TITUS
Atharva-Veda: Kausika-Sutra
Part No. 16
Previous part

Kandika: 7[16] 
Sutra: 1    <uccair gʰoṣo [ŚS 5.20]> <upa śvāsaya [ŚS 6.126]> iti sarvavāditrāṇi prakṣālya tagara_uśīreṇa saṃdʰāvya saṃpātavanti trir āhatya prayacʰati

Sutra: 2    <vihr̥dayam [ŚS 5.21]> ity uccaistarāṃ (?) hutvā sruvam udvartayan

Sutra: 3    somāṃśuṃ hariṇacarmaṇi_utsīvya kṣatriyāya badʰnāti

Sutra: 4    <pari vartmāni [ŚS 6.67]> <indro jayāti [ŚS 6.98]> iti rājā triḥ senāṃ pariyāti

Sutra: 5    uktaḥ pūrvasya somāṃśuḥ

Sutra: 6    <saṃdānaṃ vo [ŚS 6.103]> <ādānena [ŚS 6.104]> iti pāśair ādānasaṃdānāni

Sutra: 7    <marmāṇi te [ŚS 7.118]> iti kṣatriyaṃ saṃnāhayati

Sutra: 8    abʰayānām apyayaḥ

Sutra: 9    <indro mantʰatu [ŚS 8.8]> iti

Sutra: 10    <pūtirajjur [ŚS 8.8.2ab]> iti pūtirajjum avadʰāya

Sutra: 11    aśvattʰabadʰakayor agniṃ mantʰati

Sutra: 12    <dʰūmam [ŚS 8.8.2cd]> iti dʰūmam anumantrayate

Sutra: 13    <agnim [ŚS 8.8.2cd]> ity agnim

Sutra: 14    tasminn araṇye sapatnakṣayaṇīr ādadʰāty aśvattʰa_badʰaka_tājadbʰaṅga_āhva_kʰadira_śarāṇām

Sutra: 15    uktāḥ pāśāḥ

Sutra: 16    āśvattʰāni kūṭāni bʰāṅgāni jālāni

Sutra: 17    bādʰakadaṇḍāni

Sutra: 18    <svāhaibʰyo [ŚS 8.8.24cd]> iti mitrebʰyo juhoti

Sutra: 19    <durāhāmībʰya [ŚS 8.8.24cd]> iti savyena_iṅgiḍam amitrebʰyo bādʰake

Sutra: 20    uttarato_agner lohitāśvattʰasya śākʰāṃ nihatya nīlalohitābʰyāṃ sūtrābʰyāṃ paritatya <nīlalohitenāmūn [ŚS 8.8.24e]> iti dakṣiṇā prahāpayati

Sutra: 21    <ye bāhav [ŚS 11.9]> <ut tiṣṭʰata [ŚS 11.10]> iti yatʰāliṅgaṃ saṃpreṣyati

Sutra: 22    homārtʰe pr̥ṣadājyam

Sutra: 23    pradānāntāni vāpyāni

Sutra: 24    vāpyais triṣandʰīni vajrarūpāṇy arbudirūpāṇi

Sutra: 25    śitipadīṃ saṃpātavatīṃ darbʰarajjvā kṣatriyāya_upasaṅgadaṇḍe badʰnāti

Sutra: 26    dvitīyām asyati

Sutra: 27    <asmin vasu [ŚS 1.9]> iti rāṣṭrāvagamanam

Sutra: 28    ānuśūkānāṃ vrīhīṇām āvraskajaiḥ kāmpīlaiḥ śr̥taṃ sārūpavatsam āśayati

Sutra: 29    <abʰīvartena [ŚS 1.29]> iti ratʰanemimaṇim ayaḥsīsaloharajatatāmraveṣṭitaṃ hemanābʰiṃ vāsitaṃ baddʰvā sūtrotaṃ barhiṣi kr̥tvā saṃpātavantaṃ pratyr̥caṃ bʰr̥ṣṭīr abʰīvarttottamābʰyām ācr̥tati

Sutra: 30    <acikradat [ŚS 3.3]> <ā tvā gan [ŚS 3.4]> iti yasmād rāṣṭrād avaruddʰas tasyāśāyāṃ śayanavidʰaṃ puroḍāśaṃ darbʰeṣūdake ninayati

Sutra: 31    tato loṣṭena jyotir āyatanaṃ saṃstīrya kṣīraudanam aśnāti

Sutra: 32    yato loṣṭas tataḥ saṃbʰārāḥ

Sutra: 33    tisr̥ṇāṃ prātaraśite puroḍāśe hvayante



Next part


This text is part of the TITUS edition of Atharva-Veda: Kausika-Sutra.

Copyright TITUS Project, Frankfurt a/M, 30.8.2009. No parts of this document may be republished in any form without prior permission by the copyright holder.