TITUS
Atharva-Veda: Parisista
Part No. 15
Previous part

Parisista: 13 
Pariśiṣṭa 13. hiraṇyagarbʰavidʰiḥ


Section: 1 
Verse: 1    om atʰa hiraṇyagarbʰavidʰim anukramiṣyāmaḥ sarvapāpāpanodanam
Verse: 2    udagayana āpūryamāṇapakṣe puṇye nakṣatre śraddʰāpreritau grahaṇakāle vā
Verse: 3    r̥tvigyajamānau kLptakeśaśmaśruromanakʰau syātām
Verse: 4    atʰa r̥tvik prag astaṃgamanād aśvattʰād araṇī ādʰāyāgne jāyasveti dvābʰyāṃ matʰyamānam anumantrayate
Verse: 5    tr̥tīyayā jātaṃ caturtʰyopasamādadʰāti
Verse: 6    śucau deśe paridʰāpya yatʰoktam añjanābʰyañjanānulepanaṃ kārayitvā
Verse: 7    agneḥ prajātaṃ pari yad dʰiraṇyaṃ yad ābadʰnann iti hiraṇyasrajam āgratʰya rakṣantu tveti rakṣāṃ kr̥tvā
Verse: 8    darbʰān āstīryādʰahśāyinau syātām
Verse: 9    śvo bʰūte 'bʰijinmuhūrte hiraṇmayaṃ maṇḍalākr̥ti nābʰimātraṃ pātram ādʰāya sāpidʰānam
Verse: 10    sruksruvājyastʰālyudapātrālaṃkārāṃś ca
Verse: 11    parisamuhya paryukṣya paristīrya barhir udapātram upasādya paricaraṇenājyaṃ paricarya nityān purastāddʰomān hutvājyabʰāgau cātʰa juhoti

Section: 2 
Verse: 1    hiraṇyagarbʰāya svāhā \\ agnaye svāhā \\ brahmaṇe svāhā \\ prajāpataye svāheti hutvā
Verse: 2    tair eva namaskāraṃ kārayitvā
Verse: 3    tair evopastʰāya sruksruvājyastʰālyudapātrālaṃkārāṃś ceti
Verse: 4    hiraṇmaye rājānaṃ hiraṇyavatībʰiḥ snāpayitvā
Verse: 5    hiraṇyakalaśais tasmin pañcagavyam apa āsicya
Verse: 6    hiraṇyagarbʰasūktenāṃhomucena śantātīyena pañcabʰiś ca nāmabʰiḥ saṃpātān ānīya
Verse: 7    tatʰaiva sadasyān asadasyān r̥tvijo 'nujñāpayed
Verse: 8    rājā hiraṇyagarbʰatvam abʰīpsaty asmin bʰavanto 'numanyantām iti
Verse: 9    tair anuṣṭʰitaḥ

Section: 3 
Verse: 1    ud ehi vājinn iti dvābʰyāṃ praveśayet
Verse: 2    trayastriṃśad devatā ity abʰisaṃdʰāya tam anuśāsti
Verse: 3    vācaṃ niyamya pratisaṃhr̥tya cendriyāṇi viṣayebʰyo manasā bʰagavantaṃ hiraṇmayaṃ hiraṇyagarbʰaṃ parameṣṭʰinaṃ pauruṣaṃ dʰyāyasveti
Verse: 4    tatʰeti tat pratipadyate
Verse: 5    sa saptadaśamātrāntaram asti
Verse: 6    saptadaśo vai prajāpatiḥ
Verse: 7    prajāpater āvr̥ta iti vijñāpayet
Verse: 8    tatʰaiva sadasyān asadasyān anujñāpyottʰāpayed
Verse: 9    uttʰitaṃ hiraṇmayena cakreṇābʰinyubjayet
Verse: 10    mā te prāṇa ity uddʰared
Verse: 11    uddʰr̥taṃ hiraṇyanāmno pravimucya yas tvā mr̥tyur ity apāsyet
Verse: 12    saṃpaśyamānā ity avekṣito brāhmaṇān praṇipatya namaskārya namo hiraṇyagarbʰāyety
Verse: 13    atʰa ha vai hiraṇyagarbʰasyeti priyatamāya tata uktam
Verse: 14    brāhmaṇā brūyur uttiṣṭʰa hiraṇyagarbʰānugr̥hīto 'sīty
Verse: 15    apratiratʰena hutvā saṃstʰāpayed
Verse: 16    apsu te rājan varuṇeti varuṇam abʰiṣṭūya snātvā pavitraiḥ pratyetyādityam upatiṣṭʰante

Section: 4 
Verse: 1    hiraṇyaṃ tava yad garbʰo hiraṇyasyāpi garbʰajaḥ \ hiraṇyagarbʰas tasmāt tvaṃ pāhi māṃ mahato mahān iti
Verse: 2    sūryasyāvr̥tam iti pradakṣiṇam āvr̥tya
Verse: 3    gr̥hān aimīti gr̥hān pratipadya
Verse: 4    tvam agne pramatir ity agnim upastʰāpyātʰotsr̥jed
Verse: 5    atʰa dvijebʰyo dakṣiṇāṃ daśa sahasrāṇ dadyāt
Verse: 6    grāmavaraṃ ca
Verse: 7    sruksruvājyastʰālyudapātrālaṃkārāṃś cety anyat sarvaṃ sadasyebʰyo
Verse: 8    yāvad vā tuṣyeraṃś tāvad vā deyam \\ rājā dadyād
Verse: 9    yatʰākāmaṃ brāhmaṇān annena paricaret
Verse: 10    tatra ślokāḥ

Section: 5 
Verse: 1    vedānāṃ pāragā yasya caturṇāṃ brahmavittamāḥ \ tuṣṭā yasyāśiṣo brūyus tasya yajñapʰalaṃ bʰavet \\
Verse: 2    brāhmaṇānāṃ prasādena sūryo divi virājati \ indro 'py eṣāṃ prasādena devān ativirājati \\
Verse: 3    hiraṇyadānasya pʰalam amr̥tatvam iti śrutiḥ \ śrūyate hy asya dātā yaḥ so 'mr̥tatvaṃ samaśnute \\
Verse: 4    rājekṣuvākuprabʰrtayaḥ purā rājarṣayo 'malāḥ \ dattvā hiraṇyaṃ viprebʰyo jyotir bʰūtvā divi stʰitāḥ \\
Verse: 5    ya evaṃ saṃskr̥to rājā vidʰinā brahmavādinā \ prajānām iha sāmrājyaṃ jyaiṣṭʰyaṃ śraiṣṭʰyaṃ ca gaccʰati \\
Verse: 6    amuṣmin brahmaṇā sārdʰam ānandam anubʰūya vai \ jyotirmayaṃ satyalokaṃ nacaivāvartate punaḥ \\


Next part


This text is part of the TITUS edition of Atharva-Veda: Parisista.

Copyright TITUS Project, Frankfurt a/M, 1.7.2010. No parts of this document may be republished in any form without prior permission by the copyright holder.