TITUS
Atharva-Veda: Parisista
Part No. 6
Previous part

Parisista: 4 
Pariśiṣṭa 4. purohitakarmāṇi


Section: 1 
Verse: 1    om atʰa purohitakarmāṇi \\ rājñaḥ prātar uttʰitasya kr̥tasvastyayanasya
Verse: 2    atʰa purohitaḥ snātānuliptaḥ śuciḥ śuklavāsāḥ soṣṇīṣaḥ savitā prasavānām iti vyākʰyātam \\
Verse: 3    imam indra vardʰayety uktam \\
Verse: 4    pari dʰatteti dvābʰyāṃ rājño vastram abʰimantrya prayaccʰet \\
Verse: 5    yad ābadʰnann ity alaṃkārān \\
Verse: 6    siṃhe vyāgʰra iti siṃhāsanam \\
Verse: 7    yas te gandʰa iti gandʰān \\
Verse: 8    ehi jīvaṃ trāyamāṇam ity akṣiṇī aṅkte \\
Verse: 9    vātaraṃhā ity aśvam \\
Verse: 10    hastivarcasam iti hastinam \\
Verse: 11    yat te mātā yat te piteti narayānam \\
Verse: 12    kʰaḍgaṃ cābʰimantrayāmīti kʰaḍgam \\
Verse: 13    kʰaḍgaṃ cābʰimantrayāmi yaḥ śatrūn mardayiṣyati \ marditāḥ śatravo 'nena vaśam āyāntu te sadeti \\
Verse: 14    paryaṅkam āsanaṃ kʰaḍgaṃ dʰvajaṃ cʰattraṃ sacāmaram \ ratʰam aśvagajaṃ śreṣṭʰaṃ dʰanur varma śareṣudʰim \\
Verse: 15    āñjanaṃ gandʰamālyāni vastrāṇy ābʰaraṇāni ca \ sarvān śāntyudakenaitān abʰyukṣyec cābʰimantrayet \\
Verse: 16    dūrvādīn mūrdʰni nikṣipya svastyayanair abʰimantrayet \ abʰayaṃ dyāvāpr̥tʰivīty abʰimantrito brāhmaṇān praṇipatya prāk \\
Verse: 17    yuṣmatprasādāc cʰāntim adʰigaccʰāmīti \\
Verse: 18    tatʰāstv ity ukto nirgaccʰed iti \\
Verse: 19    evaṃkr̥tyasvastyayano yad evāvalokayati ta sidʰyati \\
Verse: 20    tad api ślokāḥ \\
Verse: 21    asuraiḥ pīḍyamānas tu purā śakro jagatprabʰuḥ \ kārayām āsa vidʰivat purodʰastve br̥haspatim \\
Verse: 22    sa vr̥to bʰayabʰītena śamanārtʰaṃ bubʰūṣatā \ maṅgalāni sasarjāṣṭāv abʰayārtʰaṃ śatakratoḥ \\
Verse: 23    proktāni maṅgalāny aṣṭau brāhmaṇo gaur hutāśanaḥ \ bʰūmiḥ siddʰārtʰakāḥ sarpiḥ śamī vrīhiyavau tatʰā \\
Verse: 24    etāni satataṃ puṇyāni saṃpaśyann arcayann api \ na prāpnoty āpadaṃ rājā śriyaṃ prāpnoty anuttamām \\

Section: 2 
Verse: 1    atʰa rājakarmāṇi
Verse: 2    viśvāvasau muhūrte snāto abʰiṣekamantrair abʰimantritaḥ \\
Verse: 3    anulepanair anuliptaḥ \\
Verse: 4    pūrvoktena vidʰinā vastrālaṃkārādibʰiḥ
Verse: 5    suvarṇaniṣkaṃ kr̥ṣṇalaṃ vā vāmahastena saṃgr̥hya \\
Verse: 6    yad duḥkr̥taṃ yac cʰabalaṃ sarvaṃ pāpmānaṃ dahatv ity
Verse: 7    anena mantreṇa suvarṇaṃ śarīre nigʰr̥ṣya dakṣiṇena hastena viprāya dadyād
Verse: 8    dʰenuṃ cārogām
Verse: 9    aparimitaguṇān tilān sauvarṇamaye tāmramaye vā pātre stʰāpayitvā yad ajñānād ity abʰimantrya viprāya dadyāt \\
Verse: 10    yad ajñānāt tatʰā jñānād yan mayā śabalaṃ kr̥tam \ tat sarvaṃ tiladānena dahyatām iti hi prabʰo \\
Verse: 11    bʰūmiś ca sasyasaṃpannā brāhmaṇe vedapārage \ yatʰāśakti pradeyā hi br̥haspativaco yatʰā \\
Verse: 12    sa bʰuktvā vividʰān bʰogān saptasāgaramekʰalām \ pr̥tʰivīṃ prāpya modeta candravat pr̥tʰivīpatiḥ \\
Verse: 13    annaṃ tu vividʰaṃ nityaṃ pradadyāt dvijātaye \ tūryagʰoṣeṇa saṃyuktaḥ kr̥tasvastyayanas tatʰā \\
Verse: 14    gr̥hadevāṃs tu saṃpūjya kāryaś cāpy utsavo gr̥he \ cʰattrādīni ca yānāni pūjayed vidʰivat svayam \\
Verse: 15    [puṣpaiś ca vividʰaiḥ śubʰraiḥ pʰalaiś cāpy arcayed budʰaḥ] tasmāt sarvāṇi satataṃ dānāni tu mahīpatiḥ \ dattvā śraddʰānvito viprair vr̥to bʰuñjīta vāgyataḥ \\

Section: 3 
Verse: 1    atʰa piṣṭamayīṃ rātriṃ caturbʰir dīpakaiḥ saha \ arcitāṃ gandʰamālyena stʰāpayet tasya cāgrataḥ \\
Verse: 2    namas kr̥tvā tato rātrim arcayitvā yatʰāvidʰi \ dʰūpena cānnapānena stotreṇa ca samarcayet \\
Verse: 3    pāhi māṃ satataṃ devi sarāṣṭraṃ sasuhr̥jjanam \ uṣase naḥ prayaccʰasva śāntiṃ ca kr̥ṇu me sadā \ ye tvāṃ prapadyante devi na teṣāṃ vidyate bʰayam \\
Verse: 4    rātriṃ prapadye jananīṃ sarvabʰūtaniveśanīm \ bʰadrāṃ bʰagavatīṃ kr̥ṣṇāṃ viśvasya jagato niśām \\
Verse: 5    saṃveśanīṃ saṃyamanīṃ grahanakṣatramālinīm \ prapanno 'haṃ śivāṃ rātriṃ bʰadre pāram aśīmahi \\
Verse: 6    yāṃ sadā sarvabʰūtāni stʰāvarāṇi carāṇi ca \ sāyaṃ prātar namasyanti sā māṃ rātry abʰirakṣatv iti \\

Section: 4 
Verse: 1    ā rātri pārtʰivam iṣirā yoṣā trāyamāna ity rātryāṇi \\
Verse: 2    mamobʰā mahyam āpa iti sūktābʰyām anvālabʰya japet \\
Verse: 3    yo na{ḥ} sva iti pañcabʰiḥ sarṣapāñ juhuyāt \\
Verse: 4    yo 'smin yas tvā mātur iti dīpena nr̥pasyopari triṣ parihr̥tya praiṣakr̥te prayaccʰet \\
Verse: 5    abʰayam ity r̥cā catasraḥ śarkarāḥ pradakṣiṇaṃ pratidiśaṃ kṣipet \\
Verse: 6    ehy aśmānam ā tiṣṭʰeti pañcamīm adʰiṣṭʰāpayet \\
Verse: 7    na taṃ yakṣmā aitu deva iti guggulukuṣṭʰadūpaṃ dadyāt \\
Verse: 8    yas te gandʰas tryāyuṣam iti bʰūtiṃ prayaccʰet \\
Verse: 9    dūṣyā dūṣir asīti pratisaram ābadʰya
Verse: 10    agnir mā pātu vasubʰiḥ purastād iti śarkarān pradakṣiṇaṃ pratidiśaṃ kṣipet \\
Verse: 11    bahir niḥsr̥tyottareṇa gatvā bāhyenopaniṣkramya suhr̥de kuryāc cʰraddadʰate kuryāt \\
Verse: 12    naiśam abʰayaṃ karma mausalīputraḥ paiṭʰīnasiḥ \\

Section: 5 
Verse: 1    atʰāto rātrisūktānāṃ vidʰim anukramiṣyāmaḥ \\
Verse: 2    śuciḥ śuklavāsāḥ purohitaḥ \\
Verse: 3    pārtʰivasya paścimāṃ saṃdʰyām upāsya darbʰaiḥ pavitrapāṇī rājānam abʰigamya
Verse: 4    piṣṭamayīṃ rātriṃ kr̥tvā \\
Verse: 5    annapānadʰūpadīpair arcayitvā mālyaiś ca \\
Verse: 6    prajvalitaiś caturbʰir dīpakair arcayitvā \\
Verse: 7    ā rātri pārtʰivam iṣirā yoṣeti sūktadvayena rātrim upastʰāya \\
Verse: 8    trāyamāṇe viśvajite ahne ca tveti rājānaṃ pradakṣiṇaṃ triḥ kr̥tvā
Verse: 9    rājaveśmani dvāre visarjayitvā \\
Verse: 10    na taṃ yakṣmā aitu deva iti guggulukuṣṭʰadʰūpaṃ dadyād
Verse: 11    yas te gandʰa iti bʰūtim abʰimantrya
Verse: 12    tryāyuṣam iti rājñe rakṣāṃ kr̥tvā \\
Verse: 13    asapatnam iti śarkarām abʰimantryāṅguṣṭʰāt pradakṣiṇaṃ pratidiśaṃ kṣipet \\
Verse: 14    śāntā dyaur iti japitvā rājānaṃ vāsagr̥haṃ nayet \\
Verse: 15    bʰūtinā rakṣāṃ kr̥tvā niṣkramya
Verse: 16    evamevam aharahaḥ kuryāt \\

Section: 6 
Verse: 1    yasya rājño janapade atʰarvā śāntipāragaḥ \ nivasaty api tad rāṣṭraṃ vardʰate nirupadravam \\
Verse: 2    yasya rājño janapade sa nāsti vividʰair bʰayaiḥ \ pīḍyate tasya tad rāṣṭraṃ paṅke gaur iva majjati \\
Verse: 3    tasmād rājā viśeṣeṇa atʰarvāṇaṃ jitendriyam \ dānasaṃmānasatkārair nityaṃ samabʰipūjayet \\
Verse: 4    nityaṃ ca kārayec cʰāntiṃ grahar̥kṣāṇi pūjayet \ bʰūmidohān prakurvīta devatāyataneṣu ca \\
Verse: 5    catuspatʰeṣu goṣṭʰeṣu tīrtʰeṣv apsu ca kārayet \ gotarpaṇaṃ ca vidʰivat sarvadoṣavināśanam \\
Verse: 6    ya evaṃ kārayed rājā sarvakālaṃ jitendriyaḥ \ anantaṃ sukʰam āpanoti kr̥tsnāṃ bʰuṅkte vasuṃdʰarām \\

Verse: col    iti purohitakarmāṇi samāptāni \\


Next part


This text is part of the TITUS edition of Atharva-Veda: Parisista.

Copyright TITUS Project, Frankfurt a/M, 1.7.2010. No parts of this document may be republished in any form without prior permission by the copyright holder.