TITUS
Ramayana
Part No. 491
Previous part

Chapter: 100 
Adhyāya 100


Verse: 1 
Halfverse: a    te rāvaṇavadʰaṃ dr̥ṣṭvā   devagandʰarvadānavāḥ
   te rāvaṇa-vadʰaṃ dr̥ṣṭvā   deva-gandʰarva-dānavāḥ /
Halfverse: c    jagmus tais tair vimānaiḥ svaiḥ   katʰayantaḥ śubʰāḥ katʰāḥ
   jagmus tais tair vimānaiḥ svaiḥ   katʰayantaḥ śubʰāḥ katʰāḥ /1/

Verse: 2 
Halfverse: a    rāvaṇasya vadʰaṃ gʰoraṃ   rāgʰavasya parākramam
   rāvaṇasya vadʰaṃ gʰoraṃ   rāgʰavasya parākramam /
Halfverse: c    suyuddʰaṃ vānarāṇāṃ ca   sugrīvasay ca mantritam
   suyuddʰaṃ vānarāṇāṃ ca   sugrīvasay ca mantritam /2/

Verse: 3 
Halfverse: a    anurāgaṃ ca vīryaṃ ca   saumitrer lakṣmaṇasya ca
   anurāgaṃ ca vīryaṃ ca   saumitrer lakṣmaṇasya ca /
Halfverse: c    katʰayanto mahābʰāgā   jagmur hr̥ṣṭā yatʰāgatam
   katʰayanto mahā-bʰāgā   jagmur hr̥ṣṭā yatʰā_āgatam /3/

Verse: 4 
Halfverse: a    rāgʰavas tu ratʰaṃ divyam   indradattaṃ śikʰiprabʰam
   rāgʰavas tu ratʰaṃ divyam   indra-dattaṃ śikʰi-prabʰam /
Halfverse: c    anujñāya mahābʰāgo   mātaliṃ pratyapūjayat
   anujñāya mahā-bʰāgo   mātaliṃ pratyapūjayat /4/

Verse: 5 
Halfverse: a    rāgʰaveṇābʰyanujñāto   mātaliḥ śakrasāratʰiḥ
   rāgʰaveṇa_abʰyanujñāto   mātaliḥ śakra-sāratʰiḥ /
Halfverse: c    divyaṃ taṃ ratʰam āstʰāya   divam evāruroha saḥ
   divyaṃ taṃ ratʰam āstʰāya   divam eva_āruroha saḥ /5/

Verse: 6 
Halfverse: a    tasmiṃs tu divam ārūḍʰe   surasāratʰisattame
   tasmiṃs tu divam ārūḍʰe   sura-sāratʰi-sattame /
Halfverse: c    rāgʰavaḥ paramaprītaḥ   sugrīvaṃ pariṣasvaje
   rāgʰavaḥ parama-prītaḥ   sugrīvaṃ pariṣasvaje /6/

Verse: 7 
Halfverse: a    pariṣvajya ca sugrīvaṃ   lakṣmaṇenābʰivāditaḥ
   pariṣvajya ca sugrīvaṃ   lakṣmaṇena_abʰivāditaḥ /
Halfverse: c    pūjyamāno hariśreṣṭʰair   ājagāma balālayam
   pūjyamāno hari-śreṣṭʰair   ājagāma bala_ālayam /7/

Verse: 8 
Halfverse: a    abravīc ca tadā rāmaḥ   samīpaparivartinam
   abravīc ca tadā rāmaḥ   samīpa-parivartinam /
Halfverse: c    saumitriṃ sattvasaṃpannaṃ   lakṣmaṇaṃ dīptatejasaṃ
   saumitriṃ sattva-saṃpannaṃ   lakṣmaṇaṃ dīpta-tejasaṃ /8/

Verse: 9 
Halfverse: a    vibʰīṣaṇam imaṃ saumya   laṅkāyām abʰiṣecaya
   vibʰīṣaṇam imaṃ saumya   laṅkāyām abʰiṣecaya /
Halfverse: c    anuraktaṃ ca bʰaktaṃ ca   mama caivopakāriṇam
   anuraktaṃ ca bʰaktaṃ ca   mama ca_eva_upakāriṇam /9/

Verse: 10 
Halfverse: a    eṣa me paramaḥ kāmo   yad imaṃ rāvaṇānujam
   eṣa me paramaḥ kāmo   yad imaṃ rāvaṇa_anujam /
Halfverse: c    laṅkāyāṃ saumya paśyeyam   abʰiṣiktaṃ vibʰīṣaṇam
   laṅkāyāṃ saumya paśyeyam   abʰiṣiktaṃ vibʰīṣaṇam /10/

Verse: 11 
Halfverse: a    evam uktas tu saumitrī   rāgʰaveṇa mahātmanā
   evam uktas tu saumitrī   rāgʰaveṇa mahātmanā /
Halfverse: c    tatʰety uktvā tu saṃhr̥ṣṭaḥ   sauvarṇaṃ gʰaṭam ādade
   tatʰā_ity uktvā tu saṃhr̥ṣṭaḥ   sauvarṇaṃ gʰaṭam ādade /11/

Verse: 12 
Halfverse: a    gʰaṭena tena saumitrir   abʰyaṣiñcad vibʰīṣaṇam
   gʰaṭena tena saumitrir   abʰyaṣiñcad vibʰīṣaṇam /
Halfverse: c    laṅkāyāṃ rakṣasāṃ madʰye   rājānaṃ rāmaśāsanāt
   laṅkāyāṃ rakṣasāṃ madʰye   rājānaṃ rāma-śāsanāt /12/

Verse: 13 
Halfverse: a    abʰyaṣiñcat sa dʰarmātmā   śuddʰātmānaṃ vibʰīṣaṇam
   abʰyaṣiñcat sa dʰarma_ātmā   śuddʰa_ātmānaṃ vibʰīṣaṇam /
Halfverse: c    tasyāmātyā jahr̥ṣire   bʰaktā ye cāsya rākṣasāḥ
   tasya_amātyā jahr̥ṣire   bʰaktā ye ca_asya rākṣasāḥ /13/

Verse: 14 
Halfverse: a    dr̥ṣṭvābʰiṣiktaṃ laṅkāyāṃ   rākṣasendraṃ vibʰīṣaṇam
   dr̥ṣṭvā_abʰiṣiktaṃ laṅkāyāṃ   rākṣasa_indraṃ vibʰīṣaṇam /
Halfverse: c    rāgʰavaḥ paramāṃ prītiṃ   jagāma sahalakṣmaṇaḥ
   rāgʰavaḥ paramāṃ prītiṃ   jagāma saha-lakṣmaṇaḥ /14/

Verse: 15 
Halfverse: a    sa tad rājyaṃ mahat prāpya   rāmadattaṃ vibʰīṣaṇaḥ
   sa tad rājyaṃ mahat prāpya   rāma-dattaṃ vibʰīṣaṇaḥ /
Halfverse: c    prakr̥tīḥ sāntvayitvā ca   tato rāmam upāgamat
   prakr̥tīḥ sāntvayitvā ca   tato rāmam upāgamat /15/

Verse: 16 
Halfverse: a    akṣatān modakām̐l lājān   divyāḥ sumanasas tatʰā
   akṣatān modakām̐l lājān   divyāḥ sumanasas tatʰā /
Halfverse: c    ājahrur atʰa saṃhr̥ṣṭāḥ   paurās tasmai niśācarāḥ
   ājahrur atʰa saṃhr̥ṣṭāḥ   paurās tasmai niśā-carāḥ /16/

Verse: 17 
Halfverse: a    sa tān gr̥hītvā durdʰarṣo   rāgʰavāya nyavedayat
   sa tān gr̥hītvā durdʰarṣo   rāgʰavāya nyavedayat /
Halfverse: c    maṅgalyaṃ maṅgalaṃ sarvaṃ   lakṣmaṇāya ca vīryavān
   maṅgalyaṃ maṅgalaṃ sarvaṃ   lakṣmaṇāya ca vīryavān /17/

Verse: 18 
Halfverse: a    kr̥takāryaṃ samr̥ddʰārtʰaṃ   dr̥ṣṭvā rāmo vibʰīṣaṇam
   kr̥ta-kāryaṃ samr̥ddʰa_artʰaṃ   dr̥ṣṭvā rāmo vibʰīṣaṇam /
Halfverse: c    pratijagrāha tat sarvaṃ   tasyaiva priyakāmyayā
   pratijagrāha tat sarvaṃ   tasya_eva priya-kāmyayā /18/

Verse: 19 
Halfverse: a    tataḥ śailopamaṃ vīraṃ   prāñjaliṃ pārśvataḥ stʰitam
   tataḥ śaila_upamaṃ vīraṃ   prāñjaliṃ pārśvataḥ stʰitam /
Halfverse: c    abravīd rāgʰavo vākyaṃ   hanūmantaṃ plavaṃgamam
   abravīd rāgʰavo vākyaṃ   hanūmantaṃ plavaṃ-gamam /19/

Verse: 20 
Halfverse: a    anumānya mahārājam   imaṃ saumya vibʰīṣaṇam
   anumānya mahā-rājam   imaṃ saumya vibʰīṣaṇam /
Halfverse: c    praviśya rāvaṇagr̥haṃ   vinayenopasr̥tya ca
   praviśya rāvaṇa-gr̥haṃ   vinayena_upasr̥tya ca /20/

Verse: 21 
Halfverse: a    vaidehyā māṃ kuśalinaṃ   sasugrīvaṃ salakṣmaṇam
   vaidehyā māṃ kuśalinaṃ   sasugrīvaṃ salakṣmaṇam /
Halfverse: c    ācakṣva jayatāṃ śreṣṭʰa   rāvaṇaṃ ca mayā hatam
   ācakṣva jayatāṃ śreṣṭʰa   rāvaṇaṃ ca mayā hatam /21/

Verse: 22 
Halfverse: a    priyam etad udāhr̥tya   maitʰilyās tvaṃ harīśvara
   priyam etad udāhr̥tya   maitʰilyās tvaṃ hari_īśvara /
Halfverse: c    pratigr̥hya ca saṃdeśam   upāvartitum arhasi
   pratigr̥hya ca saṃdeśam   upāvartitum arhasi /22/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.