TITUS
Ramayana
Part No. 496
Previous part

Chapter: 105 
Adhyāya 105


Verse: 1 
Halfverse: a    tato vaiśravaṇo rājā   yamaś cāmitrakarśanaḥ
   tato vaiśravaṇo rājā   yamaś ca_amitra-karśanaḥ /
Halfverse: c    sahasrākṣo mahendraś ca   varuṇaś ca paraṃtapaḥ
   sahasra_akṣo mahā_indraś ca   varuṇaś ca paraṃ-tapaḥ /1/

Verse: 2 
Halfverse: a    ṣaḍardʰanayanaḥ śrīmān   mahādevo vr̥ṣadʰvajaḥ
   ṣaḍ-ardʰa-nayanaḥ śrīmān   mahā-devo vr̥ṣa-dʰvajaḥ /
Halfverse: c    kartā sarvasya lokasya   brahmā brahmavidāṃ varaḥ
   kartā sarvasya lokasya   brahmā brahmavidāṃ varaḥ /2/

Verse: 3 
Halfverse: a    ete sarve samāgamya   vimānaiḥ sūryasaṃnibʰaiḥ
   ete sarve samāgamya   vimānaiḥ sūrya-saṃnibʰaiḥ /
Halfverse: c    āgamya nagarīṃ laṅkām   abʰijagmuś ca rāgʰavam
   āgamya nagarīṃ laṅkām   abʰijagmuś ca rāgʰavam /3/

Verse: 4 
Halfverse: a    tataḥ sahastābʰaraṇān   pragr̥hya vipulān bʰujān
   tataḥ sahasta_ābʰaraṇān   pragr̥hya vipulān bʰujān /
Halfverse: c    abruvaṃs tridaśaśreṣṭʰāḥ   prāñjaliṃ rāgʰavaṃ stʰitam
   abruvaṃs tridaśa-śreṣṭʰāḥ   prāñjaliṃ rāgʰavaṃ stʰitam /4/

Verse: 5 
Halfverse: a    kartā sarvasya lokasya   śreṣṭʰo jñānavatāṃ varaḥ
   kartā sarvasya lokasya   śreṣṭʰo jñānavatāṃ varaḥ /
Halfverse: c    upekṣase katʰaṃ sītāṃ   patantīṃ havyavāhane
   upekṣase katʰaṃ sītāṃ   patantīṃ havya-vāhane /
Halfverse: e    katʰaṃ devagaṇaśreṣṭʰam   ātmānaṃ nāvabudʰyase
   katʰaṃ deva-gaṇa-śreṣṭʰam   ātmānaṃ na_avabudʰyase /5/

Verse: 6 
Halfverse: a    r̥tadʰāmā vasuḥ pūrvaṃ   vasūnāṃ ca prajāpatiḥ
   r̥ta-dʰāmā vasuḥ pūrvaṃ   vasūnāṃ ca prajāpatiḥ /
Halfverse: c    tvaṃ trayāṇāṃ hi lokānām   ādikartā svayaṃprabʰuḥ
   tvaṃ trayāṇāṃ hi lokānām   ādi-kartā svayaṃ-prabʰuḥ /6/

Verse: 7 
Halfverse: a    rudrāṇām aṣṭamo rudraḥ   sādʰyānām api pañcamaḥ
   rudrāṇām aṣṭamo rudraḥ   sādʰyānām api pañcamaḥ /
Halfverse: c    aśvinau cāpi te karṇau   candrasūryau ca cakṣuṣī
   aśvinau ca_api te karṇau   candra-sūryau ca cakṣuṣī /7/

Verse: 8 
Halfverse: a    ante cādau ca lokānāṃ   dr̥śyase tvaṃ paraṃtapa
   ante ca_ādau ca lokānāṃ   dr̥śyase tvaṃ paraṃ-tapa /
Halfverse: c    upekṣase ca vaidehīṃ   mānuṣaḥ prākr̥to yatʰā
   upekṣase ca vaidehīṃ   mānuṣaḥ prākr̥to yatʰā /8/

Verse: 9 
Halfverse: a    ity ukto lokapālais taiḥ   svāmī lokasya rāgʰavaḥ
   ity ukto loka-pālais taiḥ   svāmī lokasya rāgʰavaḥ /
Halfverse: c    abravīt tridaśaśreṣṭʰān   rāmo dʰarmabʰr̥tāṃ varaḥ
   abravīt tridaśa-śreṣṭʰān   rāmo dʰarmabʰr̥tāṃ varaḥ /9/

Verse: 10 
Halfverse: a    ātmānaṃ mānuṣaṃ manye   rāmaṃ daśaratʰātmajam
   ātmānaṃ mānuṣaṃ manye   rāmaṃ daśaratʰa_ātmajam /
Halfverse: c    yo 'haṃ yasya yataś cāhaṃ   bʰagavāṃs tad bravītu me
   yo_ahaṃ yasya yataś ca_ahaṃ   bʰagavāṃs tad bravītu me /10/

Verse: 11 
Halfverse: a    iti bruvāṇaṃ kākutstʰaṃ   brahmā brahmavidāṃ varaḥ
   iti bruvāṇaṃ kākutstʰaṃ   brahmā brahmavidāṃ varaḥ /
Halfverse: c    abravīc cʰr̥ṇu me rāma   satyaṃ satyaparākrama
   abravīt śr̥ṇu me rāma   satyaṃ satya-parākrama /11/

Verse: 12 
Halfverse: a    bʰavān nārāyaṇo devaḥ   śrīmāṃś cakrāyudʰo vibʰuḥ
   bʰavān nārāyaṇo devaḥ   śrīmāṃś cakra_āyudʰo vibʰuḥ /
Halfverse: c    ekaśr̥ṅgo varāhas tvaṃ   bʰūtabʰavyasapatnajit
   eka-śr̥ṅgo varāhas tvaṃ   bʰūta-bʰavya-sapatnajit /12/

Verse: 13 
Halfverse: a    akṣaraṃ brahmasatyaṃ ca   madʰye cānte ca rāgʰava
   akṣaraṃ brahma-satyaṃ ca   madʰye ca_ante ca rāgʰava /
Halfverse: c    lokānāṃ tvaṃ paro dʰarmo   viṣvaksenaś caturbʰujaḥ
   lokānāṃ tvaṃ paro dʰarmo   viṣvak-senaś catur-bʰujaḥ /13/

Verse: 14 
Halfverse: a    śārṅgadʰanvā hr̥ṣīkeśaḥ   puruṣaḥ puruṣottamaḥ
   śārṅga-dʰanvā hr̥ṣī-keśaḥ   puruṣaḥ puruṣa_uttamaḥ /
Halfverse: c    ajitaḥ kʰaḍgadʰr̥g viṣṇuḥ   kr̥ṣṇaś caiva br̥hadbalaḥ
   ajitaḥ kʰaḍgadʰr̥g viṣṇuḥ   kr̥ṣṇaś caiva br̥had-balaḥ /14/

Verse: 15 
Halfverse: a    senānīr grāmaṇīś ca tvaṃ   buddʰiḥ sattaṃ kṣamā damaḥ
   senānīr grāmaṇīś ca tvaṃ   buddʰiḥ sattaṃ kṣamā damaḥ /
Halfverse: c    prabʰavaś cāpyayaś ca tvam   upendro madʰusūdanaḥ
   prabʰavaś ca_apyayaś ca tvam   upendro madʰu-sūdanaḥ /15/

Verse: 16 
Halfverse: a    indrakarmā mahendras tvaṃ   padmanābʰo raṇāntakr̥t
   indra-karmā mahā_indras tvaṃ   padma-nābʰo raṇa_antakr̥t /
Halfverse: c    śaraṇyaṃ śaraṇaṃ ca tvām   āhur divyā maharṣayaḥ
   śaraṇyaṃ śaraṇaṃ ca tvām   āhur divyā maharṣayaḥ /16/

Verse: 17 
Halfverse: a    sahasraśr̥ṅgo vedātmā   śatajihvo maharṣabʰaḥ
   sahasra-śr̥ṅgo veda_ātmā   śata-jihvo mahā-r̥ṣabʰaḥ /
Halfverse: c    tvaṃ yajñas tvaṃ vaṣaṭkāras   tvam oṃkāraḥ paraṃtapa
   tvaṃ yajñas tvaṃ vaṣaṭ-kāras   tvam oṃ-kāraḥ paraṃ-tapa /17/

Verse: 18 
Halfverse: a    prabʰavaṃ nidʰanaṃ vā te   na viduḥ ko bʰavān iti
   prabʰavaṃ nidʰanaṃ vā te   na viduḥ ko bʰavān iti /
Halfverse: c    dr̥śyase sarvabʰūteṣu   brāhmaṇeṣu ca goṣu ca
   dr̥śyase sarva-bʰūteṣu   brāhmaṇeṣu ca goṣu ca /

Verse: 19 
Halfverse: a    dikṣu sarvāsu gagane   parvateṣu vaneṣu ca
   dikṣu sarvāsu gagane   parvateṣu vaneṣu ca /19/
Halfverse: c    sahasracaraṇaḥ śrīmāñ   śataśīrṣaḥ sahasradʰr̥k
   sahasra-caraṇaḥ śrīmān   śata-śīrṣaḥ sahasradʰr̥k /

Verse: 20 
Halfverse: a    tvaṃ dʰārayasi bʰūtāni   vasudʰāṃ ca saparvatām
   tvaṃ dʰārayasi bʰūtāni   vasudʰāṃ ca saparvatām /20/
Halfverse: c    ante pr̥tʰivyāḥ salile   dr̥śyase tvaṃ mahoragaḥ
   ante pr̥tʰivyāḥ salile   dr̥śyase tvaṃ mahā_uragaḥ /

Verse: 21 
Halfverse: a    trīm̐l lokān dʰārayan rāma   devagandʰarvadānavān
   trīm̐l lokān dʰārayan rāma   deva-gandʰarva-dānavān /21/
Halfverse: c    ahaṃ te hr̥dayaṃ rāma   jihvā devī sarasvatī
   ahaṃ te hr̥dayaṃ rāma   jihvā devī sarasvatī /

Verse: 22 
Halfverse: a    devā gātreṣu lomāni   nirmitā brahmaṇā prabʰo
   devā gātreṣu lomāni   nirmitā brahmaṇā prabʰo /22/
Halfverse: c    nimeṣas te 'bʰavad rātrir   unmeṣas te 'bʰavad divā
   nimeṣas te_abʰavad rātrir   unmeṣas te_abʰavad divā /

Verse: 23 
Halfverse: a    saṃskārās te 'bʰavan vedā   na tad asti tvayā vinā
   saṃskārās te_abʰavan vedā   na tad asti tvayā vinā /23/
Halfverse: c    jagat sarvaṃ śarīraṃ te   stʰairyamṃ te vasudʰātalam
   jagat sarvaṃ śarīraṃ te   stʰairyamṃ te vasudʰā-talam /

Verse: 24 
Halfverse: a    agniḥ kopaḥ prasādas te   somaḥ śrīvatsalakṣaṇa
   agniḥ kopaḥ prasādas te   somaḥ śrī-vatsa-lakṣaṇa /24/
Halfverse: c    tvayā lokās trayaḥ krāntāḥ   purāṇe vikramais tribʰiḥ
   tvayā lokās trayaḥ krāntāḥ   purāṇe vikramais tribʰiḥ /

Verse: 25 
Halfverse: a    mahendraś ca kr̥to rājā   baliṃ baddʰvā mahāsuram
   mahā_indraś ca kr̥to rājā   baliṃ baddʰvā mahā_asuram /25/
Halfverse: c    sītā lakṣmīr bʰavān viṣṇur   devaḥ kr̥ṣṇaḥ prajāpatiḥ
   sītā lakṣmīr bʰavān viṣṇur   devaḥ kr̥ṣṇaḥ prajā-patiḥ /

Verse: 26 
Halfverse: a    vadʰārtʰaṃ rāvaṇasyeha   praviṣṭo mānuṣīṃ tanum
   vadʰa_artʰaṃ rāvaṇasya_iha   praviṣṭo mānuṣīṃ tanum /26/
Halfverse: c    tad idaṃ naḥ kr̥taṃ kāryaṃ   tvayā dʰarmabʰr̥tāṃ vara
   tad idaṃ naḥ kr̥taṃ kāryaṃ   tvayā dʰarmabʰr̥tāṃ vara /

Verse: 27 
Halfverse: a    nihato rāvaṇo rāma   prahr̥ṣṭo divam ākrama
   nihato rāvaṇo rāma   prahr̥ṣṭo divam ākrama /27/
Halfverse: c    amogʰaṃ balavīryaṃ te   amogʰas te parākramaḥ
   amogʰaṃ bala-vīryaṃ te   amogʰas te parākramaḥ /

Verse: 28 
Halfverse: a    amogʰās te bʰaviṣyanti   bʰaktimantaś ca ye narāḥ
   amogʰās te bʰaviṣyanti   bʰaktimantaś ca ye narāḥ /28/
Halfverse: c    ye tvāṃ devaṃ dʰruvaṃ bʰaktāḥ   purāṇaṃ puruṣottamam
   ye tvāṃ devaṃ dʰruvaṃ bʰaktāḥ   purāṇaṃ puruṣa_uttamam /

Verse: 29 
Halfverse: a    ye narāḥ kīrtayiṣyanti   nāsti teṣāṃ parābʰavaḥ
   ye narāḥ kīrtayiṣyanti   na_asti teṣāṃ parābʰavaḥ /29/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.