TITUS
Ramayana
Part No. 528
Previous part

Chapter: 21 
Adhyāya 21


Verse: 1 
Halfverse: a    evaṃ saṃcintya viprendro   jagāma lagʰuvikramaḥ
   evaṃ saṃcintya vipra_indro   jagāma lagʰu-vikramaḥ /
Halfverse: c    ākʰyātuṃ tad yatʰāvr̥ttaṃ   yamasya sadanaṃ prati
   ākʰyātuṃ tad yatʰā-vr̥ttaṃ   yamasya sadanaṃ prati /1/

Verse: 2 
Halfverse: a    apaśyat sa yamaṃ tatra   devam agnipuraskr̥tam
   apaśyat sa yamaṃ tatra   devam agni-puras-kr̥tam /
Halfverse: c    vidʰānam upatiṣṭʰantaṃ   prāṇino yasya yādr̥śam
   vidʰānam upatiṣṭʰantaṃ   prāṇino yasya yādr̥śam /2/

Verse: 3 
Halfverse: a    sa tu dr̥ṣṭvā yamaḥ prāptaṃ   maharṣiṃ tatra nāradam
   sa tu dr̥ṣṭvā yamaḥ prāptaṃ   maharṣiṃ tatra nāradam /
Halfverse: c    abravīt sukʰam āsīnam   argʰyam āvedya dʰarmataḥ
   abravīt sukʰam āsīnam   argʰyam āvedya dʰarmataḥ /3/

Verse: 4 
Halfverse: a    kac cit kṣemaṃ nu devarṣe   kac cid dʰarmo na naśyati
   kaccit kṣemaṃ nu deva-r̥ṣe   kaccid dʰarmo na naśyati /
Halfverse: c    kim āgamanakr̥tyaṃ te   devagandʰarvasevita
   kim āgamana-kr̥tyaṃ te   deva-gandʰarva-sevita /4/

Verse: 5 
Halfverse: a    abravīt tu tadā vākyaṃ   nārado bʰagavān r̥ṣiḥ
   abravīt tu tadā vākyaṃ   nārado bʰagavān r̥ṣiḥ /
Halfverse: c    śrūyatām abʰidʰāsyāmi   vidʰānaṃ ca vidʰīyatām
   śrūyatām abʰidʰāsyāmi   vidʰānaṃ ca vidʰīyatām /5/

Verse: 6 
Halfverse: a    eṣa nāmnā daśagrīvaḥ   pitr̥rāja niśācaraḥ
   eṣa nāmnā daśagrīvaḥ   pitr̥-rāja niśā-caraḥ /
Halfverse: c    upayāti vaśaṃ netuṃ   vikramais tvāṃ sudurjayam
   upayāti vaśaṃ netuṃ   vikramais tvāṃ sudurjayam /6/

Verse: 7 
Halfverse: a    etena kāraṇenāhaṃ   tvarito 'smy āgataḥ prabʰo
   etena kāraṇena_ahaṃ   tvarito_asmy āgataḥ prabʰo /
Halfverse: c    daṇḍapraharaṇasyādya   tava kiṃ nu kariṣyati
   daṇḍa-praharaṇasya_adya   tava kiṃ nu kariṣyati /7/

Verse: 8 
Halfverse: a    etasminn antare dūrād   aṃśumantam ivoditam
   etasminn antare dūrād   aṃśumantam iva_uditam /
Halfverse: c    dadr̥śe divyam āyāntaṃ   vimānaṃ tasya rakṣasaḥ
   dadr̥śe divyam āyāntaṃ   vimānaṃ tasya rakṣasaḥ /8/

Verse: 9 
Halfverse: a    taṃ deśaṃ prabʰayā tasya   puṣpakasya mahābalaḥ
   taṃ deśaṃ prabʰayā tasya   puṣpakasya mahā-balaḥ /
Halfverse: c    kr̥tvā vitimiraṃ sarvaṃ   samīpaṃ samavartata
   kr̥tvā vitimiraṃ sarvaṃ   samīpaṃ samavartata /9/

Verse: 10 
Halfverse: a    sa tv apaśyan mahābāhur   daśagrīvas tatas tataḥ
   sa tv apaśyan mahā-bāhur   daśagrīvas tatas tataḥ /
Halfverse: c    prāṇinaḥ sukr̥taṃ karma   bʰuñjānāṃś caiva duṣkr̥tam
   prāṇinaḥ sukr̥taṃ karma   bʰuñjānāṃs caiva duṣkr̥tam /10/

Verse: 11 
Halfverse: a    tatas tān vadʰyamānāṃs tu   karmabʰir duṣkr̥taiḥ svakaiḥ
   tatas tān vadʰyamānāṃs tu   karmabʰir duṣkr̥taiḥ svakaiḥ /
Halfverse: c    rāvaṇo mocayām āsa   vikrameṇa balād balī
   rāvaṇo mocayām āsa   vikrameṇa balād balī /11/

Verse: 12 
Halfverse: a    preteṣu mucyamāneṣu   rākṣasena balīyasā
   preteṣu mucyamāneṣu   rākṣasena balīyasā /
Halfverse: c    pretagopāḥ susaṃrabdʰā   rākṣasendram abʰidravan
   preta-gopāḥ susaṃrabdʰā   rākṣasa_indram abʰidravan /12/

Verse: 13 
Halfverse: a    te prāsaiḥ parigʰaiḥ śūlair   mudgaraiḥ śaktitomaraiḥ
   te prāsaiḥ parigʰaiḥ śūlair   mudgaraiḥ śakti-tomaraiḥ /
Halfverse: c    puṣpakaṃ samavarṣanta   śūrāḥ śatasahasraśaḥ
   puṣpakaṃ samavarṣanta   śūrāḥ śata-sahasraśaḥ /13/

Verse: 14 
Halfverse: a    tasyāsanāni prāsādān   vedikāstaraṇāni ca
   tasya_āsanāni prāsādān   vedikā_āstaraṇāni ca /
Halfverse: c    puṣpakasya babʰañjus te   śīgʰraṃ madʰukarā iva
   puṣpakasya babʰañjus te   śīgʰraṃ madʰu-karā iva /14/

Verse: 15 
Halfverse: a    devaniṣṭʰānabʰūtaṃ tad   vimānaṃ puṣpakaṃ mr̥dʰe
   deva-niṣṭʰāna-bʰūtaṃ tad   vimānaṃ puṣpakaṃ mr̥dʰe /
Halfverse: c    bʰajyamānaṃ tatʰaivāsīd   akṣayaṃ brahmatejasā
   bʰajyamānaṃ tatʰaiva_āsīd   akṣayaṃ brahma-tejasā /15/

Verse: 16 
Halfverse: a    tatas te rāvaṇāmātyā   yatʰākāmaṃ yatʰābalam
   tatas te rāvaṇa_amātyā   yatʰā-kāmaṃ yatʰā-balam /
Halfverse: c    ayudʰyanta mahāvīryāḥ   sa ca rājā daśānanaḥ
   ayudʰyanta mahā-vīryāḥ   sa ca rājā daśa_ānanaḥ /16/

Verse: 17 
Halfverse: a    te tu śoṇitadigdʰāṅgāḥ   sarvaśastrasamāhatāḥ
   te tu śoṇita-digdʰa_aṅgāḥ   sarva-śastra-samāhatāḥ /
Halfverse: c    amātyā rākṣasendrasya   cakrur āyodʰanaṃ mahat
   amātyā rākṣasa_indrasya   cakrur āyodʰanaṃ mahat /17/

Verse: 18 
Halfverse: a    anyonyaṃ ca mahābʰāgā   jagʰnuḥ praharaṇair yudʰi
   anyonyaṃ ca mahā-bʰāgā   jagʰnuḥ praharaṇair yudʰi /
Halfverse: c    yamasya ca mahat sainyaṃ   rākṣasasya ca mantriṇaḥ
   yamasya ca mahat sainyaṃ   rākṣasasya ca mantriṇaḥ /18/

Verse: 19 
Halfverse: a    amātyāṃs tāṃs tu saṃtyajya   rākṣasasya mahaujasaḥ
   amātyāṃs tāṃs tu saṃtyajya   rākṣasasya mahā_ojasaḥ /
Halfverse: c    tam eva samadʰāvanta   śūlavarṣair daśānanam
   tam eva samadʰāvanta   śūla-varṣair daśa_ānanam /19/

Verse: 20 
Halfverse: a    tataḥ śoṇitadigdʰāṅgaḥ   prahārair jarjarīkr̥taḥ
   tataḥ śoṇita-digdʰa_aṅgaḥ   prahārair jarjarī-kr̥taḥ /
Halfverse: c    vimāne rākṣasaśreṣṭʰaḥ   pʰullāśoka ivābabʰau
   vimāne rākṣasa-śreṣṭʰaḥ   pʰulla_aśoka iva_ābabʰau /20/

Verse: 21 
Halfverse: a    sa śūlāni gadāḥ prāsāñ   śaktitomarasāyakān
   sa śūlāni gadāḥ prāsān   śakti-tomara-sāyakān /
Halfverse: c    musalāni śilāvr̥kṣān   mumocāstrabalād balī
   musalāni śilā-vr̥kṣān   mumoca_astra-balād balī /21/

Verse: 22 
Halfverse: a    tāṃs tu sarvān samākṣipya   tad astram apahatya ca
   tāṃs tu sarvān samākṣipya   tad astram apahatya ca /
Halfverse: c    jagʰnus te rākṣasaṃ gʰoram   ekaṃ śatasahasrakaḥ
   jagʰnus te rākṣasaṃ gʰoram   ekaṃ śata-sahasrakaḥ /22/

Verse: 23 
Halfverse: a    parivārya ca taṃ sarve   śailaṃ megʰotkarā iva
   parivārya ca taṃ sarve   śailaṃ megʰa_utkarā iva /
Halfverse: c    bʰindipālaiś ca śūlaiś ca   niruccʰvāsam akārayan
   bʰindi-pālaiś ca śūlaiś ca   niruccʰvāsam akārayan /23/

Verse: 24 
Halfverse: a    vimuktakavacaḥ kruddʰo   siktaḥ śoṇitavisravaiḥ
   vimukta-kavacaḥ kruddʰo   siktaḥ śoṇita-visravaiḥ /
Halfverse: c    sa puṣpakaṃ parityajya   pr̥tʰivyām avatiṣṭʰata
   sa puṣpakaṃ parityajya   pr̥tʰivyām avatiṣṭʰata /24/

Verse: 25 
Halfverse: a    tataḥ sa kārmukī bāṇī   pr̥tʰivyāṃ rākṣasādʰipaḥ
   tataḥ sa kārmukī bāṇī   pr̥tʰivyāṃ rākṣasa_adʰipaḥ /
Halfverse: c    labdʰasaṃjño muhūrtena   kruddʰas tastʰau yatʰāntakaḥ
   labdʰa-saṃjño muhūrtena   kruddʰas tastʰau yatʰā_antakaḥ /25/

Verse: 26 
Halfverse: a    tataḥ pāśupataṃ divyam   astraṃ saṃdʰāya kārmuke
   tataḥ pāśupataṃ divyam   astraṃ saṃdʰāya kārmuke /
Halfverse: c    tiṣṭʰa tiṣṭʰeti tān uktvā   tac cāpaṃ vyapakarṣata
   tiṣṭʰa tiṣṭʰa_iti tān uktvā   tac cāpaṃ vyapakarṣata /26/

Verse: 27 
Halfverse: a    jvālāmālī sa tu śaraḥ   kravyādānugato raṇe
   jvālā-mālī sa tu śaraḥ   kravya_ada_anugato raṇe /
Halfverse: c    mukto gulmān drumāṃś caiva   bʰasmakr̥tvā pradʰāvati
   mukto gulmān drumāṃś caiva   bʰasma-kr̥tvā pradʰāvati /27/

Verse: 28 
Halfverse: a    te tasya tejasā dagdʰāḥ   sainyā vaivasvatasya tu
   te tasya tejasā dagdʰāḥ   sainyā vaivasvatasya tu /
Halfverse: c    raṇe tasmin nipatitā   dāvadagdʰā nagā iva
   raṇe tasmin nipatitā   dāva-dagdʰā nagā iva /28/

Verse: 29 
Halfverse: a    tataḥ sa sacivaiḥ sārdʰaṃ   rākṣaso bʰīmavikramaḥ
   tataḥ sa sacivaiḥ sārdʰaṃ   rākṣaso bʰīma-vikramaḥ /
Halfverse: c    nanāda sumahānādaṃ   kampayann iva medinīm
   nanāda sumahā-nādaṃ   kampayann iva medinīm /29/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.