TITUS
Atharva-Veda: Parisista
Part No. 13
Previous part

Parisista: 11 
Pariśiṣṭa 11. tulāpuruṣavidʰiḥ


Section: 1 
Verse: 1    om atʰātas tulāpuruṣavidʰiṃ vyākʰyāsyāmas
Verse: 2    tad udagayana āpūryamāṇapakṣe puṇye nakṣatre śraddʰāpreritau grahaṇakāle vā
Verse: 3    r̥tvigyajamānau kl̥ptakeśaśmaśrū romanakʰāni vāpayitvā
Verse: 4    saṃbʰārān upakalpya prāktantram ājyabʰāgāntaṃ kr̥tvā
Verse: 5    mahāvyāhr̥tisāvitrīśāntiṃ brahma jajñānam iti hutvā
Verse: 6    agne gobʰir agne 'bʰyāvartinn agneḥ prajātam iti saṃpātān udapātrānīyābʰiṣekakalaśeṣu ninayed
Verse: 7    atʰāsyendro grāvabʰyām ity abʰiṣecayed
Verse: 8    idam āpo yatʰendro bāhubʰyām ity abʰiṣecayitvā
Verse: 9    yatʰoktam añjanābʰyañjanānulepanaṃ kārayitvā vāso gandʰasrajaś cābadʰnīyāt
Verse: 10    tulāṃ hiraṇyaṃ ca pavitrair abʰyukṣya puruṣasaṃmito 'rtʰa iti saptabʰis tadārohayed
Verse: 11    acyutā dyaur iti catasr̥bʰir avarohayet
Verse: 12    sūryasyāvr̥tam iti pradakṣiṇam āvr̥tya brāhmaṇebʰyo nivedayitvātmālaṃkārān kartre dadyāt
Verse: 13    sahasradakṣiṇaṃ grāmavaram
Verse: 14    dvijān annena tarpayet
Verse: 15    atʰa cen niḥsvapakṣeṇa yatʰā saṃpadyate dʰanam \ dʰātubʰiḥ saha taulyam atu vāsobʰiś ca rasais tatʰā \ vrīhyādisaptadʰānyair vā yatʰāsaṃpadyate gr̥he \\

Section: 2 
Verse: 1    sakʰaḍgaḥ saśirastrāṇaḥ sarvābʰaraṇabʰūṣitaḥ \ tapanīyam agare kr̥tvā paścāt tolyo narādʰipaḥ \\
Verse: 2    indreṇedaṃ purā dattam adʰirājyāptaye varam \ sarvapāpapraṇāśāya sarvapuṇyavivr̥ddʰaye \\
Verse: 3    mahādānātidānānām idaṃ dānam anuttamam \ akṣayyapʰaladaṃ śreṣṭʰaṃ dātr̥̄ṇāṃ śreyavardʰanam \\
Verse: 4    yat pāpaṃ sve kule jātais triḥ sapta puruṣaiḥ kr̥tam \ tat sarvaṃ naśyate kṣipram agnau tūlaṃ yatʰā tatʰā \\
Verse: 5    anāmayaṃ stʰānam avāpya daivair alaṅgʰanīyaṃ sukr̥tair hiraṇmayaiḥ \ suvarṇatejāḥ pravimuktapāpo divīndravad rājati sūryaloke \\ divīndravad rājati sūryaleketi \\ iti tulāpuruṣavidʰiḥ samāptaḥ \\


Next part


This text is part of the TITUS edition of Atharva-Veda: Parisista.

Copyright TITUS Project, Frankfurt a/M, 1.7.2010. No parts of this document may be republished in any form without prior permission by the copyright holder.