TITUS
Atharva-Veda-Samhita (Saunaka)
Part No. 135
Previous part

Hymn: 33 
Verse: 1 
Halfverse: a    ápa naḥ śóśucad agʰám ágne śuśugdʰy ā́ rayím /
Halfverse: c    ápa naḥ śóśucad agʰám //1//

Verse: 2 
Halfverse: a    sukṣetriyā́ sugātuyā́ vasūyā́ ca yajāmahe /
Halfverse: c    ápa naḥ śóśucad agʰám //2//

Verse: 3 
Halfverse: a    prá yád bʰándiṣṭʰa eṣāṃ prā́smā́kāsaś ca sūráyaḥ /
Halfverse: c    ápa naḥ śóśucad agʰám //3//

Verse: 4 
Halfverse: a    prá yát te agne sūráyo jā́yemahi prá te vayám /
Halfverse: c    ápa naḥ śóśucad agʰám //4//

Verse: 5 
Halfverse: a    prá yád agnéḥ sáhasvato viśváto yánti bʰānávaḥ /
Halfverse: c    ápa naḥ śóśucad agʰám //5//

Verse: 6 
Halfverse: a    tváṃ hí viśvatomukʰa viśvátaḥ paribʰū́r asi /
Halfverse: c    ápa naḥ śóśucad agʰám //6//

Verse: 7 
Halfverse: a    dvíṣo no viśvatomukʰā́ti nāvéva pāraya /
Halfverse: c    ápa naḥ śóśucad agʰám //7//

Verse: 8 
Halfverse: a    sá naḥ síndʰum iva nāvā́ti parṣa svastáye /
Halfverse: c    ápa naḥ śóśucad agʰám //8//

Next part


This text is part of the TITUS edition of Atharva-Veda-Samhita (Saunaka).

Copyright TITUS Project, Frankfurt a/M, 4.3.2015. No parts of this document may be republished in any form without prior permission by the copyright holder.