TITUS
Ramayana
Part No. 523
Previous part

Chapter: 16 
Adhyāya 16


Verse: 1 
Halfverse: a    sa jitvā bʰrātaraṃ rāma   dʰanadaṃ rākṣasādʰipaḥ
   sa jitvā bʰrātaraṃ rāma   dʰanadaṃ rākṣasa_adʰipaḥ /
Halfverse: c    mahāsenaprasūtiṃ tu   yayau śaravaṇaṃ tataḥ
   mahā-sena-prasūtiṃ tu   yayau śara-vaṇaṃ tataḥ /1/

Verse: 2 
Halfverse: a    atʰāpaśyad daśagrīvo   raukmaṃ śaravaṇaṃ tadā
   atʰa_apaśyad daśagrīvo   raukmaṃ śara-vaṇaṃ tadā /
Halfverse: c    gabʰastijālasaṃvītaṃ   dvitīyam iva bʰāskaram
   gabʰasti-jāla-saṃvītaṃ   dvitīyam iva bʰāskaram /2/

Verse: 3 
Halfverse: a    parvataṃ sa samāsādya   kiṃ cid ramyavanāntaram
   parvataṃ sa samāsādya   kiṃcid ramya-vana_antaram /
Halfverse: c    apaśyat puṣpakaṃ tatra   rāma viṣṭambʰitaṃ divi
   apaśyat puṣpakaṃ tatra   rāma viṣṭambʰitaṃ divi /3/

Verse: 4 
Halfverse: a    viṣṭabdʰaṃ puṣpakaṃ dr̥ṣṭvā   kāmagaṃ hy agamaṃ kr̥tam
   viṣṭabdʰaṃ puṣpakaṃ dr̥ṣṭvā   kāmagaṃ hy agamaṃ kr̥tam /
Halfverse: c    rākṣasaś cintayām āsa   sacivais taiḥ samāvr̥taḥ
   rākṣasaś cintayām āsa   sacivais taiḥ samāvr̥taḥ /4/

Verse: 5 
Halfverse: a    kim idaṃ yannimittaṃ me   na ca gaccʰati puṣpakam
   kim idaṃ yan-nimittaṃ me   na ca gaccʰati puṣpakam /
Halfverse: c    parvatasyoparistʰasya   kasya karma tv idaṃ bʰavet
   parvatasya_uparistʰasya   kasya karma tv idaṃ bʰavet /5/

Verse: 6 
Halfverse: a    tato 'bravīd daśagrīvaṃ   mārīco buddʰikovidaḥ
   tato_abravīd daśagrīvaṃ   mārīco buddʰi-kovidaḥ /
Halfverse: c    naitan niṣkaraṇaṃ rājan   puṣpako 'yaṃ na gaccʰati
   na_etan niṣkaraṇaṃ rājan   puṣpako_ayaṃ na gaccʰati /6/

Verse: 7 
Halfverse: a    tataḥ pārśvam upāgamya   bʰavasyānucaro balī
   tataḥ pārśvam upāgamya   bʰavasya_anucaro balī /
Halfverse: c    nandīśvara uvācedaṃ   rākṣasendram aśaṅkitaḥ
   nandi_īśvara uvāca_idaṃ   rākṣasa_indram aśaṅkitaḥ /7/

Verse: 8 
Halfverse: a    nivartasva daśagrīva   śaile krīḍati śaṃkaraḥ
   nivartasva daśagrīva   śaile krīḍati śaṃkaraḥ /8/ {ab only}

Verse: 9 
Halfverse: a    suparṇanāgayakṣāṇāṃ   daityadānavarakṣasām
   suparṇa-nāga-yakṣāṇāṃ   daitya-dānava-rakṣasām /
Halfverse: c    prāṇinām eva sarveṣām   agamyaḥ parvataḥ kr̥taḥ
   prāṇinām eva sarveṣām   agamyaḥ parvataḥ kr̥taḥ /9/

Verse: 10 
Halfverse: a    sa roṣāt tāmranayanaḥ   puṣpakād avaruhya ca
   sa roṣāt tāmra-nayanaḥ   puṣpakād avaruhya ca /
Halfverse: c    ko 'yaṃ śamraka ity uktvā   śailamūlam upāgamat
   ko_ayaṃ śamraka ity uktvā   śaila-mūlam upāgamat /10/

Verse: 11 
Halfverse: a    nandīśvaram atʰāpaśyad   avidūrastʰitaṃ prabʰum
   nandi_īśvaram atʰa_apaśyad   avidūra-stʰitaṃ prabʰum /
Halfverse: c    dīptaṃ śūlam avaṣṭabʰya   dvitīyam iva śaṃkaram
   dīptaṃ śūlam avaṣṭabʰya   dvitīyam iva śaṃkaram /11/

Verse: 12 
Halfverse: a    sa vānaramukʰaṃ dr̥ṣṭvā   tam avajñāya rākṣasaḥ
   sa vānara-mukʰaṃ dr̥ṣṭvā   tam avajñāya rākṣasaḥ /
Halfverse: c    prahāsaṃ mumuce maurkʰyāt   satoya iva toyadaḥ
   prahāsaṃ mumuce maurkʰyāt   satoya iva toyadaḥ /12/

Verse: 13 
Halfverse: a    saṃkruddʰo bʰagavān nandī   śaṃkarasyāparā tanuḥ
   saṃkruddʰo bʰagavān nandī   śaṃkarasya_aparā tanuḥ /
Halfverse: c    abravīd rākṣasaṃ tatra   daśagrīvam upastʰitam
   abravīd rākṣasaṃ tatra   daśagrīvam upastʰitam /13/

Verse: 14 
Halfverse: a    yasmād vānaramūrtiṃ māṃ   dr̥ṣṭvā rākṣasadurmate
   yasmād vānara-mūrtiṃ māṃ   dr̥ṣṭvā rākṣasa-durmate /
Halfverse: c    maurkʰyāt tvam avajānīṣe   parihāsaṃ ca muñcasi
   maurkʰyāt tvam avajānīṣe   parihāsaṃ ca muñcasi /14/

Verse: 15 
Halfverse: a    tasmān madrūpasaṃyuktā   madvīryasamatejasaḥ
   tasmān mad-rūpa-saṃyuktā   mad-vīrya-sama-tejasaḥ /
Halfverse: c    utpatsyante vadʰārtʰaṃ hi   kulasya tava vānarāḥ
   utpatsyante vadʰa_artʰaṃ hi   kulasya tava vānarāḥ /15/

Verse: 16 
Halfverse: a    kiṃ tv idānīṃ mayā śakyaṃ   kartuṃ yat tvāṃ niśācara
   kiṃ tv idānīṃ mayā śakyaṃ   kartuṃ yat tvāṃ niśā-cara /
Halfverse: c    na hantavyo hatas tvaṃ hi   pūrvam eva svakarmabʰiḥ
   na hantavyo hatas tvaṃ hi   pūrvam eva sva-karmabʰiḥ /16/

Verse: 17 
Halfverse: a    acintayitvā sa tadā   nandivākyaṃ niśācaraḥ
   acintayitvā sa tadā   nandi-vākyaṃ niśā-caraḥ /
Halfverse: c    parvataṃ taṃ samāsādya   vākyam etad uvāca ha
   parvataṃ taṃ samāsādya   vākyam etad uvāca ha /17/

Verse: 18 
Halfverse: a    puṣpakasya gatiś cʰinnā   yatkr̥te mama gaccʰataḥ
   puṣpakasya gatiś cʰinnā   yat-kr̥te mama gaccʰataḥ /
Halfverse: c    tad etac cʰailam unmūlaṃ   karomi tava gopate
   tad etat śailam unmūlaṃ   karomi tava go-pate /18/

Verse: 19 
Halfverse: a    kena prabʰāvena bʰavas   tatra krīḍati rājavat
   kena prabʰāvena bʰavas   tatra krīḍati rājavat /
Halfverse: c    vijñātavyaṃ na jānīṣe   bʰayastʰānam upastʰitam
   vijñātavyaṃ na jānīṣe   bʰaya-stʰānam upastʰitam /19/

Verse: 20 
Halfverse: a    evam uktvā tato rājan   bʰujān prakṣipya parvate
   evam uktvā tato rājan   bʰujān prakṣipya parvate /
Halfverse: c    tolayām āsa taṃ śailaṃ   samr̥gavyālapādapam
   tolayām āsa taṃ śailaṃ   samr̥ga-vyāla-pādapam /20/

Verse: 21 
Halfverse: a    tato rāma mahādevaḥ   prahasan vīkṣya tatkr̥tam
   tato rāma mahā-devaḥ   prahasan vīkṣya tat-kr̥tam /
Halfverse: c    pādāṅguṣṭʰena taṃ śailaṃ   pīḍayām āsa līlayā
   pāda_aṅguṣṭʰena taṃ śailaṃ   pīḍayām āsa līlayā /21/

Verse: 22 
Halfverse: a    tatas te pīḍitās tasya   śailasyādʰo gatā bʰujāḥ
   tatas te pīḍitās tasya   śailasya_adʰo gatā bʰujāḥ /
Halfverse: c    vismitāś cābʰavaṃs tatra   sacivās tasya rakṣasaḥ
   vismitāś ca_abʰavaṃs tatra   sacivās tasya rakṣasaḥ /22/

Verse: 23 
Halfverse: a    rakṣasā tena roṣāc ca   bʰujānāṃ pīḍanāt tatʰā
   rakṣasā tena roṣāc ca   bʰujānāṃ pīḍanāt tatʰā /
Halfverse: c    mukto virāvaḥ sumahāṃs   trailokyaṃ yena pūritam
   mukto virāvaḥ sumahāṃs   trailokyaṃ yena pūritam /23/

Verse: 24 
Halfverse: a    mānuṣāḥ śabdavitrastā   menire lokasaṃkṣayam
   mānuṣāḥ śabda-vitrastā   menire loka-saṃkṣayam /
Halfverse: c    devatāś cāpi saṃkṣubdʰāś   calitāḥ sveṣu karmasu
   devatāś ca_api saṃkṣubdʰāś   calitāḥ sveṣu karmasu /24/

Verse: 25 
Halfverse: a    tataḥ prīto mahādevaḥ   śailāgre viṣṭʰitas tadā
   tataḥ prīto mahā-devaḥ   śaila_agre viṣṭʰitas tadā /
Halfverse: c    muktvā tasya bʰujān rājan   prāha vākyaṃ daśānanam
   muktvā tasya bʰujān rājan   prāha vākyaṃ daśa_ānanam /25/

Verse: 26 
Halfverse: a    prīte 'smi tava vīryāc ca   śauṇḍīryāc ca niśācara
   prīte_asmi tava vīryāc ca   śauṇḍīryāc ca niśā-cara /
Halfverse: c    ravato vedanā muktaḥ   kʰaraḥ paramadāruṇaḥ
   ravato vedanā muktaḥ   kʰaraḥ parama-dāruṇaḥ /26/

Verse: 27 
Halfverse: a    yasmāl lokatrayaṃ tv etad   rāvitaṃ bʰayam āgatam
   yasmāl loka-trayaṃ tv etad   rāvitaṃ bʰayam āgatam /
Halfverse: c    tasmāt tvaṃ rāvaṇo nāma   nāmnā tena bʰaviṣyasi
   tasmāt tvaṃ rāvaṇo nāma   nāmnā tena bʰaviṣyasi /27/

Verse: 28 
Halfverse: a    devatā mānuṣā yakṣā   ye cānye jagatītale
   devatā mānuṣā yakṣā   ye ca_anye jagatī-tale /
Halfverse: c    evaṃ tvām abʰidʰāsyanti   rāvaṇaṃ lokarāvaṇam
   evaṃ tvām abʰidʰāsyanti   rāvaṇaṃ loka-rāvaṇam /28/

Verse: 29 
Halfverse: a    gaccʰa paulastʰya visrabdʰaḥ   patʰā yena tvam iccʰasi
   gaccʰa paulastʰya visrabdʰaḥ   patʰā yena tvam iccʰasi /
Halfverse: c    mayā tvam abʰyanujñāto   rākṣasādʰipa gamyatām
   mayā tvam abʰyanujñāto   rākṣasa_adʰipa gamyatām /29/

Verse: 30 
Halfverse: a    sākṣān maheśvareṇaivaṃ   kr̥tanāmā sa rāvaṇaḥ
   sākṣān mahā_īśvareṇa_evaṃ   kr̥ta-nāmā sa rāvaṇaḥ /
Halfverse: c    abʰivādya mahādevaṃ   vimānaṃ tat samāruhat
   abʰivādya mahā-devaṃ   vimānaṃ tat samāruhat /30/

Verse: 31 
Halfverse: a    tato mahītale rāma   paricakrāma rāvaṇaḥ
   tato mahī-tale rāma   paricakrāma rāvaṇaḥ /
Halfverse: c    kṣatriyān sumahāvīryān   bādʰamānas tatas tataḥ
   kṣatriyān sumahā-vīryān   bādʰamānas tatas tataḥ /31/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.