TITUS
Atharva-Veda: Kausika-Sutra
Part No. 80
Previous part

Adhyaya: 11 
Kandika: 1[80] 
Sutra: 1    atʰa pitr̥medʰaṃ vyākʰyāsyāmaḥ

Sutra: 2    dahananidʰānadeśe parivr̥kṣāṇi nidʰānakāla iti brāhmaṇoktam

Sutra: 3    durbalībʰavantaṃ śālātr̥ṇeṣu darbʰān āstīrya <syonāsmai bʰava [ŚS 18.2.19]>_ity avarohayati

Sutra: 4    mantroktau_anumantrayate

Sutra: 5    <yat te kr̥ṣṇaḥ [ŚS 18.3.55]>_ity avadīpayati

Sutra: 6    āhitāgnau prete saṃbʰārān saṃbʰarati

Sutra: 7    ājyaṃ ca pr̥ṣadājyaṃ cājaṃ ca gāṃ ca

Sutra: 8    vasanaṃ pañcamam

Sutra: 9    hiraṇyaṃ ṣaṣṭʰam

Sutra: 10    śarīraṃ nānvālabʰate

Sutra: 11    anyaṃ ceṣṭantam anumantrayate

Sutra: 12    śāntyudakaṃ karoti_asakalaṃ cātanānāṃ cānvāvapate

Sutra: 13    śāntyudakodakena keśaśmaśruromanakʰāni saṃhārayanti

Sutra: 14    āplāvayanti

Sutra: 15    anulimpanti

Sutra: 16    srajo_abʰiharanti

Sutra: 17    evaṃsnātam alaṃkr̥tam ahatenāvāgdaśena vasanena pracʰādayati_<etat te devaḥ [ŚS 18.4.31]>_<etat tvā vāsaḥ pratʰamaṃ nv āgann [ŚS 18.2.57a]> iti

Sutra: 18    <apemaṃ [ŚS 18.2.27]>_ity agniṣu juhoti

Sutra: 19    ukʰāḥ kurvanti

Sutra: 20    tāḥ śakr̥dābʰyantaraṃ limpanti śuṣkeṇa vā pūrayanti

Sutra: 21    tāḥ pr̥tʰag agnibʰiḥ saṃtāpayanti_ā śakr̥dādīpanāt

Sutra: 22    teṣāṃ haraṇānupūrvam āhavanīyaṃ pratʰamaṃ tato dakṣiṇāgniṃ tato gārhapatyam

Sutra: 23    atʰa videśe pretasya_<ā rohata janitrīṃ jātavedasaḥ [ŚS 18.4.1]>_iti pr̥tʰag araṇīṣu_agnīn samāropayanti

Sutra: 24    teṣu yatʰoktaṃ karoti

Sutra: 25    apivānyavatsāyā vā saṃdʰinīkṣīreṇa_ekaśalākena vā mantʰenāgnihotraṃ juhoti_ā dahanāt

Sutra: 26    darśapūrṇamāsayoḥ kr̥ṣṇakataṇḍulānāṃ tasyā ājyena nāntaṃ na bahiḥ

Sutra: 27    palālāni barhiḥ

Sutra: 28    tilpiñjyā idʰmāḥ

Sutra: 29    grahān ājyabʰāgau purastāddʰomasaṃstʰitahomān uddʰr̥tya

Sutra: 30    prāṇāpānau_+avarudʰyoṃnidʰanābʰir [ed.: avarudʰyai nidʰanābʰir; see Caland, Kl. Schr., p. 45] juhuyāt

Sutra: 31    atʰa_ubʰayor <ut tiṣṭʰa [ŚS 18.3.8]>_ity uttʰāpayati

Sutra: 32    <pra cyavasva [ŚS 18.3.9]>_iti triḥ saṃhāpayati yāvatkr̥tvaś ca_uttʰāpayati

Sutra: 33    evam eva kūdīṃ jagʰane nibadʰya

Sutra: 34    <imau yunajmi [ŚS 18.2.56]>_iti gāvau yunakti puruṣau vā

Sutra: 35    <ut tiṣṭʰa prehi [ŚS 18.3.8]> <pra cyavasva [ŚS 18.3.9]>_<udanvatī [ŚS 18.2.48]>_<ita ete [ŚS 18.1.61]>_<agnīṣomā [ŚS 18.2.53]>_<idaṃ pūrvam [ŚS 18.4.44]> iti hariṇībʰir hareyur <ati drava [ŚS 18.2.11-18]>_ity aṣṭabʰiḥ

Sutra: 36    <idaṃ ta [ŚS 18.3.7]> ity agnim agrataḥ

Sutra: 37    <prajānaty agʰnye [ŚS 18.3.4]>_ity +jagʰanyāṃ [ed.: jagʰanyaṃ; see Caland, Kl. Schr., p. 4] gām edʰam agniṃ pariṇīya

Sutra: 38    <syonāsmai bʰava [ŚS 18.2.19]>_ity uttarato_agneḥ śarīraṃ nidadʰāti

Sutra: 39    adʰvaryava iṣṭiṃ nirvapanti

Sutra: 40    tasyāṃ yatʰādevataṃ purastāddʰomasaṃstʰitahomān uddʰr̥tya

Sutra: 41    prāṇāpānau_+avarudʰyoṃnidʰanābʰir [see sūtra 80.30] juhuyāt

Sutra: 42    atʰa_ubʰayor <apeta [ŚS 18.1.55]> <dadāmi [ŚS 18.2.37]>_ity śāntyudakaṃ kr̥tvā saṃprokṣaṇībʰyāṃ kāmpīlaśākʰāyā dahanaṃ saṃprokṣya

Sutra: 43    <ud īratām [ŚS 18.1.44]> ity +uddʰatya [ed.: uddʰr̥tya]_abʰyukṣya lakṣaṇaṃ kr̥tvā punar abʰyukṣya prāgdakṣiṇam edʰaś cinvanti

Sutra: 44    <iyaṃ nārī [ŚS 18.3.1]>_iti patnīm upasaṃveśayati

Sutra: 45    <ud īrṣva [ŚS 18.3.2]>_ity uttʰāpayati

Sutra: 46    yad ddʰiraṇyaṃ bibʰarti tad dakṣiṇe pāṇau_+ādʰāya [ed.: ādāya]_ājyenābʰigʰārya jyeṣṭʰena putreṇādāpayati_<idaṃ hiraṇyaṃ [ŚS 18.4.56]>_iti

Sutra: 47    <svargaṃ yataḥ [ŚS 18.4.56c]>_iti dakṣiṇaṃ hastaṃ nirmārjayati

Sutra: 48    <daṇḍaṃ hastād [ŚS 18.2.59]> iti mantroktaṃ brāhmaṇasyādāpayati

Sutra: 49    <dʰanur hastād [ŚS 18.2.60]> iti kṣatriyasya

Sutra: 50    <aṣṭrām [cf. 18.2.59-60]> iti vaiśyasya

Sutra: 51    <idaṃ pitr̥bʰyo [ŚS 18.4.51, see Caland, Kl. Schr., p. 4]>_iti darbʰān edʰān str̥ṇāti

Sutra: 52    tatra_enam uttānam ādadʰīta_<ījānaś +citam [ed.: cittam; cf. vll. in ŚS-edition by ŚPP] ārukṣad agniṃ [ŚS 18.4.14]>_iti

Sutra: 53    <prācyāṃ tvā diśi [ŚS 18.3.30]>_iti pratidiśam

Sutra: 54    na_ity uparibabʰravaḥ

Sutra: 55    anumantrayate

Sutra: 56    atʰāsya saptasu prāṇeṣu sapta hiraṇyaśakalāni_avāsyati_<amr̥tam asy amr̥tatvāyāmr̥tam asmin dʰehi>_iti



Next part


This text is part of the TITUS edition of Atharva-Veda: Kausika-Sutra.

Copyright TITUS Project, Frankfurt a/M, 30.8.2009. No parts of this document may be republished in any form without prior permission by the copyright holder.