverse: a    tumulaṃ trāsajananaṃ   bʰīmaṃ bʰīmapratisvanam
   tumulaṃ trāsa-jananaṃ   bʰīmaṃ bʰīma-pratisvanam /
Halfverse: c    durdʰarṣam abʰavad yuddʰe   naikaśastramayaṃ mahat
   durdʰarṣam abʰavad yuddʰe   naika-śastramayaṃ mahat /19/

Verse: 20 
Halfverse: a    vimucya rāgʰavaratʰaṃ   samantād vānare bale
   vimucya rāgʰava-ratʰaṃ   samantād vānare bale /
Halfverse: c    sāyakair antarikṣaṃ ca   cakārāśu nirantaram
   sāyakair antarikṣaṃ ca   cakāra_āśu nirantaram /
Halfverse: e    mumoca ca daśagrīvo   niḥsaṅgenāntarātmanā
   mumoca ca daśagrīvo   niḥsaṅgena_antar-ātmanā /20/

Verse: 21 
Halfverse: a    vyāyaccʰamānaṃ taṃ dr̥ṣṭvā   tatparaṃ rāvaṇaṃ raṇe
   vyāyaccʰamānaṃ taṃ dr̥ṣṭvā   tat-paraṃ rāvaṇaṃ raṇe /
Halfverse: c    prahasann iva kākutstʰaḥ   saṃdadʰe sāyakāñ śitān
   prahasann iva kākutstʰaḥ   saṃdadʰe sāyakān śitān /21/

Verse: 22 
Halfverse: a    sa mumoca tato bāṇān   raṇe śatasahasraśaḥ
   sa mumoca tato bāṇān   raṇe śata-sahasraśaḥ /
Halfverse: c    tān dr̥ṣṭvā rāvaṇaś cakre   svaśaraiḥ kʰaṃ nirantaram
   tān dr̥ṣṭvā rāvaṇaś cakre   sva-śaraiḥ kʰaṃ nirantaram /22/

Verse: 23 
Halfverse: a    tatas tābʰyāṃ prayuktena   śaravarṣeṇa bʰāsvatā
   tatas tābʰyāṃ prayuktena   śara-varṣeṇa bʰāsvatā /
Halfverse: c    śarabaddʰam ivābʰāti   dvitīyaṃ bʰāsvad ambaram
   śara-baddʰam iva_ābʰāti   dvitīyaṃ bʰāsvad ambaram /23/

Verse: 24 
Halfverse: a    nānimitto 'bʰavad bāṇo   nātibʰettā na niṣpʰalaḥ
   na_animitto_abʰavad bāṇo   na_atibʰettā na niṣpʰalaḥ /
Halfverse: c    tatʰā visr̥jator bāṇān   rāmarāvaṇayor mr̥dʰe
   tatʰā visr̥jator bāṇān   rāma-rāvaṇayor mr̥dʰe /24/

Verse: 25 
Halfverse: a    prāyudʰyetām aviccʰinnam   asyantau savyadakṣiṇam
   prāyudʰyetām aviccʰinnam   asyantau savya-dakṣiṇam /
Halfverse: c    cakratus tau śaraugʰais tu   niruccʰvāsam ivāmbaram
   cakratus tau śara_ogʰais tu   niruccʰvāsam iva_ambaram /25/

Verse: 26 
Halfverse: a    rāvaṇasya hayān rāmo   hayān rāmasya rāvaṇaḥ
   rāvaṇasya hayān rāmo   hayān rāmasya rāvaṇaḥ /
Halfverse: c    jagʰnatus tau tadānyonyaṃ   kr̥tānukr̥takāriṇau
   jagʰnatus tau tadā_anyonyaṃ   kr̥ta_anukr̥ta-kāriṇau /26/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.