TITUS
Ramayana
Part No. 489
Previous part

Chapter: 98 
Adhyāya 98


Verse: 1 
Halfverse: a    rāvaṇaṃ nihataṃ śrutvā   rāgʰaveṇa mahātmanā
   rāvaṇaṃ nihataṃ śrutvā   rāgʰaveṇa mahātmanā / {!}
Halfverse: c    antaḥpurād viniṣpetū   rākṣasyaḥ śokakarśitāḥ
   antaḥ-purād viniṣpetū   rākṣasyaḥ śoka-karśitāḥ /1/

Verse: 2 
Halfverse: a    vāryamāṇāḥ subahuśo   vr̥ṣṭantyaḥ kṣitipāṃsuṣu
   vāryamāṇāḥ subahuśo   vr̥ṣṭantyaḥ kṣiti-pāṃsuṣu /
Halfverse: c    vimuktakeśyo duḥkʰārtā   gāvo vatsahatā yatʰā
   vimukta-keśyo duḥkʰa_ārtā   gāvo vatsa-hatā yatʰā /2/

Verse: 3 
Halfverse: a    uttareṇa viniṣkramya   dvāreṇa saha rākṣasaiḥ
   uttareṇa viniṣkramya   dvāreṇa saha rākṣasaiḥ /
Halfverse: c    praviśyāyodʰanaṃ gʰoraṃ   vicinvantyo hataṃ patim
   praviśya_āyodʰanaṃ gʰoraṃ   vicinvantyo hataṃ patim /3/

Verse: 4 
Halfverse: a    āryaputreti vādinyo   hā nātʰeti ca sarvaśaḥ
   ārya-putra_iti vādinyo   hā nātʰa_iti ca sarvaśaḥ /
Halfverse: c    paripetuḥ kabandʰāṅkāṃ   mahīṃ śoṇitakardamām
   paripetuḥ kabandʰa_aṅkāṃ   mahīṃ śoṇita-kardamām /4/

Verse: 5 
Halfverse: a    tā bāṣpaparipūrṇākṣyo   bʰartr̥śokaparājitāḥ
   tā bāṣpa-paripūrṇa_akṣyo   bʰartr̥-śoka-parājitāḥ /
Halfverse: c    kareṇva iva nardantyo   vinedur hatayūtʰapāḥ
   kareṇva iva nardantyo   vinedur hata-yūtʰapāḥ /5/

Verse: 6 
Halfverse: a    dadr̥śus tā mahākāyaṃ   mahāvīryaṃ mahādyutim
   dadr̥śus tā mahā-kāyaṃ   mahā-vīryaṃ mahā-dyutim /
Halfverse: c    rāvaṇaṃ nihataṃ bʰūmau   nīlāñjanacayopamam
   rāvaṇaṃ nihataṃ bʰūmau   nīla_añjana-caya_upamam /6/

Verse: 7 
Halfverse: a    tāḥ patiṃ sahasā dr̥ṣṭvā   śayānaṃ raṇapāṃsuṣu
   tāḥ patiṃ sahasā dr̥ṣṭvā   śayānaṃ raṇa-pāṃsuṣu /
Halfverse: c    nipetus tasya gātreṣu   cʰinnā vanalatā iva
   nipetus tasya gātreṣu   cʰinnā vana-latā iva /7/

Verse: 8 
Halfverse: a    bahumānāt pariṣvajya   kā cid enaṃ ruroda ha
   bahu-mānāt pariṣvajya   kācid enaṃ ruroda ha /
Halfverse: c    caraṇau kā cid āliṅgya   kā cit kaṇṭʰe 'valambya ca
   caraṇau kācid āliṅgya   kācit kaṇṭʰe_avalambya ca /8/

Verse: 9 
Halfverse: a    uddʰr̥tya ca bʰujau kā cid   bʰūmau sma parivartate
   uddʰr̥tya ca bʰujau kācid   bʰūmau sma parivartate /
Halfverse: c    hatasya vadanaṃ dr̥ṣṭvā   kā cin moham upāgamat
   hatasya vadanaṃ dr̥ṣṭvā   kācin moham upāgamat /9/

Verse: 10 
Halfverse: a    kā cid aṅke śiraḥ kr̥tvā   ruroda mukʰam īkṣatī
   kācid aṅke śiraḥ kr̥tvā   ruroda mukʰam īkṣatī /
Halfverse: c    snāpayantī mukʰaṃ bāṣpais   tuṣārair iva paṅkajam
   snāpayantī mukʰaṃ bāṣpais   tuṣārair iva paṅkajam /10/

Verse: 11 
Halfverse: a    evam ārtāḥ patiṃ dr̥ṣṭvā   rāvaṇaṃ nihataṃ bʰuvi
   evam ārtāḥ patiṃ dr̥ṣṭvā   rāvaṇaṃ nihataṃ bʰuvi /
Halfverse: c    cukruśur bahudʰā śokād   bʰūyas tāḥ paryadevayan
   cukruśur bahudʰā śokād   bʰūyas tāḥ paryadevayan /11/

Verse: 12 
Halfverse: a    yena vitrāsitaḥ śakro   yena vitrāsito yamaḥ
   yena vitrāsitaḥ śakro   yena vitrāsito yamaḥ /
Halfverse: c    yena vaiśravaṇo rājā   puṣpakeṇa viyojitaḥ
   yena vaiśravaṇo rājā   puṣpakeṇa viyojitaḥ /12/

Verse: 13 
Halfverse: a    gandʰarvāṇām r̥ṣīṇāṃ ca   surāṇāṃ ca mahātmanām
   gandʰarvāṇām r̥ṣīṇāṃ ca   surāṇāṃ ca mahātmanām /
Halfverse: c    bʰayaṃ yena mahad dattaṃ   so 'yaṃ śete raṇe hataḥ
   bʰayaṃ yena mahad dattaṃ   so_ayaṃ śete raṇe hataḥ /13/

Verse: 14 
Halfverse: a    asurebʰyaḥ surebʰyo vā   pannagebʰyo 'pi vā tatʰā
   asurebʰyaḥ surebʰyo vā   pannagebʰyo_api vā tatʰā /
Halfverse: c    na bʰayaṃ yo vijānāti   tasyedaṃ mānuṣād bʰayam
   na bʰayaṃ yo vijānāti   tasya_idaṃ mānuṣād bʰayam /14/

Verse: 15 
Halfverse: a    avadʰyo devatānāṃ yas   tatʰā dānavarakṣasām
   avadʰyo devatānāṃ yas   tatʰā dānava-rakṣasām /
Halfverse: c    hataḥ so 'yaṃ raṇe śete   mānuṣeṇa padātinā
   hataḥ so_ayaṃ raṇe śete   mānuṣeṇa padātinā /15/

Verse: 16 
Halfverse: a    yo na śakyaḥ surair hantuṃ   na yakṣair nāsurais tatʰā
   yo na śakyaḥ surair hantuṃ   na yakṣair na_asurais tatʰā /
Halfverse: c    so 'yaṃ kaś cid ivāsattvo   mr̥tyuṃ martyena lambʰitaḥ
   so_ayaṃ kaścid iva_asattvo   mr̥tyuṃ martyena lambʰitaḥ /16/

Verse: 17 
Halfverse: a    evaṃ vadantyo bahudʰā   rurudus tasya tāḥ striyaḥ
   evaṃ vadantyo bahudʰā   rurudus tasya tāḥ striyaḥ /
Halfverse: c    bʰūya eva ca duḥkʰārtā   vilepuś ca punaḥ punaḥ
   bʰūya eva ca duḥkʰa_ārtā   vilepuś ca punaḥ punaḥ /17/

Verse: 18 
Halfverse: a    aśr̥ṇvatā tu suhr̥dāṃ   satataṃ hitavādinām
   aśr̥ṇvatā tu suhr̥dāṃ   satataṃ hita-vādinām / {!}
Halfverse: c    etāḥ samam idānīṃ te   vayam ātmā ca pātitāḥ
   etāḥ samam idānīṃ te   vayam ātmā ca pātitāḥ /18/

Verse: 19 
Halfverse: a    bruvāṇo 'pi hitaṃ vākyam   iṣṭo bʰrātā vibʰīṣaṇaḥ
   bruvāṇo_api hitaṃ vākyam   iṣṭo bʰrātā vibʰīṣaṇaḥ /
Halfverse: c    dʰr̥ṣṭaṃ paruṣito mohāt   tvayātmavadʰakāṅkṣiṇā
   dʰr̥ṣṭaṃ paruṣito mohāt   tvayā_ātma-vadʰa-kāṅkṣiṇā /19/

Verse: 20 
Halfverse: a    yadi niryātitā te syāt   sītā rāmāya maitʰilī
   yadi niryātitā te syāt   sītā rāmāya maitʰilī /
Halfverse: c    na naḥ syād vyasanaṃ gʰoram   idaṃ mūlaharaṃ mahat
   na naḥ syād vyasanaṃ gʰoram   idaṃ mūla-haraṃ mahat /20/

Verse: 21 
Halfverse: a    vr̥ttakāmo bʰaved bʰrātā   rāmo mitrakulaṃ bʰavet
   vr̥tta-kāmo bʰaved bʰrātā   rāmo mitra-kulaṃ bʰavet /
Halfverse: c    vayaṃ cāvidʰavāḥ sarvāḥ   sakāmā na ca śatravaḥ
   vayaṃ ca_avidʰavāḥ sarvāḥ   sakāmā na ca śatravaḥ /21/

Verse: 22 
Halfverse: a    tvayā punar nr̥śaṃsena   sītāṃ saṃrundʰatā balāt
   tvayā punar nr̥śaṃsena   sītāṃ saṃrundʰatā balāt /
Halfverse: c    rākṣasā vayam ātmā ca   trayaṃ tulaṃ nipātitam
   rākṣasā vayam ātmā ca   trayaṃ tulaṃ nipātitam /22/

Verse: 23 
Halfverse: a    na kāmakāraḥ kāmaṃ vā   tava rākṣasapuṃgava
   na kāma-kāraḥ kāmaṃ vā   tava rākṣasa-puṃgava /
Halfverse: c    daivaṃ ceṣṭayate sarvaṃ   hataṃ daivena hanyate
   daivaṃ ceṣṭayate sarvaṃ   hataṃ daivena hanyate /23/

Verse: 24 
Halfverse: a    vānarāṇāṃ vināśo 'yaṃ   rākṣasānāṃ ca te raṇe
   vānarāṇāṃ vināśo_ayaṃ   rākṣasānāṃ ca te raṇe /
Halfverse: c    tava caiva mahābāho   daivayogād upāgataḥ
   tava caiva mahā-bāho   daiva-yogād upāgataḥ /24/

Verse: 25 
Halfverse: a    naivārtʰena na kāmena   vikrameṇa na cājñayā
   na_eva_artʰena na kāmena   vikrameṇa na ca_ājñayā /
Halfverse: c    śakyā daivagatir loke   nivartayitum udyatā
   śakyā daiva-gatir loke   nivartayitum udyatā /25/

Verse: 26 
Halfverse: a    vilepur evaṃ dīnās tā   rākṣasādʰipayoṣitaḥ
   vilepur evaṃ dīnās tā   rākṣasa_adʰipa-yoṣitaḥ /
Halfverse: c    kurarya iva duḥkʰārtā   bāṣpaparyākulekṣaṇāḥ
   kurarya iva duḥkʰa_ārtā   bāṣpa-paryākula_īkṣaṇāḥ /26/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.