TITUS
Ramayana
Part No. 492
Previous part

Chapter: 101 
Adhyāya 101


Verse: 1 
Halfverse: a    iti pratisamādiṣṭo   hanūmān mārutātmajaḥ
   iti pratisamādiṣṭo   hanūmān māruta_ātmajaḥ /
Halfverse: c    praviveśa purīṃ laṅkāṃ   pūjyamāno niśācaraiḥ
   praviveśa purīṃ laṅkāṃ   pūjyamāno niśā-caraiḥ /1/

Verse: 2 
Halfverse: a    praviśya tu mahātejā   rāvaṇasya niveśanam
   praviśya tu mahā-tejā   rāvaṇasya niveśanam /
Halfverse: c    dadarśa śaśinā hīnāṃ   sātaṅkām iva rohiṇīm
   dadarśa śaśinā hīnāṃ   sātaṅkām iva rohiṇīm /2/

Verse: 3 
Halfverse: a    nibʰr̥taḥ praṇataḥ prahvaḥ   so 'bʰigamyābʰivādya ca
   nibʰr̥taḥ praṇataḥ prahvaḥ   so_abʰigamya_abʰivādya ca /
Halfverse: c    rāmasya vacanaṃ sarvam   ākʰyātum upacakrame
   rāmasya vacanaṃ sarvam   ākʰyātum upacakrame /3/

Verse: 4 
Halfverse: a    vaidehi kuśalī rāmaḥ   sasugrīvaḥ salakṣmaṇaḥ
   vaidehi kuśalī rāmaḥ   sasugrīvaḥ salakṣmaṇaḥ /
Halfverse: c    kuśalaṃ cāha siddʰārtʰo   hataśatrur ariṃdamaḥ
   kuśalaṃ ca_āha siddʰa_artʰo   hata-śatrur ariṃ-damaḥ /4/

Verse: 5 
Halfverse: a    vibʰīṣaṇasahāyena   rāmeṇa haribʰiḥ saha
   vibʰīṣaṇa-sahāyena   rāmeṇa haribʰiḥ saha /
Halfverse: c    nihato rāvaṇo devi   lakṣmaṇasya nayena ca
   nihato rāvaṇo devi   lakṣmaṇasya nayena ca /5/

Verse: 6 
Halfverse: a    pr̥ṣṭvā ca kuśalaṃ rāmo   vīras tvāṃ ragʰunandanaḥ
   pr̥ṣṭvā ca kuśalaṃ rāmo   vīras tvāṃ ragʰu-nandanaḥ /
Halfverse: c    abravīt paramaprītaḥ   kr̥tārtʰenāntarātmanā
   abravīt parama-prītaḥ   kr̥ta_artʰena_antar-ātmanā /6/

Verse: 7 
Halfverse: a    priyam ākʰyāmi te devi   tvāṃ tu bʰayaḥ sabʰājaye
   priyam ākʰyāmi te devi   tvāṃ tu bʰayaḥ sabʰājaye /
Halfverse: c    diṣṭyā jīvasi dʰarmajñe   jayena mama saṃyuge
   diṣṭyā jīvasi dʰarmajñe   jayena mama saṃyuge /7/

Verse: 8 
Halfverse: a    labdʰo no vijayaḥ sīte   svastʰā bʰava gatavyatʰā
   labdʰo no vijayaḥ sīte   svastʰā bʰava gata-vyatʰā /
Halfverse: c    rāvaṇaḥ sa hataḥ śatrur   laṅkā ceyaṃ vaśe stʰitā
   rāvaṇaḥ sa hataḥ śatrur   laṅkā ca_iyaṃ vaśe stʰitā /8/

Verse: 9 
Halfverse: a    mayā hy alabdʰanidreṇa   dʰr̥tena tava nirjaye
   mayā hy alabdʰa-nidreṇa   dʰr̥tena tava nirjaye /
Halfverse: c    pratijñaiṣā vinistīrṇā   baddʰvā setuṃ mahodadʰau
   pratijñā_eṣā vinistīrṇā   baddʰvā setuṃ mahā_udadʰau /9/

Verse: 10 
Halfverse: a    saṃbʰramaś ca na kartavyo   vartantyā rāvaṇālaye
   saṃbʰramaś ca na kartavyo   vartantyā rāvaṇa_ālaye /
Halfverse: c    vibʰīṣaṇa vidʰeyaṃ hi   laṅkaiśvaryam idaṃ kr̥tam
   vibʰīṣaṇa vidʰeyaṃ hi   laṅkā_aiśvaryam idaṃ kr̥tam /10/

Verse: 11 
Halfverse: a    tad āśvasihi viśvastā   svagr̥he parivartase
   tad āśvasihi viśvastā   sva-gr̥he parivartase /
Halfverse: c    ayaṃ cābʰyeti saṃhr̥ṣṭas   tvaddarśanasamutsukaḥ
   ayaṃ ca_abʰyeti saṃhr̥ṣṭas   tvad-darśana-samutsukaḥ /11/

Verse: 12 
Halfverse: a    evam uktā samutpatya   sītā śaśinibʰānanā
   evam uktā samutpatya   sītā śaśi-nibʰa_ānanā /
Halfverse: c    praharṣeṇāvaruddʰā sā   vyājahāra na kiṃ cana
   praharṣeṇa_avaruddʰā sā   vyājahāra na kiṃcana /12/

Verse: 13 
Halfverse: a    abravīc ca hariśreṣṭʰaḥ   sītām apratijalpatīm
   abravīc ca hari-śreṣṭʰaḥ   sītām apratijalpatīm /
Halfverse: c    kiṃ tvaṃ cintayase devi   kiṃ ca māṃ nābʰibʰāṣase
   kiṃ tvaṃ cintayase devi   kiṃ ca māṃ na_abʰibʰāṣase /13/

Verse: 14 
Halfverse: a    evam uktā hanumatā   sītā dʰarme vyavastʰitā
   evam uktā hanumatā   sītā dʰarme vyavastʰitā /
Halfverse: c    abravīt paramapritā   harṣagadgadayā girā
   abravīt parama-pritā   harṣa-gadgadayā girā /14/

Verse: 15 
Halfverse: a    priyam etad upaśrutya   bʰartur vijayasaṃśritam
   priyam etad upaśrutya   bʰartur vijaya-saṃśritam /
Halfverse: c    praharṣavaśam āpannā   nirvākyāsmi kṣaṇāntaram
   praharṣa-vaśam āpannā   nirvākyā_asmi kṣaṇa_antaram /15/

Verse: 16 
Halfverse: a    na hi paśyāmi sadr̥śaṃ   cintayantī plavaṃgama
   na hi paśyāmi sadr̥śaṃ   cintayantī plavaṃ-gama / {!}
Halfverse: c    matpriyākʰyānakasyeha   tava pratyabʰinandanam
   mat-priya_ākʰyānakasya_iha   tava pratyabʰinandanam /16/

Verse: 17 
Halfverse: a    na ca paśyāmi tat saumya   pr̥tʰivyām api vānara
   na ca paśyāmi tat saumya   pr̥tʰivyām api vānara /
Halfverse: c    sadr̥śaṃ matpriyākʰyāne   tava dātuṃ bʰavet samam
   sadr̥śaṃ mat-priya_ākʰyāne   tava dātuṃ bʰavet samam /17/

Verse: 18 
Halfverse: a    hiraṇyaṃ vā suvarṇaṃ vā   ratnāni vividʰāni ca
   hiraṇyaṃ vā suvarṇaṃ vā   ratnāni vividʰāni ca /
Halfverse: c    rājyaṃ vā triṣu lokeṣu   naitad arhati bʰāṣitum
   rājyaṃ vā triṣu lokeṣu   na_etad arhati bʰāṣitum /18/

Verse: 19 
Halfverse: a    evam uktas tu vaidehyā   pratyuvāca plavaṃgamaḥ
   evam uktas tu vaidehyā   pratyuvāca plavaṃ-gamaḥ /
Halfverse: c    pragr̥hītāñjalir vākyaṃ   sītāyāḥ pramukʰe stʰitaḥ
   pragr̥hīta_añjalir vākyaṃ   sītāyāḥ pramukʰe stʰitaḥ /19/

Verse: 20 
Halfverse: a    bʰartuḥ priyahite yukte   bʰartur vijayakāṅkṣiṇi
   bʰartuḥ priya-hite yukte   bʰartur vijaya-kāṅkṣiṇi /
Halfverse: c    snigdʰam evaṃvidʰaṃ vākyaṃ   tvam evārhasi bʰāṣitum
   snigdʰam evaṃ-vidʰaṃ vākyaṃ   tvam eva_arhasi bʰāṣitum /20/

Verse: 21 
Halfverse: a    tavaitad vacanaṃ saumye   sāravat snigdʰam eva ca
   tava_etad vacanaṃ saumye   sāravat snigdʰam eva ca /
Halfverse: c    ratnaugʰād vividʰāc cāpi   devarājyād viśiṣyate
   ratna_ogʰād vividʰāc ca_api   deva-rājyād viśiṣyate /21/

Verse: 22 
Halfverse: a    artʰataś ca mayā prāptā   devarājyādayo guṇāḥ
   artʰataś ca mayā prāptā   deva-rājyā_ādayo guṇāḥ /
Halfverse: c    hataśatruṃ vijayinaṃ   rāmaṃ paśyāmi yat stʰitam
   hata-śatruṃ vijayinaṃ   rāmaṃ paśyāmi yat stʰitam /22/

Verse: 23 
Halfverse: a    imās tu kʰalu rākṣasyo   yadi tvam anumanyase
   imās tu kʰalu rākṣasyo   yadi tvam anumanyase /
Halfverse: c    hantum iccʰāmy ahaṃ sarvā   yābʰis tvaṃ tarjitā purā
   hantum iccʰāmy ahaṃ sarvā   yābʰis tvaṃ tarjitā purā /23/

Verse: 24 
Halfverse: a    kliśyantīṃ patidevāṃ tvām   aśokavanikāṃ gatām
   kliśyantīṃ pati-devāṃ tvām   aśoka-vanikāṃ gatām /
Halfverse: c    gʰorarūpasamācārāḥ   krūrāḥ krūratarekṣaṇāḥ
   gʰora-rūpa-samācārāḥ   krūrāḥ krūratara_īkṣaṇāḥ /24/

Verse: 25 
Halfverse: a    rākṣasyo dāruṇakatʰā   varam etaṃ prayaccʰa me
   rākṣasyo dāruṇa-katʰā   varam etaṃ prayaccʰa me /
Halfverse: c    iccʰāmi vividʰair gʰātair   hantum etāḥ sudāruṇāḥ
   iccʰāmi vividʰair gʰātair   hantum etāḥ sudāruṇāḥ /25/

Verse: 26 
Halfverse: a    muṣṭibʰiḥ pāṇibʰiś caiva   caraṇaiś caiva śobʰane
   muṣṭibʰiḥ pāṇibʰiś caiva   caraṇaiś ca_eva śobʰane /
Halfverse: c    gʰorair jānuprahāraiś ca   daśanānāṃ ca pātanaiḥ
   gʰorair jānu-prahāraiś ca   daśanānāṃ ca pātanaiḥ /26/

Verse: 27 
Halfverse: a    bʰakṣaṇaiḥ karṇanāsānāṃ   keśānāṃ luñcanais tatʰā
   bʰakṣaṇaiḥ karṇa-nāsānāṃ   keśānāṃ luñcanais tatʰā /
Halfverse: c    bʰr̥śaṃ śuṣkamukʰībʰiś ca   dāruṇair laṅgʰanair hataiḥ
   bʰr̥śaṃ śuṣka-mukʰībʰiś ca   dāruṇair laṅgʰanair hataiḥ /27/

Verse: 28 
Halfverse: a    evaṃprakārair bahubʰir   viprakārair yaśasvini
   evaṃ-prakārair bahubʰir   viprakārair yaśasvini /
Halfverse: c    hantum iccʰāmy ahaṃ devi   tavemāḥ kr̥takilbiṣāḥ
   hantum iccʰāmy ahaṃ devi   tava_imāḥ kr̥ta-kilbiṣāḥ /28/

Verse: 29 
Halfverse: a    evam uktā mahumatā   vaidehī janakātmajā
   evam uktā mahumatā   vaidehī janaka_ātmajā /
Halfverse: c    uvāca dʰarmasahitaṃ   hanūmantaṃ yaśasvinī
   uvāca dʰarma-sahitaṃ   hanūmantaṃ yaśasvinī /29/

Verse: 30 
Halfverse: a    rājasaṃśrayavaśyānāṃ   kurvatīnāṃ parājñayā
   rāja-saṃśraya-vaśyānāṃ   kurvatīnāṃ para_ājñayā /
Halfverse: c    vidʰeyānāṃ ca dāsīnāṃ   kaḥ kupyed vānarottama
   vidʰeyānāṃ ca dāsīnāṃ   kaḥ kupyed vānara_uttama /30/

Verse: 31 
Halfverse: a    bʰāgyavaiṣamya yogena   purā duścaritena ca
   bʰāgya-vaiṣamya yogena   purā duścaritena ca /
Halfverse: c    mayaitet prāpyate sarvaṃ   svakr̥taṃ hy upabʰujyate
   mayā_etet prāpyate sarvaṃ   sva-kr̥taṃ hy upabʰujyate /31/

Verse: 32 
Halfverse: a    prāptavyaṃ tu daśā yogān   mayaitad iti niścitam
   prāptavyaṃ tu daśā yogān   mayā_etad iti niścitam /
Halfverse: c    dāsīnāṃ rāvaṇasyāhaṃ   marṣayāmīha durbalā
   dāsīnāṃ rāvaṇasya_ahaṃ   marṣayāmi_iha durbalā /32/

Verse: 33 
Halfverse: a    ājñaptā rāvaṇenaitā   rākṣasyo mām atarjayan
   ājñaptā rāvaṇena_etā   rākṣasyo mām atarjayan /
Halfverse: c    hate tasmin na kuryur hi   tarjanaṃ vānarottama
   hate tasmin na kuryur hi   tarjanaṃ vānara_uttama /33/

Verse: 34 
Halfverse: a    ayaṃ vyāgʰrasamīpe tu   purāṇo dʰarmasaṃhitaḥ
   ayaṃ vyāgʰra-samīpe tu   purāṇo dʰarma-saṃhitaḥ /
Halfverse: c    r̥kṣeṇa gītaḥ śloko me   taṃ nibodʰa plavaṃgama
   r̥kṣeṇa gītaḥ śloko me   taṃ nibodʰa plavaṃ-gama /34/

Verse: 35 
Halfverse: a    na paraḥ pāpam ādatte   pareṣāṃ pāpakarmaṇām
   na paraḥ pāpam ādatte   pareṣāṃ pāpa-karmaṇām /
Halfverse: c    samayo rakṣitavyas tu   santaś cāritrabʰūṣaṇāḥ
   samayo rakṣitavyas tu   santaś cāritra-bʰūṣaṇāḥ /35/

Verse: 36 
Halfverse: a    pāpānāṃ vā śubʰānāṃ vā   vadʰārhāṇāṃ plavaṃgama
   pāpānāṃ vā śubʰānāṃ vā   vadʰa_arhāṇāṃ plavaṃ-gama /
Halfverse: c    kāryaṃ kāruṇyam āryeṇa   na kaś cin nāparādʰyati
   kāryaṃ kāruṇyam āryeṇa   na kaścin na_aparādʰyati /36/

Verse: 37 
Halfverse: a    lokahiṃsāvihārāṇāṃ   rakṣasāṃ kāmarūpiṇam
   loka-hiṃsā-vihārāṇāṃ   rakṣasāṃ kāma-rūpiṇam /
Halfverse: c    kurvatām api pāpāni   naiva kāryam aśobʰanam
   kurvatām api pāpāni   na_eva kāryam aśobʰanam /37/

Verse: 38 
Halfverse: a    evam uktas tu hanumān   sītayā vākyakovidaḥ
   evam uktas tu hanumān   sītayā vākya-kovidaḥ /
Halfverse: c    pratyuvāca tataḥ sītāṃ   rāmapatnīṃ yaśasvinīm
   pratyuvāca tataḥ sītāṃ   rāma-patnīṃ yaśasvinīm /38/

Verse: 39 
Halfverse: a    yuktā rāmasya bʰavatī   dʰarmapatnī yaśasvinī
   yuktā rāmasya bʰavatī   dʰarma-patnī yaśasvinī /
Halfverse: c    pratisaṃdiśa māṃ devi   gamiṣye yatra rāgʰavaḥ
   pratisaṃdiśa māṃ devi   gamiṣye yatra rāgʰavaḥ /39/

Verse: 40 
Halfverse: a    evam uktā hanumatā   vaidehī janakātmajā
   evam uktā hanumatā   vaidehī janaka_ātmajā /
Halfverse: c    abravīd draṣṭum iccʰāmi   bʰartāraṃ vānarottama
   abravīd draṣṭum iccʰāmi   bʰartāraṃ vānara_uttama /40/

Verse: 41 
Halfverse: a    tasyās tadvacanaṃ śrutvā   hanumān pavanātmajaḥ
   tasyās tad-vacanaṃ śrutvā   hanumān pavana_ātmajaḥ /
Halfverse: c    harṣayan maitʰilīṃ vākyam   uvācedaṃ mahādyutiḥ
   harṣayan maitʰilīṃ vākyam   uvāca_idaṃ mahā-dyutiḥ /41/

Verse: 42 
Halfverse: a    pūrṇacandrānanaṃ rāmaṃ   drakṣyasy ārye salakṣmaṇam
   pūrṇa-candra_ānanaṃ rāmaṃ   drakṣyasy ārye salakṣmaṇam /
Halfverse: c    stʰiramitraṃ hatāmitraṃ   śacīva tridaśeśvaram
   stʰira-mitraṃ hata_amitraṃ   śacī_iva tridaśa_īśvaram /42/

Verse: 43 
Halfverse: a    tām evam uktvā rājantīṃ   sītāṃ sākṣād iva śriyam
   tām evam uktvā rājantīṃ   sītāṃ sākṣād iva śriyam /
Halfverse: c    ājagāma mahāvego   hanūmān yatra rāgʰavaḥ
   ājagāma mahā-vego   hanūmān yatra rāgʰavaḥ /43/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.