TITUS
Ramayana
Part No. 507
Previous part

Chapter: 116 
Adhyāya 116


Verse: 1 
Halfverse: a    śirasy añjalim ādāya   kaikeyīnandivardʰanaḥ
   śirasy añjalim ādāya   kaikeyī-nandi-vardʰanaḥ /
Halfverse: c    babʰāṣe bʰarato jyeṣṭʰaṃ   rāmaṃ satyaparākramam
   babʰāṣe bʰarato jyeṣṭʰaṃ   rāmaṃ satya-parākramam /1/

Verse: 2 
Halfverse: a    pūjitā māmikā mātā   dattaṃ rājyam idaṃ mama
   pūjitā māmikā mātā   dattaṃ rājyam idaṃ mama /
Halfverse: c    tad dadāmi punas tubʰyaṃ   yatʰā tvam adadā mama
   tad dadāmi punas tubʰyaṃ   yatʰā tvam adadā mama /2/

Verse: 3 
Halfverse: a    dʰuram ekākinā nyastām   r̥ṣabʰeṇa balīyasā
   dʰuram ekākinā nyastām   r̥ṣabʰeṇa balīyasā /
Halfverse: c    kiśoravad guruṃ bʰāraṃ   na voḍʰum aham utsahe
   kiśoravad guruṃ bʰāraṃ   na voḍʰum aham utsahe /3/

Verse: 4 
Halfverse: a    vārivegena mahatā   bʰinnaḥ setur iva kṣaran
   vāri-vegena mahatā   bʰinnaḥ setur iva kṣaran /
Halfverse: c    durbandʰanam idaṃ manye   rājyaccʰidram asaṃvr̥tam
   durbandʰanam idaṃ manye   rājyac-cʰidram asaṃvr̥tam /4/

Verse: 5 
Halfverse: a    gatiṃ kʰara ivāśvasya   haṃsasyeva ca vāyasaḥ
   gatiṃ kʰara iva_āśvasya   haṃsasya_iva ca vāyasaḥ /
Halfverse: c    nānvetum utsahe deva   tava mārgam ariṃdama
   na_anvetum utsahe deva   tava mārgam ariṃ-dama /5/

Verse: 6 
Halfverse: a    yatʰā ca ropito vr̥kṣo   jātaś cāntarniveśane
   yatʰā ca ropito vr̥kṣo   jātaś ca_antar-niveśane /
Halfverse: c    mahāṃś ca sudurāroho   mahāskandʰaḥ praśākʰavān
   mahāṃś ca sudurāroho   mahā-skandʰaḥ praśākʰavān /6/

Verse: 7 
Halfverse: a    śīryeta puṣpito bʰūtvā   na pʰalāni pradarśayet
   śīryeta puṣpito bʰūtvā   na pʰalāni pradarśayet /
Halfverse: c    tasya nānubʰaved artʰaṃ   yasya hetoḥ sa ropyate
   tasya na_anubʰaved artʰaṃ   yasya hetoḥ sa ropyate /7/

Verse: 8 
Halfverse: a    eṣopamā mahābāho   tvam artʰaṃ vettum arhasi
   eṣā_upamā mahā-bāho   tvam artʰaṃ vettum arhasi /
Halfverse: c    yady asmān manujendra tvaṃ   bʰaktān bʰr̥tyān na śādʰi hi
   yady asmān manuja_indra tvaṃ   bʰaktān bʰr̥tyān na śādʰi hi /8/

Verse: 9 
Halfverse: a    jagad adyābʰiṣiktaṃ tvām   anupaśyatu sarvataḥ
   jagad adya_abʰiṣiktaṃ tvām   anupaśyatu sarvataḥ /
Halfverse: c    pratapantam ivādityaṃ   madʰyāhne dīptatejasaṃ
   pratapantam iva_ādityaṃ   madʰya_ahne dīpta-tejasaṃ /9/

Verse: 10 
Halfverse: a    tūryasaṃgʰātanirgʰoṣaiḥ   kāñcīnūpuranisvanaiḥ
   tūrya-saṃgʰāta-nirgʰoṣaiḥ   kāñcī-nūpura-nisvanaiḥ /
Halfverse: c    madʰurair gītaśabdaiś ca   pratibudʰyasva śeṣva ca
   madʰurair gīta-śabdaiś ca   pratibudʰyasva śeṣva ca /10/

Verse: 11 
Halfverse: a    yāvad āvartate cakraṃ   yāvatī ca vasuṃdʰarā
   yāvad āvartate cakraṃ   yāvatī ca vasuṃ-dʰarā /
Halfverse: c    tāvat tvam iha sarvasya   svāmitvam abʰivartaya
   tāvat tvam iha sarvasya   svāmitvam abʰivartaya /11/

Verse: 12 
Halfverse: a    bʰaratasya vacaḥ śrutvā   rāmaḥ parapuraṃjayaḥ
   bʰaratasya vacaḥ śrutvā   rāmaḥ para-puraṃ-jayaḥ /
Halfverse: c    tatʰeti pratijagrāha   niṣasādāsane śubʰe
   tatʰā_iti pratijagrāha   niṣasāda_āsane śubʰe /12/

Verse: 13 
Halfverse: a    tataḥ śatrugʰnavacanān   nipuṇāḥ śmaśruvardʰakāḥ
   tataḥ śatrugʰna-vacanān   nipuṇāḥ śmaśru-vardʰakāḥ /
Halfverse: c    sukʰahastāḥ suśīgʰrāś ca   rāgʰavaṃ paryupāsata
   sukʰa-hastāḥ suśīgʰrāś ca   rāgʰavaṃ paryupāsata /13/

Verse: 14 
Halfverse: a    pūrvaṃ tu bʰarate snāte   lakṣmaṇe ca mahābale
   pūrvaṃ tu bʰarate snāte   lakṣmaṇe ca mahā-bale /
Halfverse: c    sugrīve vānarendre ca   rākṣasendre vibʰīṣaṇe
   sugrīve vānara_indre ca   rākṣasa_indre vibʰīṣaṇe /14/

Verse: 15 
Halfverse: a    viśodʰitajaṭaḥ snātaś   citramālyānulepanaḥ
   viśodʰita-jaṭaḥ snātaś   citra-mālya_anulepanaḥ /
Halfverse: c    mahārhavasanopetas   tastʰau tatra śriyā jvalan
   mahā_arha-vasana_upetas   tastʰau tatra śriyā jvalan /15/

Verse: 16 
Halfverse: a    pratikarma ca rāmasya   kārayām āsa vīryavān
   pratikarma ca rāmasya   kārayām āsa vīryavān /
Halfverse: c    lakṣmaṇasya ca lakṣmīvān   ikṣvākukulavardʰanaḥ
   lakṣmaṇasya ca lakṣmīvān   ikṣvāku-kula-vardʰanaḥ /16/

Verse: 17 
Halfverse: a    pratikarma ca sītāyāḥ   sarvā daśaratʰastriyaḥ
   pratikarma ca sītāyāḥ   sarvā daśaratʰa-striyaḥ /
Halfverse: c    ātmanaiva tadā cakrur   manasvinyo manoharam
   ātmanā_eva tadā cakrur   manasvinyo mano-haram /17/

Verse: 18 
Halfverse: a    tato rāgʰavapatnīnāṃ   sarvāsām eva śobʰanam
   tato rāgʰava-patnīnāṃ   sarvāsām eva śobʰanam /
Halfverse: c    cakāra yatnāt kausalyā   prahr̥ṣṭā putravatsalā
   cakāra yatnāt kausalyā   prahr̥ṣṭā putra-vatsalā /18/

Verse: 19 
Halfverse: a    tataḥ śatrugʰnavacanāt   sumantro nāma sāratʰiḥ
   tataḥ śatrugʰna-vacanāt   sumantro nāma sāratʰiḥ /
Halfverse: c    yojayitvābʰicakrāma   ratʰaṃ sarvāṅgaśobʰanam
   yojayitvā_abʰicakrāma   ratʰaṃ sarva_aṅga-śobʰanam /19/

Verse: 20 
Halfverse: a    arkamaṇḍalasaṃkāśaṃ   divyaṃ dr̥ṣṭvā ratʰaṃ stʰitam
   arka-maṇḍala-saṃkāśaṃ   divyaṃ dr̥ṣṭvā ratʰaṃ stʰitam /
Halfverse: c    āruroha mahābāhū   rāmaḥ satyaparākramaḥ
   āruroha mahā-bāhū   rāmaḥ satya-parākramaḥ /20/

Verse: 21 
Halfverse: a    ayodʰyāyāṃ tu sacivā   rājño daśaratʰasya ye
   ayodʰyāyāṃ tu sacivā   rājño daśaratʰasya ye /
Halfverse: c    purohitaṃ puraskr̥tya   mantrayām āsur artʰavat
   purohitaṃ puras-kr̥tya   mantrayām āsur artʰavat /21/

Verse: 22 
Halfverse: a    mantrayan rāmavr̥ddʰyartʰaṃ   vr̥ttyartʰaṃ nagarasya ca
   mantrayan rāma-vr̥ddʰy-artʰaṃ   vr̥tty-artʰaṃ nagarasya ca /
Halfverse: c    sarvam evābʰiṣekārtʰaṃ   jayārhasya mahātmanaḥ
   sarvam eva_abʰiṣeka_artʰaṃ   jaya_arhasya mahātmanaḥ /
Halfverse: e    kartum arhatʰa rāmasya   yad yan maṅgalapūrvakam
   kartum arhatʰa rāmasya   yad yan maṅgala-pūrvakam /22/

Verse: 23 
Halfverse: a    iti te mantriṇaḥ sarve   saṃdiśya tu purohitam
   iti te mantriṇaḥ sarve   saṃdiśya tu purohitam /
Halfverse: c    nagarān niryayus tūrṇaṃ   rāmadarśanabuddʰayaḥ
   nagarān niryayus tūrṇaṃ   rāma-darśana-buddʰayaḥ /23/

Verse: 24 
Halfverse: a    hariyuktaṃ sahasrākṣo   ratʰam indra ivānagʰaḥ
   hari-yuktaṃ sahasra_akṣo   ratʰam indra iva_anagʰaḥ /
Halfverse: c    prayayau ratʰam āstʰāya   rāmo nagaram uttamam
   prayayau ratʰam āstʰāya   rāmo nagaram uttamam /24/

Verse: 25 
Halfverse: a    jagrāha bʰarato raśmīñ   śatrugʰnaś cʰatram ādade
   jagrāha bʰarato raśmīn   śatrugʰnaś cʰatram ādade /
Halfverse: c    lakṣmaṇo vyajanaṃ tasya   mūrdʰni saṃparyavījayat
   lakṣmaṇo vyajanaṃ tasya   mūrdʰni saṃparyavījayat /25/

Verse: 26 
Halfverse: a    śvetaṃ ca vālavyajanaṃ   sugrīvo vānareśvaraḥ
   śvetaṃ ca vāla-vyajanaṃ   sugrīvo vānara_īśvaraḥ /
Halfverse: c    aparaṃ candrasaṃkāśaṃ   rākṣasendro vibʰīṣaṇaḥ
   aparaṃ candra-saṃkāśaṃ   rākṣasa_indro vibʰīṣaṇaḥ /26/

Verse: 27 
Halfverse: a    r̥ṣisaṃgʰair tadākāśe   devaiś ca samarudgaṇaiḥ
   r̥ṣi-saṃgʰair tadā_ākāśe   devaiś ca samarud-gaṇaiḥ /
Halfverse: c    stūyamānasya rāmasya   śuśruve madʰuradʰvaniḥ
   stūyamānasya rāmasya   śuśruve madʰura-dʰvaniḥ /27/

Verse: 28 
Halfverse: a    tataḥ śatruṃjayaṃ nāma   kuñjaraṃ parvatopamam
   tataḥ śatruṃ-jayaṃ nāma   kuñjaraṃ parvata_upamam /
Halfverse: c    āruroha mahātejāḥ   sugrīvo vānareśvaraḥ
   āruroha mahā-tejāḥ   sugrīvo vānara_īśvaraḥ /28/

Verse: 29 
Halfverse: a    navanāgasahasrāṇi   yayur āstʰāya vānarāḥ
   nava-nāga-sahasrāṇi   yayur āstʰāya vānarāḥ /
Halfverse: c    mānuṣaṃ vigrahaṃ kr̥tvā   sarvābʰaraṇabʰūṣitāḥ
   mānuṣaṃ vigrahaṃ kr̥tvā   sarva_ābʰaraṇa-bʰūṣitāḥ /29/

Verse: 30 
Halfverse: a    śaṅkʰaśabdapraṇādaiś ca   dundubʰīnāṃ ca nisvanaiḥ
   śaṅkʰa-śabda-praṇādaiś ca   dundubʰīnāṃ ca nisvanaiḥ /
Halfverse: c    prayayū puruṣavyāgʰras   tāṃ purīṃ harmyamālinīm
   prayayū puruṣa-vyāgʰras   tāṃ purīṃ harmya-mālinīm /30/

Verse: 31 
Halfverse: a    dadr̥śus te samāyāntaṃ   rāgʰavaṃ sapuraḥsaram
   dadr̥śus te samāyāntaṃ   rāgʰavaṃ sapuraḥ-saram /
Halfverse: c    virājamānaṃ vapuṣā   ratʰenātiratʰaṃ tadā
   virājamānaṃ vapuṣā   ratʰena_atiratʰaṃ tadā /31/

Verse: 32 
Halfverse: a    te vardʰayitvā kākutstʰaṃ   rāmeṇa pratinanditāḥ
   te vardʰayitvā kākutstʰaṃ   rāmeṇa pratinanditāḥ /
Halfverse: c    anujagmur mahātmānaṃ   bʰrātr̥bʰiḥ parivāritam
   anujagmur mahātmānaṃ   bʰrātr̥bʰiḥ parivāritam /32/

Verse: 33 
Halfverse: a    amātyair brāhmaṇaiś caiva   tatʰā prakr̥tibʰir vr̥taḥ
   amātyair brāhmaṇaiś caiva   tatʰā prakr̥tibʰir vr̥taḥ /
Halfverse: c    śriyā viruruce rāmo   nakṣatrair iva candramāḥ
   śriyā viruruce rāmo   nakṣatrair iva candramāḥ /33/

Verse: 34 
Halfverse: a    sa purogāmibʰis tūryais   tālasvastikapāṇibʰiḥ
   sa puro-gāmibʰis tūryais   tāla-svastika-pāṇibʰiḥ /
Halfverse: c    pravyāharadbʰir muditair   maṅgalāni yayau vr̥taḥ
   pravyāharadbʰir muditair   maṅgalāni yayau vr̥taḥ /34/

Verse: 35 
Halfverse: a    akṣataṃ jātarūpaṃ ca   gāvaḥ kanyās tatʰā dvijāḥ
   akṣataṃ jāta-rūpaṃ ca   gāvaḥ kanyās tatʰā dvijāḥ /
Halfverse: c    narā modakahastāś ca   rāmasya purato yayuḥ
   narā modaka-hastāś ca   rāmasya purato yayuḥ /35/

Verse: 36 
Halfverse: a    sakʰyaṃ ca rāmaḥ sugrīve   prabʰāvaṃ cānilātmaje
   sakʰyaṃ ca rāmaḥ sugrīve   prabʰāvaṃ ca_anila_ātmaje /
Halfverse: c    vānarāṇāṃ ca tat karma   vyācacakṣe 'tʰa mantriṇām
   vānarāṇāṃ ca tat karma   vyācacakṣe_atʰa mantriṇām /
Halfverse: e    śrutvā ca vismayaṃ jagmur   ayodʰyāpuravāsinaḥ
   śrutvā ca vismayaṃ jagmur   ayodʰyā-pura-vāsinaḥ /36/

Verse: 37 
Halfverse: a    dyutimān etad ākʰyāya   rāmo vānarasaṃvr̥taḥ
   dyutimān etad ākʰyāya   rāmo vānara-saṃvr̥taḥ /
Halfverse: c    hr̥ṣṭapuṣṭajanākīrṇām   ayodʰyāṃ praviveśa ha
   hr̥ṣṭa-puṣṭa-jana_ākīrṇām   ayodʰyāṃ praviveśa ha /37/

Verse: 38 
Halfverse: a    tato hy abʰyuccʰrayan paurāḥ   patākās te gr̥he gr̥he
   tato hy abʰyuccʰrayan paurāḥ   patākās te gr̥he gr̥he /
Halfverse: c    aikṣvākādʰyuṣitaṃ ramyam   āsasāda pitur gr̥ham
   aikṣvāka_adʰyuṣitaṃ ramyam   āsasāda pitur gr̥ham /38/

Verse: 39 
Halfverse: a    pitur bʰavanam āsādya   praviśya ca mahātmanaḥ
   pitur bʰavanam āsādya   praviśya ca mahātmanaḥ /
Halfverse: c    kausalyāṃ ca sumitrāṃ ca   kaikeyīṃ cābʰyavādayat
   kausalyāṃ ca sumitrāṃ ca   kaikeyīṃ ca_abʰyavādayat /39/

Verse: 40 
Halfverse: a    atʰābravīd rājaputro   bʰarataṃ dʰarmiṇāṃ varam
   atʰa_abravīd rāja-putro   bʰarataṃ dʰarmiṇāṃ varam /
Halfverse: c    atʰopahitayā vācā   madʰuraṃ ragʰunandanaḥ
   atʰa_upahitayā vācā   madʰuraṃ ragʰu-nandanaḥ /40/

Verse: 41 
Halfverse: a    yac ca madbʰavanaṃ śreṣṭʰaṃ   sāśokavanikaṃ mahat
   yac ca mad-bʰavanaṃ śreṣṭʰaṃ   sāśoka-vanikaṃ mahat /
Halfverse: c    muktāvaidūryasaṃkīrṇaṃ   sugrīvasya nivedaya
   muktā-vaidūrya-saṃkīrṇaṃ   sugrīvasya nivedaya /41/

Verse: 42 
Halfverse: a    tasya tadvacanaṃ śrutvā   bʰarataḥ satyavikramaḥ
   tasya tad-vacanaṃ śrutvā   bʰarataḥ satya-vikramaḥ /
Halfverse: c    pāṇau gr̥hītvā sugrīvaṃ   praviveśa tam ālayam
   pāṇau gr̥hītvā sugrīvaṃ   praviveśa tam ālayam /42/

Verse: 43 
Halfverse: a    tatas tailapradīpāṃś ca   paryaṅkāstaraṇāni ca
   tatas taila-pradīpāṃś ca   paryaṅka_āstaraṇāni ca /
Halfverse: c    gr̥hītvā viviśuḥ kṣipraṃ   śatrugʰnena pracoditāḥ
   gr̥hītvā viviśuḥ kṣipraṃ   śatrugʰnena pracoditāḥ /43/

Verse: 44 
Halfverse: a    uvāca ca mahātejāḥ   sugrīvaṃ rāgʰavānujaḥ
   uvāca ca mahā-tejāḥ   sugrīvaṃ rāgʰava_anujaḥ /
Halfverse: c    abʰiṣekāya rāmasya   dūtān ājñāpaya prabʰo
   abʰiṣekāya rāmasya   dūtān ājñāpaya prabʰo /44/

Verse: 45 
Halfverse: a    sauvarṇān vānarendrāṇāṃ   caturṇāṃ caturo gʰaṭān
   sauvarṇān vānara_indrāṇāṃ   caturṇāṃ caturo gʰaṭān /
Halfverse: c    dadau kṣipraṃ sa sugrīvaḥ   sarvaratnavibʰūṣitān
   dadau kṣipraṃ sa sugrīvaḥ   sarva-ratna-vibʰūṣitān /45/

Verse: 46 
Halfverse: a    yatʰā pratyūṣasamaye   caturṇāṃ sāgarāmbʰasām
   yatʰā pratyūṣa-samaye   caturṇāṃ sāgara_ambʰasām /
Halfverse: c    pūrṇair gʰaṭaiḥ pratīkṣadʰvaṃ   tatʰā kuruta vānarāḥ
   pūrṇair gʰaṭaiḥ pratīkṣadʰvaṃ   tatʰā kuruta vānarāḥ /46/

Verse: 47 
Halfverse: a    evam uktā mahātmāno   vānarā vāraṇopamāḥ
   evam uktā mahātmāno   vānarā vāraṇa_upamāḥ /
Halfverse: c    utpetur gaganaṃ śīgʰraṃ   garuḍā iva śīgʰragāḥ
   utpetur gaganaṃ śīgʰraṃ   garuḍā iva śīgʰragāḥ /47/

Verse: 48 
Halfverse: a    jāmbavāṃś ca hanūmāṃś ca   vegadarśī ca vānaraḥ
   jāmbavāṃś ca hanūmāṃś ca   vega-darśī ca vānaraḥ /
Halfverse: c    r̥ṣabʰaś caiva kalaśāñ   jalapūrṇān atʰānayan
   r̥ṣabʰaś caiva kalaśān   jala-pūrṇān atʰa_ānayan /
Halfverse: e    nadīśatānāṃ pañcānāṃ   jale kumbʰair upāharan
   nadī-śatānāṃ pañcānāṃ   jale kumbʰair upāharan /48/

Verse: 49 
Halfverse: a    pūrvāt samudrāt kalaśaṃ   jalapūrṇam atʰānayat
   pūrvāt samudrāt kalaśaṃ   jala-pūrṇam atʰa_ānayat /
Halfverse: c    suṣeṇaḥ sattvasaṃpannaḥ   sarvaratnavibʰūṣitam
   suṣeṇaḥ sattva-saṃpannaḥ   sarva-ratna-vibʰūṣitam /49/

Verse: 50 
Halfverse: a    r̥ṣabʰo dakṣiṇāt tūrṇaṃ   samudrāj jalam āharat
   r̥ṣabʰo dakṣiṇāt tūrṇaṃ   samudrāj jalam āharat /50/ {ab only}

Verse: 51 
Halfverse: a    raktacandanakarpūraiḥ   saṃvr̥taṃ kāñcanaṃ gʰaṭam
   rakta-candana-karpūraiḥ   saṃvr̥taṃ kāñcanaṃ gʰaṭam /
Halfverse: c    gavayaḥ paścimāt toyam   ājahāra mahārṇavāt
   gavayaḥ paścimāt toyam   ājahāra mahā_arṇavāt /51/

Verse: 52 
Halfverse: a    ratnakumbʰena mahatā   śītaṃ mārutavikramaḥ
   ratna-kumbʰena mahatā   śītaṃ māruta-vikramaḥ /
Halfverse: c    uttarāc ca jalaṃ śīgʰraṃ   garuḍānilavikramaḥ
   uttarāc ca jalaṃ śīgʰraṃ   garuḍa_anila-vikramaḥ /52/

Verse: 53 
Halfverse: a    abʰiṣekāya rāmasya   śatrugʰnaḥ sacivaiḥ saha
   abʰiṣekāya rāmasya   śatrugʰnaḥ sacivaiḥ saha /
Halfverse: c    purohitāya śreṣṭʰāya   suhr̥dbʰyaś ca nyavedayat
   purohitāya śreṣṭʰāya   suhr̥dbʰyaś ca nyavedayat /53/

Verse: 54 
Halfverse: a    tataḥ sa prayato vr̥ddʰo   vasiṣṭʰo brāhmaṇaiḥ saha
   tataḥ sa prayato vr̥ddʰo   vasiṣṭʰo brāhmaṇaiḥ saha /
Halfverse: c    rāmaṃ ratnamayo pīṭʰe   sahasītaṃ nyaveśayat
   rāmaṃ ratnamayo pīṭʰe   saha-sītaṃ nyaveśayat /54/

Verse: 55 
Halfverse: a    vasiṣṭʰo vāmadevaś ca   jābālir atʰa kāśyapaḥ
   vasiṣṭʰo vāmadevaś ca   jābālir atʰa kāśyapaḥ /
Halfverse: c    kātyāyanaḥ suyajñaś ca   gautamo vijayas tatʰā
   kātyāyanaḥ suyajñaś ca   gautamo vijayas tatʰā /55/

Verse: 56 
Halfverse: a    abʰyaṣiñcan naravyāgʰraṃ   prasannena sugandʰinā
   abʰyaṣiñcan nara-vyāgʰraṃ   prasannena sugandʰinā /
Halfverse: c    salilena sahasrākṣaṃ   vasavo vāsavaṃ yatʰā
   salilena sahasra_akṣaṃ   vasavo vāsavaṃ yatʰā /56/

Verse: 57 
Halfverse: a    r̥tvigbʰir brāhmaṇaiḥ pūrvaṃ   kanyābʰir mantribʰis tatʰā
   r̥tvigbʰir brāhmaṇaiḥ pūrvaṃ   kanyābʰir mantribʰis tatʰā /
Halfverse: c    yodʰaiś caivābʰyaṣiñcaṃs te   saṃprahr̥ṣṭāḥ sanaigamaiḥ
   yodʰaiś caiva_abʰyaṣiñcaṃs te   saṃprahr̥ṣṭāḥ sanaigamaiḥ /57/

Verse: 58 
Halfverse: a    sarvauṣadʰirasaiś cāpi   daivatair nabʰasi stʰitaiḥ
   sarva_oṣadʰi-rasaiś ca_api   daivatair nabʰasi stʰitaiḥ /
Halfverse: c    caturhir lokapālaiś ca   sarvair devaiś ca saṃgataiḥ
   caturhir loka-pālaiś ca   sarvair devaiś ca saṃgataiḥ /58/

Verse: 59 
Halfverse: a    cʰatraṃ tasya ca jagrāha   śatrugʰnaḥ pāṇḍuraṃ śubʰam
   cʰatraṃ tasya ca jagrāha   śatrugʰnaḥ pāṇḍuraṃ śubʰam /
Halfverse: c    śvetaṃ ca vālavyajanaṃ   sugrīvo vānareśvaraḥ
   śvetaṃ ca vāla-vyajanaṃ   sugrīvo vānara_īśvaraḥ /
Halfverse: e    aparaṃ candrasaṃkāśaṃ   rākṣasendro vibʰīṣaṇaḥ
   aparaṃ candra-saṃkāśaṃ   rākṣasa_indro vibʰīṣaṇaḥ /59/

Verse: 60 
Halfverse: a    mālāṃ jvalantīṃ vapuṣā   kāñcanīṃ śatapuṣkarām
   mālāṃ jvalantīṃ vapuṣā   kāñcanīṃ śata-puṣkarām /
Halfverse: c    rāgʰavāya dadau vāyur   vāsavena pracoditaḥ
   rāgʰavāya dadau vāyur   vāsavena pracoditaḥ /60/

Verse: 61 
Halfverse: a    sarvaratnasamāyuktaṃ   maṇiratnavibʰūṣitam
   sarva-ratna-samāyuktaṃ   maṇi-ratna-vibʰūṣitam /
Halfverse: c    muktāhāraṃ narendrāya   dadau śakrapracoditaḥ
   muktā-hāraṃ nara_indrāya   dadau śakra-pracoditaḥ /61/

Verse: 62 
Halfverse: a    prajagur devagandʰarvā   nanr̥tuś cāpsaro gaṇāḥ
   prajagur deva-gandʰarvā   nanr̥tuś ca_apsaro gaṇāḥ /
Halfverse: c    abʰiṣeke tad arhasya   tadā rāmasya dʰīmataḥ
   abʰiṣeke tad arhasya   tadā rāmasya dʰīmataḥ /62/

Verse: 63 
Halfverse: a    bʰūmiḥ sasyavatī caiva   pʰalavantaś ca pādapāḥ
   bʰūmiḥ sasyavatī caiva   pʰalavantaś ca pādapāḥ /
Halfverse: c    gandʰavanti ca puṣpāṇi   babʰūvū rāgʰavotsave
   gandʰavanti ca puṣpāṇi   babʰūvū rāgʰava_utsave /63/

Verse: 64 
Halfverse: a    sahasraśatam aśvānāṃ   dʰenūnāṃ ca gavāṃ tatʰā
   sahasra-śatam aśvānāṃ   dʰenūnāṃ ca gavāṃ tatʰā /
Halfverse: c    dadau śataṃ vr̥ṣān pūrvaṃ   dvijebʰyo manujarṣabʰaḥ
   dadau śataṃ vr̥ṣān pūrvaṃ   dvijebʰyo manuja-r̥ṣabʰaḥ /64/

Verse: 65 
Halfverse: a    triṃśatkoṭīr hiraṇyasya   brāhmaṇebʰyo dadau punaḥ
   triṃśat-koṭīr hiraṇyasya   brāhmaṇebʰyo dadau punaḥ /
Halfverse: c    nānābʰaraṇavastrāṇi   mahārhāṇi ca rāgʰavaḥ
   nānā_ābʰaraṇa-vastrāṇi   mahā_arhāṇi ca rāgʰavaḥ /65/

Verse: 66 
Halfverse: a    arkaraśmipratīkāśāṃ   kāñcanīṃ maṇivigrahām
   arka-raśmi-pratīkāśāṃ   kāñcanīṃ maṇi-vigrahām /
Halfverse: c    sugrīvāya srajaṃ divyāṃ   prāyaccʰan manujarṣabʰaḥ
   sugrīvāya srajaṃ divyāṃ   prāyaccʰan manuja-r̥ṣabʰaḥ /66/

Verse: 67 
Halfverse: a    vaidūryamaṇicitre ca   vajraratnavibʰūṣite
   vaidūrya-maṇi-citre ca   vajra-ratna-vibʰūṣite /
Halfverse: c    vāliputrāya dʰr̥timān   aṅgadāyāṅgade dadau
   vāli-putrāya dʰr̥timān   aṅgadāya_aṅgade dadau /67/

Verse: 68 
Halfverse: a    maṇipravarajuṣṭaṃ ca   muktāhāram anuttamam
   maṇi-pravara-juṣṭaṃ ca   muktā-hāram anuttamam /
Halfverse: c    sītāyai pradadau rāmaś   candraraśmisamaprabʰam
   sītāyai pradadau rāmaś   candra-raśmi-sama-prabʰam /68/

Verse: 69 
Halfverse: a    araje vāsasī divye   śubʰāny ābʰaraṇāni ca
   araje vāsasī divye   śubʰāny ābʰaraṇāni ca /
Halfverse: c    avekṣamāṇā vaidehī   pradadau vāyusūnave
   avekṣamāṇā vaidehī   pradadau vāyu-sūnave /69/

Verse: 70 
Halfverse: a    avamucyātmanaḥ kaṇṭʰād   dʰāraṃ janakanandinī
   avamucya_ātmanaḥ kaṇṭʰādd   hāraṃ janaka -andinī /
Halfverse: c    avaikṣata harīn sarvān   bʰartāraṃ ca muhur muhuḥ
   avaikṣata harīn sarvān   bʰartāraṃ ca muhur muhuḥ /70/

Verse: 71 
Halfverse: a    tām iṅgitajñaḥ saṃprekṣya   babʰāṣe janakātmajām
   tām iṅgitajñaḥ saṃprekṣya   babʰāṣe janaka_ātmajām /
Halfverse: c    pradehi subʰage hāraṃ   yasya tuṣṭāsi bʰāmini
   pradehi subʰage hāraṃ   yasya tuṣṭā_asi bʰāmini /71/

Verse: 72 
Halfverse: a    pauruṣaṃ vikramo buddʰir   yasminn etāni nityadā
   pauruṣaṃ vikramo buddʰir   yasminn etāni nityadā /
Halfverse: c    dadau sā vāyuputrāya   taṃ hāram asitekṣaṇā
   dadau sā vāyu-putrāya   taṃ hāram asita_īkṣaṇā /72/

Verse: 73 
Halfverse: a    hanūmāṃs tena hāreṇa   śuśubʰe vānararṣabʰaḥ
   hanūmāṃs tena hāreṇa   śuśubʰe vānara-r̥ṣabʰaḥ /
Halfverse: c    candrāṃśucayagaureṇa   śvetābʰreṇa yatʰācalaḥ
   candra_aṃśu-caya-gaureṇa   śveta_abʰreṇa yatʰā_acalaḥ /73/

Verse: 74 
Halfverse: a    tato dvivida maindābʰyāṃ   nīlāya ca paraṃtapaḥ
   tato dvivida maindābʰyāṃ   nīlāya ca paraṃ-tapaḥ /
Halfverse: c    sarvān kāmaguṇān vīkṣya   pradadau vasudʰādʰipaḥ
   sarvān kāma-guṇān vīkṣya   pradadau vasudʰā_adʰipaḥ /74/

Verse: 75 
Halfverse: a    sarvavānaravr̥ddʰāś ca   ye cānye vānareśvarāḥ
   sarva-vānara-vr̥ddʰāś ca   ye ca_anye vānara_īśvarāḥ /
Halfverse: c    vāsobʰir bʰūṣaṇaiś caiva   yatʰārhaṃ pratipūjitāḥ
   vāsobʰir bʰūṣaṇaiś caiva   yatʰā_arhaṃ pratipūjitāḥ /75/

Verse: 76 
Halfverse: a    yatʰārhaṃ pūjitāḥ sarve   kāmai ratnaiś ca puṣkalair
   yatʰā_arhaṃ pūjitāḥ sarve   kāmai ratnaiś ca puṣkalair /
Halfverse: c    prahr̥ṣṭamanasaḥ sarve   jagmur eva yatʰāgatam
   prahr̥ṣṭa-manasaḥ sarve   jagmur eva yatʰā_āgatam /76/

Verse: 77 
Halfverse: a    rāgʰavaḥ paramodāraḥ   śaśāsa parayā mudā
   rāgʰavaḥ parama_udāraḥ   śaśāsa parayā mudā /
Halfverse: c    uvāca lakṣmaṇaṃ rāmo   dʰarmajñaṃ dʰarmavatsalaḥ
   uvāca lakṣmaṇaṃ rāmo   dʰarmajñaṃ dʰarma-vatsalaḥ /77/

Verse: 78 


Halfverse: a    ātiṣṭʰa dʰarmajña mayā sahemāṃ    ātiṣṭʰa dʰarmajña mayā sahemāṃ
   ātiṣṭʰa dʰarmajña mayā saha_imāṃ    ātiṣṭʰa dʰarmajña mayā saha_imāṃ / {Gem}
Halfverse: b    gāṃ pūrvarājādʰyuṣitāṃ balena    gāṃ pūrvarājādʰyuṣitāṃ balena
   gāṃ pūrva-rāja_adʰyuṣitāṃ balena    gāṃ pūrva-rāja_adʰyuṣitāṃ balena / {Gem}
Halfverse: c    tulyaṃ mayā tvaṃ pitr̥bʰir dʰr̥tā yā    tulyaṃ mayā tvaṃ pitr̥bʰir dʰr̥tā yā
   tulyaṃ mayā tvaṃ pitr̥bʰir dʰr̥tā yā    tulyaṃ mayā tvaṃ pitr̥bʰir dʰr̥tā yā / {Gem}
Halfverse: d    tāṃ yauvarājye dʰuram udvahasva    tāṃ yauvarājye dʰuram udvahasva
   tāṃ yauvarājye dʰuram udvahasva    tāṃ yauvarājye dʰuram udvahasva /78/ {Gem}

Verse: 79 
Halfverse: a    sarvātmanā paryanunīyamāno    sarvātmanā paryanunīyamāno
   sarva_ātmanā paryanunīyamāno    sarva_ātmanā paryanunīyamāno / {Gem}
Halfverse: b    yadā na saumitrir upaiti yogam    yadā na saumitrir upaiti yogam
   yadā na saumitrir upaiti yogam    yadā na saumitrir upaiti yogam / {Gem}
Halfverse: c    niyujyamāno bʰuvi yauvarājye    niyujyamāno bʰuvi yauvarājye
   niyujyamāno bʰuvi yauvarājye    niyujyamāno bʰuvi yauvarājye / {Gem}
Halfverse: d    tato 'bʰyaṣiñcad bʰarataṃ mahātmā    tato 'bʰyaṣiñcad bʰarataṃ mahātmā
   tato_abʰyaṣiñcad bʰarataṃ mahātmā    tato_abʰyaṣiñcad bʰarataṃ mahātmā /79/ {Gem}

Verse: 80 


Halfverse: a    rāgʰavaś cāpi dʰarmātmā   prāpya rājyam anuttamam
   rāgʰavaś ca_api dʰarma_ātmā   prāpya rājyam anuttamam /
Halfverse: c    īje bahuvidʰair yajñaiḥ   sasuhr̥dbʰrātr̥bāndʰavaḥ
   īje bahu-vidʰair yajñaiḥ   sasuhr̥d-bʰrātr̥-bāndʰavaḥ /80/

Verse: 81 
Halfverse: a    pauṇḍarīkāśvamedʰābʰyāṃ   vājapeyena cāsakr̥t
   pauṇḍarīka_aśvamedʰābʰyāṃ   vāja-peyena ca_asakr̥t /
Halfverse: c    anyaiś ca vividʰair yajñair   ayajat pārtʰivarṣabʰaḥ
   anyaiś ca vividʰair yajñair   ayajat pārtʰiva-r̥ṣabʰaḥ /81/

Verse: 82 
Halfverse: a    rājyaṃ daśasahasrāṇi   prāpya varṣāṇi rāgʰavaḥ
   rājyaṃ daśa-sahasrāṇi   prāpya varṣāṇi rāgʰavaḥ /
Halfverse: c    śatāśvamedʰān ājahre   sadaśvān bʰūridakṣiṇān
   śata_aśva-medʰān ājahre   sad-aśvān bʰūri-dakṣiṇān /82/

Verse: 83 
Halfverse: a    ājānulambibāhuś ca   mahāskandʰaḥ pratāpavān
   ājānu-lambi-bāhuś ca   mahā-skandʰaḥ pratāpavān /
Halfverse: c    lakṣmaṇānucaro rāmaḥ   pr̥tʰivīm anvapālayat
   lakṣmaṇa_anucaro rāmaḥ   pr̥tʰivīm anvapālayat /83/

Verse: 84 
Halfverse: a    na paryadevan vidʰavā   na ca vyālakr̥taṃ bʰayam
   na paryadevan vidʰavā   na ca vyāla-kr̥taṃ bʰayam /
Halfverse: c    na vyādʰijaṃ bʰayaṃ vāpi   rāme rājyaṃ praśāsati
   na vyādʰijaṃ bʰayaṃ vā_api   rāme rājyaṃ praśāsati /84/

Verse: 85 
Halfverse: a    nirdasyur abʰaval loko   nānartʰaḥ kaṃ cid aspr̥śat
   nirdasyur abʰaval loko   na_anartʰaḥ kaṃcid aspr̥śat /
Halfverse: c    na ca sma vr̥ddʰā bālānāṃ   pretakāryāṇi kurvate
   na ca sma vr̥ddʰā bālānāṃ   preta-kāryāṇi kurvate /85/

Verse: 86 
Halfverse: a    sarvaṃ muditam evāsīt   sarvo dʰarmaparo 'bʰavat
   sarvaṃ muditam eva_āsīt   sarvo dʰarma-paro_abʰavat /
Halfverse: c    rāmam evānupaśyanto   nābʰyahiṃsan parasparam
   rāmam eva_anupaśyanto   na_abʰyahiṃsan parasparam /86/

Verse: 87 
Halfverse: a    āsan varṣasahasrāṇi   tatʰā putrasahasriṇaḥ
   āsan varṣa-sahasrāṇi   tatʰā putra-sahasriṇaḥ /
Halfverse: c    nirāmayā viśokāś ca   rāme rājyaṃ praśāsati
   nirāmayā viśokāś ca   rāme rājyaṃ praśāsati /87/

Verse: 88 
Halfverse: a    nityapuṣpā nityapʰalās   taravaḥ skandʰavistr̥tāḥ
   nitya-puṣpā nitya-pʰalās   taravaḥ skandʰa-vistr̥tāḥ /
Halfverse: c    kālavarṣī ca parjanyaḥ   sukʰasparśaś ca mārutaḥ
   kāla-varṣī ca parjanyaḥ   sukʰa-sparśaś ca mārutaḥ /88/

Verse: 89 
Halfverse: a    svakarmasu pravartante   tuṣṭʰāḥ svair eva karmabʰiḥ
   sva-karmasu pravartante   tuṣṭʰāḥ svair eva karmabʰiḥ /
Halfverse: c    āsan prajā dʰarmaparā   rāme śāsati nānr̥tāḥ
   āsan prajā dʰarma-parā   rāme śāsati na_anr̥tāḥ /89/

Verse: 90 
Halfverse: a    sarve lakṣaṇasaṃpannāḥ   sarve dʰarmaparāyaṇāḥ
   sarve lakṣaṇa-saṃpannāḥ   sarve dʰarma-parāyaṇāḥ /
Halfverse: c    daśavarṣasahasrāṇi   rāmo rājyam akārayat
   daśa-varṣa-sahasrāṇi   rāmo rājyam akārayat /90/ {EEE}





Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.