TITUS
Ramayana
Part No. 509
Previous part

Chapter: 2 
Adhyāya 2


Verse: 1 
Halfverse: a    tasya tadvacanaṃ śrutvā   rāgʰavasya mahātmanaḥ
   tasya tad-vacanaṃ śrutvā   rāgʰavasya mahātmanaḥ /
Halfverse: c    kumbʰayonir mahātejā   vākyam etad uvāca ha
   kumbʰa-yonir mahā-tejā   vākyam etad uvāca ha /1/

Verse: 2 
Halfverse: a    śr̥ṇu rājan yatʰāvr̥ttaṃ   yasya tejobalaṃ mahat
   śr̥ṇu rājan yatʰā-vr̥ttaṃ   yasya tejo-balaṃ mahat /
Halfverse: c    jagʰāna ca ripūn yuddʰe   yatʰāvadʰyaś ca śatrubʰiḥ
   jagʰāna ca ripūn yuddʰe   yatʰā_avadʰyaś ca śatrubʰiḥ /2/

Verse: 3 
Halfverse: a    ahaṃ te rāvaṇasyedaṃ   kulaṃ janma ca rāgʰava
   ahaṃ te rāvaṇasya_idaṃ   kulaṃ janma ca rāgʰava /
Halfverse: c    varapradānaṃ ca tatʰā   tasmai dattaṃ bravīmi te
   vara-pradānaṃ ca tatʰā   tasmai dattaṃ bravīmi te /3/

Verse: 4 
Halfverse: a    purā kr̥tayuge rāma   prajāpatisutaḥ prabʰuḥ
   purā kr̥ta-yuge rāma   prajā-pati-sutaḥ prabʰuḥ /
Halfverse: c    pulastyo nāma brahmarṣiḥ   sākṣād iva pitāmahaḥ
   pulastyo nāma brahmarṣiḥ   sākṣād iva pitāmahaḥ /4/

Verse: 5 
Halfverse: a    nānukīrtyā guṇās tasya   dʰarmataḥ śīlatas tatʰā
   na_anukīrtyā guṇās tasya   dʰarmataḥ śīlatas tatʰā /
Halfverse: c    prajāpateḥ putra iti   vaktuṃ śakyaṃ hi nāmataḥ
   prajāpateḥ putra iti   vaktuṃ śakyaṃ hi nāmataḥ /5/

Verse: 6 
Halfverse: a    sa tu dʰarmaprasaṅgena   meroḥ pārśve mahāgireḥ
   sa tu dʰarma-prasaṅgena   meroḥ pārśve mahā-gireḥ /
Halfverse: c    tr̥ṇabindvāśramaṃ gatvā   nyavasan munipuṃgavaḥ
   tr̥ṇa-bindv-āśramaṃ gatvā   nyavasan muni-puṃgavaḥ /6/

Verse: 7 
Halfverse: a    tapas tepe sa dʰarmātmā   svādʰyāyaniyatendriyaḥ
   tapas tepe sa dʰarma_ātmā   svādʰyāya-niyata_indriyaḥ /
Halfverse: c    gatvāśramapadaṃ tasya   vigʰnaṃ kurvanti kanyakāḥ
   gatvā_āśrama-padaṃ tasya   vigʰnaṃ kurvanti kanyakāḥ /7/

Verse: 8 
Halfverse: a    devapannagakanyāś ca   rājarṣitanayāś ca yāḥ
   deva-pannaga-kanyāś ca   rāja-r̥ṣi-tanayāś ca yāḥ /
Halfverse: c    krīḍantyo 'psarasaś caiva   taṃ deśam upapedire
   krīḍantyo_apsarasaś caiva   taṃ deśam upapedire /8/

Verse: 9 
Halfverse: a    sarvartuṣūpabʰogyatvād   ramyatvāt kānanasya ca
   sarva-r̥tuṣu_upabʰogyatvād   ramyatvāt kānanasya ca /
Halfverse: c    nityaśas tās tu taṃ deśaṃ   gatvā krīḍanti kanyakāḥ
   nityaśas tās tu taṃ deśaṃ   gatvā krīḍanti kanyakāḥ /9/

Verse: 10 
Halfverse: a    atʰa ruṣṭo mahātejā   vyājahāra mahāmuniḥ
   atʰa ruṣṭo mahā-tejā   vyājahāra mahā-muniḥ /
Halfverse: c    yā me darśanam āgaccʰet   sā garbʰaṃ dʰārayiṣyati
   yā me darśanam āgaccʰet   sā garbʰaṃ dʰārayiṣyati /10/

Verse: 11 
Halfverse: a    tās tu sarvāḥ pratigatāḥ   śrutvā vākyaṃ mahātmanaḥ
   tās tu sarvāḥ pratigatāḥ   śrutvā vākyaṃ mahātmanaḥ /
Halfverse: c    brahmaśāpabʰayād bʰītās   taṃ deśaṃ nopacakramuḥ
   brahma-śāpa-bʰayād bʰītās   taṃ deśaṃ na_upacakramuḥ /11/

Verse: 12 
Halfverse: a    tr̥ṇabindos tu rājarṣes   tanayā na śr̥ṇoti tat
   tr̥ṇa-bindos tu rājarṣes   tanayā na śr̥ṇoti tat /
Halfverse: c    gatvāśramapadaṃ tasya   vicacāra sunirbʰayā
   gatvā_āśrama-padaṃ tasya   vicacāra sunirbʰayā /12/

Verse: 13 
Halfverse: a    tasminn eva tu kāle sa   prajāpatyo mahān r̥ṣiḥ
   tasminn eva tu kāle sa   prajāpatyo mahān r̥ṣiḥ /
Halfverse: c    svādʰyāyam akarot tatra   tapasā dyotitaprabʰaḥ
   svādʰyāyam akarot tatra   tapasā dyotita-prabʰaḥ /13/

Verse: 14 
Halfverse: a    sā tu vedadʰvaniṃ śrutvā   dr̥ṣṭvā caiva tapodʰanam
   sā tu veda-dʰvaniṃ śrutvā   dr̥ṣṭvā caiva tapo-dʰanam /
Halfverse: c    abʰavat pāṇḍudehā sā   suvyañjitaśarīrajā
   abʰavat pāṇḍu-dehā sā   suvyañjita-śarīrajā /14/

Verse: 15 
Halfverse: a    dr̥ṣṭvā paramasaṃvignā   sā tu tadrūpam ātmanaḥ
   dr̥ṣṭvā parama-saṃvignā   sā tu tad-rūpam ātmanaḥ /
Halfverse: c    idaṃ me kiṃ nv iti jñātvā   pitur gatvāgrataḥ stʰitāḥ
   idaṃ me kiṃ nv iti jñātvā   pitur gatvā_agrataḥ stʰitāḥ /15/

Verse: 16 
Halfverse: a    tāṃ tu dr̥ṣṭvā tatʰā bʰūtāṃ   tr̥ṇabindur atʰābravīt
   tāṃ tu dr̥ṣṭvā tatʰā bʰūtāṃ   tr̥ṇa-bindur atʰa_abravīt /
Halfverse: c    kiṃ tam etat tv asadr̥śaṃ   dʰārayasy ātmano vapuḥ
   kiṃ tam etat tv asadr̥śaṃ   dʰārayasy ātmano vapuḥ /16/

Verse: 17 
Halfverse: a    sā tu kr̥tvāñjaliṃ dīnā   kanyovāca tapodʰanam
   sā tu kr̥tvā_añjaliṃ dīnā   kanyā_uvāca tapo-dʰanam /
Halfverse: c    na jāne kāraṇaṃ tāta   yena me rūpam īdr̥śam
   na jāne kāraṇaṃ tāta   yena me rūpam īdr̥śam /17/

Verse: 18 
Halfverse: a    kiṃ tu pūrvaṃ gatāsmy ekā   maharṣer bʰāvitātmanaḥ
   kiṃ tu pūrvaṃ gatā_asmy ekā   maharṣer bʰāvita_ātmanaḥ /
Halfverse: c    pulastyasyāśramaṃ divyam   anveṣṭuṃ svasakʰījanam
   pulastyasya_āśramaṃ divyam   anveṣṭuṃ sva-sakʰī-janam /18/

Verse: 19 
Halfverse: a    na ca paśyāmy ahaṃ tatra   kāṃ cid apy āgatāṃ sakʰīm
   na ca paśyāmy ahaṃ tatra   kāṃcid apy āgatāṃ sakʰīm /
Halfverse: c    rūpasya tu viparyāsaṃ   dr̥ṣṭvā cāham ihāgatā
   rūpasya tu viparyāsaṃ   dr̥ṣṭvā ca_aham iha_āgatā /19/

Verse: 20 
Halfverse: a    tr̥ṇabindus tu rājarṣis   tapasā dyotitaprabʰaḥ
   tr̥ṇa-bindus tu rājarṣis   tapasā dyotita-prabʰaḥ /
Halfverse: c    dʰyānaṃ viveśa tac cāpi   apaśyad r̥ṣikarmajam
   dʰyānaṃ viveśa tac ca_api   apaśyad r̥ṣi-karmajam /20/

Verse: 21 
Halfverse: a    sa tu vijñāya taṃ śāpaṃ   maharṣer bʰāvitātmanaḥ
   sa tu vijñāya taṃ śāpaṃ   maharṣer bʰāvita_ātmanaḥ /
Halfverse: c    gr̥hītvā tanayāṃ gatvā   pulastyam idam abravīt
   gr̥hītvā tanayāṃ gatvā   pulastyam idam abravīt /21/

Verse: 22 
Halfverse: a    bʰagamaṃs tanayāṃ me tvaṃ   guṇaiḥ svair eva bʰūṣitām
   bʰagamaṃs tanayāṃ me tvaṃ   guṇaiḥ svair eva bʰūṣitām /
Halfverse: c    bʰikṣāṃ pratigr̥hāṇemāṃ   maharṣe svayam udyatām
   bʰikṣāṃ pratigr̥hāṇa_imāṃ   maharṣe svayam udyatām /22/

Verse: 23 
Halfverse: a    tapaścaraṇayuktasya   śrāmyamāṇendriyasya te
   tapaś-caraṇa-yuktasya   śrāmyamāṇā_indriyasya te /
Halfverse: c    śuśrūṣā tat parā nityaṃ   bʰaviṣyati na saṃśayaḥ
   śuśrūṣā tat parā nityaṃ   bʰaviṣyati na saṃśayaḥ /23/

Verse: 24 
Halfverse: a    taṃ bruvāṇaṃ tu tadvākyaṃ   rājarṣiṃ dʰārmikaṃ tadā
   taṃ bruvāṇaṃ tu tad-vākyaṃ   rāja-r̥ṣiṃ dʰārmikaṃ tadā /
Halfverse: c    jigʰr̥kṣur abbravīt kanyāṃ   bāḍʰam ity eva sa dvijaḥ
   jigʰr̥kṣur abbravīt kanyāṃ   bāḍʰam ity eva sa dvijaḥ /24/

Verse: 25 
Halfverse: a    dattvā tu sa gato rājā   svam āśramapadaṃ tadā
   dattvā tu sa gato rājā   svam āśrama-padaṃ tadā /
Halfverse: c    sāpi tatrāvasat kanyā   toṣayantī patiṃ guṇaiḥ
   sā_api tatra_avasat kanyā   toṣayantī patiṃ guṇaiḥ /
Halfverse: e    prītaḥ sa tu mahātejā   vākyam etad uvāca ha
   prītaḥ sa tu mahā-tejā   vākyam etad uvāca ha /25/

Verse: 26 
Halfverse: a    parituṣṭo 'smi bʰadraṃ te   guṇānāṃ saṃpadā bʰr̥śam
   parituṣṭo_asmi bʰadraṃ te   guṇānāṃ saṃpadā bʰr̥śam /
Halfverse: c    tasmāt te viramāmy adya   putram ātmasamaṃ guṇaiḥ
   tasmāt te viramāmy adya   putram ātma-samaṃ guṇaiḥ /
Halfverse: e    ubʰayor vaṃśakartāraṃ   paulastya iti viśrutam
   ubʰayor vaṃśa-kartāraṃ   paulastya iti viśrutam /26/

Verse: 27 
Halfverse: a    yasmāt tu viśruto vedas   tvayehābʰyasyato mama
   yasmāt tu viśruto vedas   tvayā_iha_abʰyasyato mama /
Halfverse: c    tasmāt sa viśravā nāma   bʰaviṣyati na saṃśayaḥ
   tasmāt sa viśravā nāma   bʰaviṣyati na saṃśayaḥ /27/

Verse: 28 
Halfverse: a    evam uktā tu sā kanyā   prahr̥ṣṭenāntarātmanā
   evam uktā tu sā kanyā   prahr̥ṣṭena_antar-ātmanā /
Halfverse: c    acireṇaiva kālena   sūtā viśravasaṃ sutam
   acireṇa_eva kālena   sūtā viśravasaṃ sutam /28/

Verse: 29 
Halfverse: a    sa tu lokatraye kʰyātaḥ   śaucadʰarmasamanvitaḥ
   sa tu loka-traye kʰyātaḥ   śauca-dʰarma-samanvitaḥ /
Halfverse: c    piteva tapasā yukto   viśravā munipuṃgavaḥ
   pitā_iva tapasā yukto   viśravā muni-puṃgavaḥ /29/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.