TITUS
Atharva-Veda-Samhita (Saunaka)
Part No. 146
Previous part

Hymn: 4 
Verse: 1 
Halfverse: a    yó giríṣv ájāyatʰā vīrúdʰāṃ bálavattamaḥ /
Halfverse: c    kúṣṭʰéhi takmanāśana takmā́naṃ nāśáyann itáḥ //1//

Verse: 2 
Halfverse: a    suparṇasúvane giraú jātáṃ himávatas pári /
Halfverse: c    dʰánair abʰí śrutvā́ yanti vidúr hí takmanā́śanam //2//

Verse: 3 
Halfverse: a    aśvattʰó devasádanas tr̥tī́yasyām itó diví /
Halfverse: c    tátrāmŕ̥tasya cákṣaṇaṃ devā́ḥ kúṣṭʰam avanvata //3//

Verse: 4 
Halfverse: a    hiraṇyáyī naúr acarad dʰíraṇyabandʰanā diví /
Halfverse: c    tátrāmŕ̥tasya púṣpaṃ devā́ḥ kúṣṭʰam avanvata //4//

Verse: 5 
Halfverse: a    hiraṇyáyāḥ pántʰāna āsann áritrāṇi hiraṇyáyā /
Halfverse: c    nā́vo hiraṇyáyīr āsan yā́bʰiḥ kúṣṭʰaṃ nirā́vahan //5//

Verse: 6 
Halfverse: a    imáṃ me kuṣṭʰa pū́ruṣaṃ tám ā́ vaha táṃ níṣ kuru /
Halfverse: c    tám u me agadáṃ kr̥dʰi //6//

Verse: 7 
Halfverse: a    devébʰyo ádʰi jātó 'si sómasyāsi sákʰā hitáḥ /
Halfverse: c    sá prāṇā́ya vyānā́ya cákṣuṣe me asmaí mr̥ḍa //7//

Verse: 8 
Halfverse: a    údaṅ jātó himávataḥ sá prācyā́ṃ nīyase jánam /
Halfverse: c    tátra kúṣṭʰasya nā́māny uttamā́ni ví bʰejire //8//

Verse: 9 
Halfverse: a    uttamó nā́ma kuṣṭʰasy uttamó nā́ma te pitā́ /
Halfverse: c    yákṣmaṃ ca sárvaṃ nāśáya takmā́naṃ cārasáṃ kr̥dʰi //9//

Verse: 10 
Halfverse: a    śīrṣāmayáṃ upahatyā́m akṣyós tanvò3 rápaḥ /
Halfverse: c    kúṣṭʰas tát sárvaṃ níṣ karad daívaṃ samaha vŕ̥ṣṇyam //10//

Next part


This text is part of the TITUS edition of Atharva-Veda-Samhita (Saunaka).

Copyright TITUS Project, Frankfurt a/M, 4.3.2015. No parts of this document may be republished in any form without prior permission by the copyright holder.