TITUS
Narada-Smrti
Part No. 4
Previous part

Chapter: 1 

vyavahārapadāni

1. r̥ṇādānam



Verse: 1 
Half verse: a    r̥ṇaṃ deyam adeyaṃ ca yena yatra yatʰā ca yat /
Half verse: c    dānagrahaṇadʰarmāc ca r̥ṇādānam iti smr̥tam // 1

Verse: 2 
Half verse: a    pitary uparate putrā r̥ṇaṃ dadyur yatʰāṃśataḥ /
Half verse: c    vibʰaktā hy avibʰaktā vā yas tām udvahate dʰuram // 2

Verse: 3 
Half verse: a    pitr̥vyeṇāvibʰaktena bʰrātrā vā yad r̥ṇaṃ kr̥tam /
Half verse: c    mātrā vā yat kuṭumbārtʰe dadyus tad riktʰino 'akʰilam // 3

Verse: 4 
Half verse: a    kramād avyāhataṃ prāptaṃ putrair yan narṇam uddʰr̥tam /
Half verse: c    dadyuḥ paitāmahaṃ pautrās tac caturtʰān nivartate // 4

Verse: 5 
Half verse: a    iccʰanti pitaraḥ putrān svārtʰahetor yatas tataḥ /
Half verse: c    uttamarṇādʰamarṇebʰyo mām ayaṃ mocayiṣyati // 5

Verse: 6 
Half verse: a    ataḥ putreṇa jātena svārtʰam utsr̥jya yatnataḥ /
Half verse: c    pitā mokṣitavya r̥ṇād yatʰā na narakaṃ patet // 6

Verse: 7 
Half verse: a    tapasvī cāgnihotrī ca r̥ṇavān mriyate yadi /
Half verse: c    tapaś caivāgnihotraṃ ca sarvaṃ tad dʰanināṃ dʰanam // 7

Verse: 8 
Half verse: a    na putrarṇaṃ pitā dadyād dadyāt putras tu paitr̥kam /
Half verse: c    kāmakrodʰasurādyūtaprātibʰāvyakr̥taṃ vinā // 8

Verse: 9 
Half verse: a    pitur eva niyogād yat kuṭumbabʰaraṇāya ca /
Half verse: c    kr̥taṃ vā yad r̥ṇaṃ kr̥ccʰre dadyāt putrasya tat pitā // 9

Verse: 10 
Half verse: a    śiṣyāntevāsidāsastrīvaiyāvr̥ttyakaraiś ca yat /
Half verse: c    kuṭumbahetor utkṣiptaṃ voḍʰavyaṃ tat kuṭumbinā // 10

Verse: 11 
Half verse: a    nārvāg viṃśatimād varṣāt pitari proṣite sutaḥ /
Half verse: c    r̥ṇaṃ dadyāt pitr̥vye vā jyeṣṭʰe bʰrātary atʰāpi vā // 11

Verse: 12 
Half verse: a    dāpyaḥ pararṇam eko 'api jīvatsv adʰikr̥taiḥ kr̥tam /
Half verse: c    preteṣu tu na tatputraḥ pararṇaṃ dātum arhati // 12

Verse: 13 
Half verse: a    na strī patikr̥taṃ dadyād r̥ṇaṃ putrakr̥taṃ tatʰā /
Half verse: c    abʰyupetād r̥te yadvā saha patyā kr̥taṃ bʰavet // 13

Verse: 14 
Half verse: a    dadyād aputrā vidʰavā niyuktā yā mumūrṣuṇā /
Half verse: c    yo vā tadriktʰam ādadyād yato riktʰam r̥ṇaṃ tataḥ // 14

Verse: 15 
Half verse: a    na ca bʰāryākr̥tam r̥ṇaṃ katʰaṃcit patyur ābʰavet /
Half verse: c    āpatkr̥tād r̥te puṃsāṃ kuṭumbārtʰo hi vistaraḥ // 15

Verse: 16 
Half verse: a    anyatra rajakavyādʰagopaśauṇḍikayoṣitām /
Half verse: c    teṣāṃ tatpratyayā vr̥ttiḥ kuṭumbaṃ ca tadāśrayam // 16

Verse: 17 
Half verse: a    putriṇī tu samutsr̥jya putraṃ strī yānyam āśrayet /
Half verse: c    r̥ktʰaṃ tasyā haret sarvaṃ niḥsvāyāḥ putra eva tu // 17

Verse: 18 
Half verse: a    yā tu sapradʰanaiva strī sāpatyā cānyam āśrayet /
Half verse: c    so 'asyā dadyād r̥ṇaṃ bʰartur utsr̥jed vā tatʰaiva tām // 18

Verse: 19 
Half verse: a    adʰanasya hy aputrasya mr̥tasyopaiti yaḥ striyam /
Half verse: c    r̥ṇaṃ voḍʰuḥ sa bʰajate tad evāsya dʰanaṃ smr̥tam // 19

Verse: 20 
Half verse: a    dʰanastrīhāriputrāṇām r̥ṇabʰāg yo dʰanaṃ haret /
Half verse: c    putro 'asatoḥ strīdʰaninoḥ strīhārī dʰaniputrayoḥ // 20

Verse: 21 
Half verse: a    uttamā svairiṇī yā syād uttamā ca punarbʰuvām /
Half verse: c    r̥ṇaṃ tayoḥ patikr̥taṃ dadyād yas tām upāśnute // 21

Verse: 22 
Half verse: a    strīkr̥tāny apramāṇāni kāryāṇy āhur anāpadi /
Half verse: c    viśeṣato gr̥hakṣetradānādʰamanavikrayāḥ // 22

Verse: 23 
Half verse: a    etāny api pramāṇāni bʰartā yady anumanyate /
Half verse: c    putraḥ patyur abʰāve vā rājā vā patiputrayoḥ // 23

Verse: 24 
Half verse: a    bʰartrā prītena yad dattaṃ striyai tasmin mr̥te 'api tat /
Half verse: c    sā yatʰākāmam aśnīyād dadyād vā stʰāvarād r̥te // 24

Verse: 25 
Half verse: a    tatʰā dāsakr̥taṃ kāryam akr̥taṃ paricakṣate /
Half verse: c    anyatra svāmisaṃdeśān na dāsaḥ prabʰur ātmanaḥ // 25

Verse: 26 
Half verse: a    putreṇa ca kr̥taṃ kāryaṃ yat syāt pitur aniccʰataḥ /
Half verse: c    tad apy akr̥tam evāhur dāsaḥ putraś ca tau samau // 26

Verse: 27 
Half verse: a    aprāptavyavahāraś cet svatantro 'api hi na rṇabʰāk /
Half verse: c    svātantryaṃ tu smr̥taṃ jyeṣṭʰe jyaiṣṭʰyaṃ guṇavayaḥkr̥tam // 27

Verse: 28 
Half verse: a    trayaḥ svatantrā loke 'asmin rājācāryas tatʰaiva ca /
Half verse: c    prati prati ca varṇānāṃ sarveṣāṃ svagr̥he gr̥hī // 28    

Verse: 29 
Half verse: a    asvatantrāḥ prajāḥ sarvāḥ svatantraḥ pr̥tʰivīpatiḥ /
Half verse: c    asvatantraḥ smr̥taḥ śiṣya ācārye tu svatantratā // 29   

Verse: 30 
Half verse: a    asvatantrāḥ striyaḥ putrā dāsāś ca saparigrahāḥ /
Half verse: c    svatantras tatra tu gr̥hī yasya yat syāt kramāgatam // 30

Verse: 31 
Half verse: a    garbʰastʰaiḥ sadr̥śo jñeya ā varṣād aṣṭamāc cʰiṣuḥ /
Half verse: c    bāla ā ṣoḍaśāj jñeyaḥ pogaṇḍaś cāpi śabdyate // 31

Verse: 32 
Half verse: a    parato vyavahārajñaḥ svatantraḥ pitarau vinā /
Half verse: c    jīvator asvatantraḥ syāj jarayāpi samanvitaḥ // 32

Verse: 33 
Half verse: a    tayor api pitā śreyān bījaprādʰānyadarśanāt /
Half verse: c    abʰāve bījino mātā tadabʰāve tu pūrvajaḥ // 33

Verse: 34 
Half verse: a    svatantrāḥ sarva evaite paratantreṣu sarvadā /
Half verse: c    anuśiṣṭau visarge ca vikraye ceśvarā matāḥ // 34

Verse: 35 
Half verse: a    yad bālaḥ kurute kāryam asvatantras tatʰaiva ca /
Half verse: c    akr̥taṃ tad iti prāhuḥ śāstre śāstravido janāḥ // 35

Verse: 36 
Half verse: a    svatantro 'api hi yat kāryaṃ kuryād aprakr̥tiṃ gataḥ /
Half verse: c    tad apy akr̥tam evāhur asvatantraḥ sa hetutaḥ // 36

Verse: 37 
Half verse: a    kāmakrodʰābʰiyuktārtabʰayavyasanapīḍitāḥ /
Half verse: c    rāgadveṣaparītāś ca jñeyās tv aprakr̥tiṃ gatāḥ // 37

Verse: 38 
Half verse: a    kule jyeṣṭʰas tatʰā śreṣṭʰaḥ prakr̥tistʰaś ca yo bʰavet /
Half verse: c    tatkr̥taṃ syāt kr̥taṃ kāryaṃ nāsvatantrakr̥taṃ kr̥tam // 38

Verse: 39 
Half verse: a    dʰanamūlāḥ kriyāḥ sarvā yatnas tatsādʰane mataḥ /
Half verse: c    rakṣaṇaṃ vardʰanaṃ bʰoga iti tasya vidʰiḥ kramāt // 39

Verse: 40 
Half verse: a    tat punas trividʰaṃ jñeyaṃ śuklaṃ śabalam eva ca /
Half verse: c    kr̥ṣṇaṃ ca tasya vijñeyaḥ prabʰedaḥ saptadʰā pr̥tʰak // 40

Verse: 41 
Half verse: a    śrutaśauryatapaḥkanyāśiṣyayājyānvayāgatam /
Half verse: c    dʰanaṃ saptavidʰaṃ śuklam udayo 'apy asya tadvidʰaḥ // 41

Verse: 42 
Half verse: a    kusīdakr̥ṣivāṇijyaśulkaśilpānuvr̥ttibʰiḥ /
Half verse: c    kr̥topakārād āptaṃ ca śabalaṃ samudāhr̥tam // 42

Verse: 43 
Half verse: a    pārśvikadyūtadautyārtipratirūpakasāhasaiḥ/
Half verse: c    vyājenopārjitaṃ yac ca tat kr̥ṣṇaṃ samudāhr̥tam // 43

Verse: 44 
Half verse: a    tena krayo vikrayaś ca dānaṃ grahaṇam eva ca /
Half verse: c    vividʰāś ca pravartante kriyāḥ saṃbʰoga eva ca // 44

Verse: 45 
Half verse: a    yatʰāvidʰena dravyeṇa yatkiṃcit kurute naraḥ /
Half verse: c    tatʰāvidʰam avāpnoti sa pʰalaṃ pretya ceha ca // 45

Verse: 46 
Half verse: a    tat punar dvādaśavidʰaṃ prativarṇāśrayāt smr̥tam /
Half verse: c    sādʰāraṇaṃ syāt trividʰaṃ śeṣaṃ navavidʰaṃ smr̥tam // 46

Verse: 47 
Half verse: a    kramāgataṃ prītidāyaḥ prāptaṃ ca saha bʰāryayā /
Half verse: c    aviśeṣeṇa varṇānāṃ sarveṣāṃ trividʰaṃ dʰanam // 47

Verse: 48 
Half verse: a    vaiśeṣikaṃ dʰanaṃ jñeyaṃ brāhmaṇasya trilakṣaṇam /
Half verse: c    pratigraheṇa yallabdʰaṃ yājyataḥ śiṣyatas tatʰā // 48

Verse: 49 
Half verse: a    trividʰaṃ kṣatriyasyāpi prāhur vaiśeṣikaṃ dʰanam /
Half verse: c    yuddʰopalabdʰaṃ kāraś ca daṇḍaś ca vyavahārataḥ // 49

Verse: 50 
Half verse: a    vaiśeṣikaṃ dʰanaṃ jñeyaṃ vaiśyasyāpi trilakṣaṇam /
Half verse: c    kr̥ṣigorakṣavāṇijyaiḥ śūdrasyaibʰyas tv anugrahāt // 50

Verse: 51 
Half verse: a    sarveṣām eva varṇānām eṣa dʰarmyo dʰanāgamaḥ /
Half verse: c    viparyayād adʰarmyaḥ syān na ced āpad garīyasī // 51

Verse: 52 
Half verse: a    āpatsv anantarā vr̥ttir brāhmaṇasya vidʰīyate /
Half verse: c    vaiśyavr̥ttis tataś coktā na jagʰanyā katʰaṃcana // 52

Verse: 53 
Half verse: a    na katʰaṃcana kurvīta brāhmaṇaḥ karma vārṣalam /
Half verse: c    vr̥ṣalaḥ karma na brāhmaṃ patanīye hi te tayoḥ // 53

Verse: 54 
Half verse: a    utkr̥ṣṭaṃ cāpakr̥ṣṭaṃ ca tayoḥ karma na vidyate /
Half verse: c    madʰyame karmaṇī hitvā sarvasādʰāraṇe hi te // 54

Verse: 55 
Half verse: a    āpadaṃ brāhmaṇas tīrtvā kṣatravr̥ttyā hr̥tair dʰanaiḥ /
Half verse: c    utsr̥jet kṣatravr̥ttiṃ tāṃ kr̥tvā pāvanam ātmanaḥ // 55

Verse: 56 
Half verse: a    tasyām eva tu yo vr̥ttau brāhmaṇo ramate rasāt /
Half verse: c    kāṇḍapr̥ṣṭʰaś cyuto mārgāt so 'apāṅkteyaḥ prakīrtitaḥ // 56

Verse: 57 
Half verse: a    vaiśyavr̥ttāv avikreyaṃ brāhmaṇasya payo dadʰi /
Half verse: c    gʰr̥taṃ madʰu madʰūccʰiṣṭaṃ lākṣākṣārarasāsavāḥ // 57

Verse: 58 
Half verse: a    māṃsaudanatilakṣaumasomapuṣpapʰalapalāḥ /
Half verse: c    manuṣyaviṣaśastrāmbulavaṇāpūpavīrudʰaḥ // 58

Verse: 59 
Half verse: a    nīlīkauṣeyacarmāstʰikutapaikaśapʰā mr̥daḥ /
Half verse: c    udaśvitkeśapiṇyākaśākādyauṣadʰayas tatʰā // 59

Verse: 60 
Half verse: a    brāhmaṇasya tu vikreyaṃ śuṣkaṃ dāru tr̥ṇāni ca /
Half verse: c    gandʰadravyairakāvetratūlamūlatuśād r̥te // 60

Verse: 61 
Half verse: a    svayaṃ śīrṇaṃ ca vidalaṃ pʰalānāṃ badareṅgude /
Half verse: c    rajjuḥ kārpāsikaṃ sūtraṃ tac ced avikr̥taṃ bʰavet // 61

Verse: 62 
Half verse: a    aśaktau bʰeṣajasyārtʰe yajñahetos tatʰaiva ca /
Half verse: c    yady avaśyaṃ tu vikreyās tilā dʰānyena tatsāmāḥ // 62

Verse: 63 
Half verse: a    avikreyāṇi vikrīṇan brāhmaṇaḥ pracyutaḥ patʰaḥ /
Half verse: c    mārge punar avastʰāpya rājñā daṇḍena bʰūyasā // 63

Verse: 64 
Half verse: a    pramāṇāni pramāṇastʰaiḥ paripālyāni yatnataḥ /
Half verse: c    sīdanti hi pramāṇāni pramāṇair avyavastʰitaiḥ // 64

Verse: 65 
Half verse: a    likʰitaṃ sākṣiṇo bʰuktiḥ pramāṇaṃ trividʰaṃ smr̥taṃ /
Half verse: c    dʰanasvīkaraṇe yena dʰanī dʰanam upāśnute // 65

Verse: 66 
Half verse: a    likʰitaṃ balavan nityaṃ jīvantas tv eva sākṣiṇaḥ /
Half verse: c    kālātiharaṇād bʰuktir iti śāstreṣu niścayaḥ // 66

Verse: 67 
Half verse: a    trividʰasyāsya dr̥ṣṭasya pramāṇasya yatʰākramam /
Half verse: c    pūrvaṃ pūrvaṃ guru jñeyaṃ bʰuktir ebʰyo garīyasī // 67

Verse: 68 
Half verse: a    vidyamāne 'api likʰite jīvatsv api hi sākṣiṣu /
Half verse: c    viśeṣataḥ stʰāvarāṇāṃ yan na bʰuktaṃ na tat stʰiram // 68

Verse: 69 
Half verse: a    bʰujyamānān parair artʰān yaḥ svān maurkʰyād upekṣate /
Half verse: c    samakṣaṃ jīvato 'apy asya tān bʰuktiḥ kurute vaśe // 69

Verse: 70 
Half verse: a    yatkiṃcid daśa varṣāṇi saṃnidʰau prekṣate dʰanī /
Half verse: c    bʰujyamānaṃ parais tūṣṇīṃ na sa tal labdʰum arhati // 70

Verse: 71 
Half verse: a    upekṣāṃ kurvatas tasya tūṣṇīṃ bʰūtasya tiṣṭʰataḥ /
Half verse: c    kāle 'atipanne pūrvokte vyavahāro na sidʰyati // 71

Verse: 72 
Half verse: a    ajaḍaś ced apogaṇḍo viṣaye cāsya bʰujyate /
Half verse: c    bʰuktaṃ tad vyavahāreṇa bʰoktā tad dʰanam arhati // 72

Verse: 73 
Half verse: a    ādʰiḥ sīmā bāladʰanaṃ nikṣepopanidʰī striyaḥ /
Half verse: c    rājasvaṃ śrotriyasvaṃ ca nopabʰogena jīryate // 73

Verse: 74 
Half verse: a    pratyakṣaparibʰogāc ca svāmino dvidaśāḥ samāḥ /
Half verse: c    ādʰyādīny api jīryante strīnarendradʰanād r̥te // 74

Verse: 75 
Half verse: a    strīdʰanaṃ ca narendrāṇāṃ na kadācana jīryate /
Half verse: c    anāgamaṃ bʰujyamānaṃ vatsarāṇāṃ śatair api // 75

Verse: 76 
Half verse: a    nirbʰogo yatra dr̥śyeta na dr̥śyetāgamaḥ kvacit /
Half verse: c    āgamaḥ kāraṇaṃ tatra na bʰogas tatra kāraṇam // 76

Verse: 77 
Half verse: a    anāgamaṃ bʰujyate yan na tad bʰogo 'ativartate /
Half verse: c    prete tu bʰoktari dʰanaṃ yāti tadvaṃśyabʰogyatām // 77

Verse: 78 
Half verse: a    āhartaivābʰiyuktaḥ sann artʰānām uddʰaret padam /
Half verse: c    bʰuktir eva viśuddʰiḥ syāt prāptānāṃ pitr̥taḥ kramāt // 78

Verse: 79 
Half verse: a    anvāhitaṃ hr̥taṃ nyastaṃ balāvaṣṭabdʰaṃ yācitam /
Half verse: c    apratyakṣaṃ ca yad bʰuktaṃ ṣaḍ etāny āgamaṃ vinā // 79

Verse: 80 
Half verse: a    tatʰārūḍʰavivādasya pretasya vyavahāriṇaḥ /
Half verse: c    putreṇa so 'artʰaḥ saṃśodʰyo na taṃ bʰogo 'ativartate // 80

Verse: 81 
Half verse: a    yad vināgamam apy ūrdʰvaṃ bʰuktaṃ pūrvais tribʰir bʰavet /
Half verse: c    na tac cʰakyam apākartuṃ kramāt tripuruṣāgatam // 81

Verse: 82 
Half verse: a    santo 'api na pramāṇaṃ syur mr̥te dʰanini sākṣiṇaḥ /
Half verse: c    anyatra śrāvitaṃ yat syāt svayam āsannamr̥tyunā // 82

Verse: 83 
Half verse: a    na hi pratyartʰini prete pramāṇaṃ sākṣiṇāṃ vacaḥ /
Half verse: c    sākṣimat karaṇaṃ tatra pramāṇaṃ syād viniścaye // 83

Verse: 84 
Half verse: a    śrāvitas tv ātureṇāpi yas tv artʰo dʰarmasaṃhitaḥ /
Half verse: c    mr̥te 'api tatra sākṣī syāt ṣaṭsu cānvāhitādiṣu // 84

Verse: 85 
Half verse: a    kriya rṇādiṣu sarveṣu balavaty uttarottarā /
Half verse: c    pratigrahādʰikrīteṣu pūrvā pūrvā garīyasī // 85

Verse: 86 
Half verse: a    stʰānalābʰanimittaṃ hi dānagrahaṇam iṣyate /
Half verse: c    tat kusīdam iti proktaṃ tena vr̥ttiḥ kusīdinām // 86

Verse: 87 
Half verse: a    kāyikā kālikā caiva kāritā ca tatʰā smr̥tā /
Half verse: c    cakravr̥ddʰiś ca śāstreṣu tasya vr̥ddʰiś caturvidʰā // 87

Verse: 88 
Half verse: a    kāyāvirodʰinī śaśvat paṇapādyā tu kāyikā /
Half verse: c    pratimāsaṃ sravati yā vr̥ddʰiḥ sā kālikā smr̥tā // 88

Verse: 89 
Half verse: a    vr̥ddʰiḥ sā kāritā nāma ya rṇikena svayaṃkr̥tā /
Half verse: c    vr̥ddʰer api punar vr̥ddʰiś cakravr̥ddʰir udāhr̥tā // 89

Verse: 90 
Half verse: a    r̥ṇānāṃ sārvabʰaumo 'ayaṃ vidʰir vr̥ddʰikaraḥ smr̥taḥ /
Half verse: c    deśācāravidʰis tv anyo yatra rṇam avatiṣṭʰati // 90

Verse: 91 
Half verse: a    dviguṇaṃ triguṇaṃ caiva tatʰānyasmiṃś caturguṇam /
Half verse: c    tatʰāṣṭaguṇam anyasmin deśe deśe 'avatiṣṭʰate // 91

Verse: 92 
Half verse: a    hiraṇyadʰānyavastrāṇāṃ vr̥ddʰir dvitricaturguṇā /
Half verse: c    gʰr̥tasyāṣṭaguṇā vr̥ddʰiḥ strīpaśūnāṃ ca saṃtatiḥ // 92

Verse: 93 
Half verse: a    sūtrakarpāsakiṇvānāṃ trapuṣaḥ sīsakasya ca /
Half verse: c    āyudʰānāṃ ca sarveṣāṃ carmaṇas tāmralohayoḥ // 93

Verse: 94 
Half verse: a    anyeṣāṃ caiva sarveṣām iṣṭakānāṃ tatʰaiva ca /
Half verse: c    akṣayyā vr̥ddʰir eteṣāṃ manur āha prajāpatiḥ // 94

Verse: 95 
Half verse: a    tailānāṃ caiva sarveṣāṃ madyānāṃ madʰusarpiṣām /
Half verse: c    vr̥ddʰir aṣṭaguṇā jñeyā guḍasya lavaṇasya ca // 95

Verse: 96 
Half verse: a    na vr̥ddʰiḥ prītidattānāṃ syād anākāritā kvacit /
Half verse: c    anākāritam apy ūrdʰvaṃ vatsarārdʰād vivardʰate // 96

Verse: 97 
Half verse: a    eṣa vr̥ddʰividʰiḥ proktaḥ prativr̥ddʰasya dʰarmataḥ /
Half verse: c    vr̥ddʰis tu yoktā dʰānyānāṃ vārdʰuṣyaṃ tad udāhr̥tam // 97

Verse: 98 
Half verse: a    āpadaṃ nistared vaiśyaḥ kāmaṃ vārdʰuṣakarmaṇā /
Half verse: c    āpatsv api hi kaṣṭāsu brāhmaṇasya na vārdʰuṣam // 98

Verse: 99 
Half verse: a    brāhmaṇasya tu yad deyaṃ sānvayasya na cāsti saḥ /
Half verse: c    svakulyasyāsya nivapet tadabʰāve 'asya bandʰuṣu // 99

Verse: 100 
Half verse: a    yadā tu na svakulyāḥ syur na ca saṃbandʰibāndʰavāḥ /
Half verse: c    tadā dadyāt svajātibʰyas teṣv asatsv apsu nikṣipet // 100

Verse: 101 
Half verse: a    gr̥hītvopagataṃ dadyād r̥ṇikāyodayaṃ dʰanī /
Half verse: c    adadad yācyamānas tu śeṣahānim avāpnuyāt // 101

Verse: 102 
Half verse: a    lekʰyaṃ dadyād r̥ṇe śuddʰe tadabʰāve pratiśravam /
Half verse: c    dʰanikarṇikayor evaṃ viśuddʰiḥ syāt parasparam // 102

Verse: 103 
Half verse: a    viśrambʰahetū dvāv atra pratibʰūr ādʰir eva ca /
Half verse: c    likʰitaṃ sākṣiṇaś ca dve pramāṇe vyaktikārake // 103

Verse: 104 
Half verse: a    upastʰānāya dānāya pratyayāya tatʰaiva ca /
Half verse: c    trividʰaḥ pratibʰūr dr̥ṣṭas triṣv evārtʰeṣu sūribʰiḥ //

Verse: 105 
Half verse: a    r̥ṇiṣv apratikurvatsu pratyaye vā vivādite /
Half verse: c    pratibʰūs tad r̥ṇaṃ dadyād anupastʰāpayaṃs tatʰā //

Verse: 106 
Half verse: a    bahavaś cet pratibʰuvo dadyus te 'artʰaṃ yatʰākr̥tam /
Half verse: c    artʰe 'aviśeṣite hy eṣu dʰaninaś cʰandataḥ kriyā //

Verse: 107 
Half verse: a    yaṃ cārtʰaṃ pratibʰūr dadyād dʰanikenopapīḍitaḥ /
Half verse: c    r̥ṇikas taṃ pratibʰuve dviguṇaṃ pratipādayet // 107

Verse: 108 
Half verse: a    adʰikriyata ity ādʰiḥ sa vijñeyo dvilakṣaṇaḥ /
Half verse: c    kr̥takālopaneyaś ca yāvaddeyodyatas tatʰā // 108

Verse: 109 
Half verse: a    sa punar dvividʰaḥ prokto gopyo bʰogyas tatʰaiva ca /
Half verse: c    pratidānaṃ tatʰaivāsya lābʰahānir viparyaye // 109

Verse: 110 
Half verse: a    pramādād dʰaninas tadvad ādʰau vikr̥tim āgate /
Half verse: c    vinaṣṭe mūlanāśaḥ syād daivarājakr̥tād r̥te // 110

Verse: 111 
Half verse: a    rakṣyamāṇo 'api yatrādʰiḥ kāleneyād asāratām /
Half verse: c    ādʰir anyo 'adʰikartavyo deyaṃ vā dʰanine dʰanam //

Verse: 112 
Half verse: a    atʰa śaktivihīnaḥ syād r̥ṇī kālaviparyayāt /
Half verse: c    śakyaprekṣam r̥ṇaṃ dāpyaḥ kāle kāle yatʰodayam // 112

Verse: 113 
Half verse: a    śakto vā yadi daurātmyān na dadyād dʰanine dʰanam /
Half verse: c    rājñā dāpayitavyaḥ syād gr̥hītvāṃśaṃ tu viṃśakam //

Verse: 114 
Half verse: a    naśyed r̥ṇaparīmāṇaṃ kāleneha rṇikasya cet /
Half verse: c    jātisaṃjñādʰivāsānām āgamo lekʰyataḥ smr̥taḥ // 114

Verse: 115 
Half verse: a    lekʰyaṃ tu dvividʰaṃ jñeyaṃ svahastānyakr̥taṃ tatʰā /
Half verse: c    asākṣimat sākṣimac ca siddʰir deśastʰites tayoḥ //

Verse: 116 
Half verse: a    deśācārāviruddʰaṃ yad vyaktādʰikr̥talakṣaṇam /
Half verse: c    tat pramāṇaṃ smr̥taṃ lekʰyam aviluptakramākṣaram //

Verse: 117 
Half verse: a    mattābʰiyuktastrībālabalātkārakr̥taṃ ca yat /
Half verse: c    tad apramāṇakaraṇaṃ bʰītopadʰikr̥taṃ tatʰā // 117

Verse: 118 
Half verse: a    mr̥tāḥ syuḥ sākṣiṇo yatra dʰanikarṇikalekʰakāḥ /
Half verse: c    tad apy apārtʰaṃ likʰitam r̥te tv ādʰeḥ stʰirāśrayāt //

Verse: 119 
Half verse: a    ādʰir yo dvividʰaḥ prokto jaṅgamaḥ stʰāvaras tatʰā /
Half verse: c    siddʰir atrobʰayasyāsya bʰogo yady asti nānyatʰā // 119

Verse: 120 
Half verse: a    darśitaṃ pratikālaṃ yac cʰrāvitaṃ śrāvitaṃ ca yat /
Half verse: c    lekʰyaṃ sidʰyati sarvatra mr̥teṣv api hi sākṣiṣu // 120

Verse: 121 
Half verse: a    aśrutārtʰam adr̥ṣṭārtʰaṃ vyavahārārtʰam eva ca /
Half verse: c    na lekʰyaṃ siddʰim āpnoti jīvatsv api hi sākṣiṣu // 121

Verse: 122 
Half verse: a    lekʰye deśāntaranyaste dagdʰe durlikʰite hr̥te /
Half verse: c    satas tatkālakaraṇam asato dr̥ṣṭadarśanam // 122

Verse: 123 
Half verse: a    yasmin syāt saṃśayo lekʰye bʰūtābʰūtakr̥te kvacit /
Half verse: c    tatsvahastakriyācihnaprāptiyuktibʰir uddʰaret // 123

Verse: 124 
Half verse: a    lekʰyaṃ yac cānyanāmāṅkaṃ hetvantarakr̥taṃ bʰavet /
Half verse: c    vipratyaye parīkṣyaṃ tat saṃbandʰāgamahetubʰiḥ // 124

Verse: 124-1 
Half verse: a    lekʰyaṃ yac cānyanāmāṅkaṃ hetvantarakr̥taṃ bʰavet /
Half verse: c    vipratyaye parīkṣyaṃ tat saṃbandʰāgamahetubʰiḥ //

Verse: 125 
Half verse: a    likʰitaṃ likʰitenaiva sākṣimat sākṣibʰir haret /
Half verse: c    sākṣibʰyo likʰitaṃ śreyo likʰitena tu sākṣiṇaḥ // 125

Verse: 126 
Half verse: a    cʰinnabʰinnahr̥tonmr̥ṣṭanaṣṭadurlikʰiteṣu ca /
Half verse: c    kartavyam anyal lekʰyaṃ syād eṣa lekʰyavidʰiḥ smr̥taḥ //

Verse: 127 
Half verse: a    saṃdigdʰeṣu tu kāryeṣu dvayor vivadamānayoḥ /
Half verse: c    dr̥ṣṭaśrutānubʰūtatvāt sākṣibʰyo vyaktidarśanam //

Verse: 128 
Half verse: a    samakṣadarśanāt sākṣī vijñeyaḥ śrotracakṣuṣoḥ /
Half verse: c    śrotrasya yat paro brūte cakṣuṣaḥ kāyakarma yat //

Verse: 129 
Half verse: a    ekādaśavidʰaḥ sākṣī sa tu dr̥ṣṭo manīṣibʰiḥ /
Half verse: c    kr̥taḥ pañcavidʰas teṣāṃ ṣaḍvidʰo 'akr̥ta ucyate // 129

Verse: 130 
Half verse: a    likʰitaḥ smāritaś caiva yadr̥ccʰābʰijña eva ca /
Half verse: c    gūḍʰaś cottarasākṣī ca sākṣī pañcavidʰaḥ smr̥taḥ //

Verse: 131 
Half verse: a    akr̥taḥ ṣaḍvidʰaś cāpi sūribʰiḥ parikīrtitaḥ /
Half verse: c    grāmaś ca prāḍvivākaś ca rājā ca vyavahāriṇām //

Verse: 132 
Half verse: a    kāryeṣv abʰyantaro yaḥ syād artʰinā prahitaś ca yaḥ /
Half verse: c    kulaṃ kulavivādeṣu bʰaveyus te 'api sākṣiṇaḥ //

Verse: 133 
Half verse: a    kulīnā r̥javaḥ śuddʰā janmataḥ karmato 'artʰataḥ /
Half verse: c    tryavarāḥ sākṣiṇo 'anindyāḥ śucayaḥ syuḥ subuddʰayaḥ //

Verse: 134 
Half verse: a    brāhmaṇāḥ kṣatriyā vaiśyāḥ śūdrā ye cāpy aninditāḥ /
Half verse: c    prativarṇaṃ bʰaveyus te sarve sarveṣu vā punaḥ //

Verse: 135 
Half verse: a    śreṇīṣu śreṇipuruṣāḥ sveṣu vargeṣu vargiṇaḥ /
Half verse: c    bahirvāsiṣu bāhyāś ca striyaḥ striṣu ca sākṣiṇaḥ //

Verse: 136 
Half verse: a    śreṇyādiṣu tu vargeṣu kaścic ced dveṣyatām iyāt /
Half verse: c    tebʰya eva na sākṣī syād dveṣṭāraḥ sarva eva te //

Verse: 137 
Half verse: a    asākṣy api hi śāstreṣu dr̥ṣṭaḥ pañcavidʰo budʰaiḥ /
Half verse: c    vacanād doṣato bʰedāt svayamukter mr̥tāntaraḥ //

Verse: 138 
Half verse: a    śrotriyādyā vacanataḥ stenādyā doṣadarśanāt /
Half verse: c    bʰedād vipratipattiḥ syād vivāde yatra sākṣiṇaḥ //

Verse: 139 
Half verse: a    svayamukter anirdiṣṭaḥ svayam evaitya yo vadet /
Half verse: c    mr̥tāntaro 'artʰini prete mumūrṣuśrāvitād r̥te //

Verse: 140 
Half verse: a    śrotriyās tāpasā vr̥ddʰā ye ca pravrajitā narāḥ /
Half verse: c    asākṣiṇas te vacanān nātra hetur udāhr̥taḥ //

Verse: 141 
Half verse: a    stenāḥ sāhasikāś caṇḍāḥ kitavā vadʰakās tatʰā /
Half verse: c    asākṣiṇas te duṣṭatvāt teṣu satyaṃ na vidyate //

Verse: 142 
Half verse: a    rājñā parigr̥hīteṣu sākṣiṣv ekārtʰaniścaye /
Half verse: c    vacanaṃ yatra bʰidyate te syur bʰedād asākṣiṇaḥ //

Verse: 143 
Half verse: a    anirdiṣṭas tu sākṣitve svayam evaitya yo vadet /
Half verse: c    sūcīty uktaḥ sa śāstreṣu na sa sākṣitvam arhati //

Verse: 144 
Half verse: a    yo 'artʰaḥ śrāvayitavyaḥ syāt tasminn asati cārtʰini /
Half verse: c    kva tad vadatu sākṣitvam ity asākṣī mr̥tāntaraḥ //

Verse: 144-1 
Half verse: a    yo 'artʰaḥ śrāvayitavyaḥ syāt tasminn asati cārtʰini /
Half verse: c    kva tad vadatu sākṣitvam ity asākṣī mr̥tāntaraḥ //

Verse: 145 
Half verse: a    dvayor vivadator artʰe dvayoḥ satsu ca sākṣiṣu /
Half verse: c    pūrvapakṣo bʰaved yasya bʰaveyus tasya sākṣiṇaḥ //

Verse: 146 
Half verse: a    ādʰaryaṃ pūrvapakṣasya yasminn artʰe vaśād bʰavet /
Half verse: c    praṣṭavyāḥ sākṣiṇas tatra vivāde prativādinaḥ //

Verse: 147 
Half verse: a    na pareṇa samuddiṣṭam upeyāt sākṣiṇaṃ rahaḥ /
Half verse: c    bʰedayet taṃ na cānyena hīyetaivaṃ samācaran //

Verse: 148 
Half verse: a    sākṣy uddiṣṭo yadi preyād gaccʰed vāpi digantaram /
Half verse: c    taccʰrotāraḥ pramāṇaṃ syuḥ pramāṇaṃ hy uttarakriyā //

Verse: 149 
Half verse: a    sudīrgʰeṇāpi kālena likʰitaṃ siddʰim āpnuyāt /
Half verse: c    jānatā cātmanā lekʰyaṃ ajānānas tu lekʰayet //

Verse: 150 
Half verse: a    siddʰir uktāṣṭamād varṣāt smāritasyeha sākṣiṇaḥ /
Half verse: c    ā pañcamāt tatʰā siddʰir yadr̥ccʰopagatasya tu //

Verse: 151 
Half verse: a    ā tr̥tīyāt tatʰā varṣāt siddʰir gūḍʰasya sākṣiṇaḥ /
Half verse: c    ā vai saṃvatsarāt siddʰiṃ vadanty uttarasākṣiṇaḥ //

Verse: 152 
Half verse: a    atʰavā kālaniyamo na dr̥ṣṭaḥ sākṣiṇaṃ prati /
Half verse: c    smr̥tyapekṣaṃ hi sākṣitvam āhuḥ śāstravido janāḥ //

Verse: 153 
Half verse: a    yasya nopahatā puṃsaḥ smr̥tiḥ śrotraṃ ca nityaśaḥ /
Half verse: c    sudīrgʰeṇāpi kālena sa sākṣī sākṣyam arhati //

Verse: 154 
Half verse: a    asākṣipratyayās tv anye ṣaḍvivādāḥ prakīrtitāḥ /
Half verse: c    lakṣaṇāny eva sākṣitvaṃ eṣām āhur manīṣiṇaḥ //

Verse: 155 
Half verse: a    ulkāhasto 'agnido jñeyaḥ śastrapāṇis tu gʰātakaḥ /
Half verse: c    keśākeśigr̥hītaś ca yugapat pāradārikaḥ //

Verse: 156 
Half verse: a    kuddālapāṇir vijñeyaḥ setubʰettā samīpagaḥ /
Half verse: c    tatʰā kuṭʰārapāṇiś ca vanacʰettā prakīrtitaḥ //

Verse: 157 
Half verse: a    abʰyagracihno vijñeyo daṇḍapāruṣyakr̥n naraḥ /
Half verse: c    asākṣipratyayā hy ete pāruṣye tu parīkṣaṇam //

Verse: 158 
Half verse: a    kaścit kr̥tvātmanaś cihnaṃ dveṣāt param upadravet /
Half verse: c    hetvartʰagatisāmartʰyais tatra yuktaṃ parīkṣaṇam //

Verse: 159 
Half verse: a    nārtʰasaṃbandʰino nāptā na sahāyā na vairiṇaḥ /
Half verse: c    na dr̥ṣṭadoṣāḥ praṣṭavyāś na vyādʰyārtā na dūṣitāḥ //

Verse: 160 
Half verse: a    dāsanaikr̥tikāśraddʰavr̥ddʰastrībālacākrikāḥ /
Half verse: c    mattonmattapramattārtakitavagrāmayājakāḥ //

Verse: 161 
Half verse: a    mahāpatʰikasāmudravaṇikpravrajitāturāḥ /
Half verse: c    lubdʰakaśrotriyācārahīnaklībakuśīlavāḥ //

Verse: 162 
Half verse: a    nāstikavrātyadārāgnityāgino 'ayājyayājakāḥ /
Half verse: c    ekastʰālīsahāyāricarajñātisanābʰayaḥ //

Verse: 163 
Half verse: a    prāgdr̥ṣṭadoṣaśailūṣaviṣajīvyahituṇḍikāḥ /
Half verse: c    garadāgnidakīnāśaśūdrāputropapātikāḥ //

Verse: 164 
Half verse: a    klāntasāhasikaśrāntanirdʰanāntyāvasāyinaḥ /
Half verse: c    bʰinnavr̥ttāsamāvr̥ttajaḍatailikamūlikāḥ //

Verse: 165 
Half verse: a    bʰūtāviṣṭanr̥padviṣṭavarṣanakṣatrasūcakāḥ /
Half verse: c    agʰaśaṃsyātmavikretr̥hīnāṅgabʰagavr̥ttayaḥ //

Verse: 166 
Half verse: a    kunakʰī śyāvadan śvitrimitradʰrukśaṭʰaśauṇḍikāḥ /
Half verse: c    aindrajālikalubdʰograśreṇīgaṇavirodʰinaḥ //

Verse: 167 
Half verse: a    vadʰakr̥ccitrakr̥nmaṅkʰaḥ patitaḥ kūṭakārakaḥ /
Half verse: c    kuhakaḥ pratyavasitas taskaro rājapūruṣaḥ /

Verse: 168 
Half verse: a    manuṣyaviṣaśastrāmbulavaṇāpūpavīrudʰām /
Half verse: c    vikretā brāhmaṇaś caiva dvijo vārdʰuṣikaś ca yaḥ //

Verse: 169 
Half verse: a    cyutaḥ svadʰarmāt kulikaḥ stāvako hīnasevakaḥ /
Half verse: c    pitrā vivadamānaś ca bʰedakr̥c cety asākṣiṇaḥ //

Verse: 170 
Half verse: a    asākṣiṇo ye nirdiṣṭā dāsanaikr̥tikādayaḥ /
Half verse: c    kāryagauravam āsādya bʰaveyus te 'api sākṣiṇaḥ //

Verse: 171 
Half verse: a    sāhaseṣu ca sarveṣu steyasaṃgrahaṇeṣu ca /
Half verse: c    pāruṣyayoś cāpy ubʰayor na parīkṣeta sākṣiṇaḥ //

Verse: 172 
Half verse: a    teṣām api na bālaḥ syān naiko na strī na kūṭakr̥t /
Half verse: c    na bāndʰavo na cārātir brūyus te sākṣyam anyatʰā //

Verse: 173 
Half verse: a    bālo 'ajñānād asatyāt strī pāpābʰyāsāc ca kūṭakr̥t /
Half verse: c    vibrūyād bāndʰavaḥ snehād vairaniryātanād ariḥ //

Verse: 174 
Half verse: a    atʰavānumato yaḥ syād dvayor vivadamānayoḥ /
Half verse: c    asākṣy eko 'api sākṣitve praṣṭavyaḥ syāt sa saṃsadi //

Verse: 175 
Half verse: a    yas tv ātmadoṣabʰinnatvād asvastʰa iva lakṣyate /
Half verse: c    stʰānāt stʰānāntaraṃ gaccʰed ekaikaṃ copadʰāvati //

Verse: 176 
Half verse: a    kāsate 'anibʰr̥to 'akasmād abʰīkṣṇaṃ niśvasaty api /
Half verse: c    bʰūmiṃ likʰati pādābʰyāṃ bāhu vāso dʰunoti ca //

Verse: 177 
Half verse: a    bʰidyate mukʰavarṇo 'asya lalāṭaṃ svidyate tatʰā /
Half verse: c    śoṣam āgaccʰataś coṣṭʰāv ūrdʰvaṃ tiryak ca vīkṣate //

Verse: 178 
Half verse: a    tvaramāṇa ivābaddʰam apr̥ṣṭo bahu bʰāṣate /
Half verse: c    kūṭasākṣī sa vijñeyas taṃ pāpaṃ vinayen nr̥paḥ //

Verse: 179 
Half verse: a    śrāvayitvā ca yo 'anyebʰyaḥ sākṣitvaṃ tad vinihnute /
Half verse: c    sa vineyo bʰr̥śataraṃ kūṭasākṣyadʰiko hi saḥ //

Verse: 180 
Half verse: a    āhūya sākṣiṇaḥ pr̥ccʰen niyamya śapatʰair bʰr̥śam /
Half verse: c    samastān viditācārān vijñātārtʰān pr̥tʰak pr̥tʰak //

Verse: 181 
Half verse: a    satyena śāpayed vipraṃ kṣatriyaṃ vāhanāyudʰaiḥ /
Half verse: c    gobījakāñcanair vaiśyaṃ śūdraṃ sarvais tu pātakaiḥ //

Verse: 182 
Half verse: a    purāṇair dʰarmavacanaiḥ satyamāhātmyakīrtanaiḥ /
Half verse: c    anr̥tasyāpavādaiś ca bʰr̥śam uttrāsya sākṣiṇaḥ //

Verse: 183 
Half verse: a    nagno muṇḍaḥ kapālena bʰikṣārtʰī kṣutpipāsitaḥ /
Half verse: c    dīnaḥ śatrugr̥haṃ gaccʰed yaḥ sākṣyam anr̥taṃ vadet //

Verse: 184 
Half verse: a    nagare pratiruddʰaḥ san bahirdvāre bubʰukṣitaḥ /
Half verse: c    amitrān bʰūyaśaḥ paśyed yaḥ sākṣyam anr̥taṃ vadet //

Verse: 185 
Half verse: a    yāṃ rātrim adʰivinnā strī yāṃ caivākṣaparājitaḥ /
Half verse: c    yāṃ ca bʰārābʰitaptāṅgo durvivaktā sa tāṃ vaset //

Verse: 186 
Half verse: a    sākṣī sākṣyasamuddeśe gokarṇaśitʰilaṃ caran /
Half verse: c    sahasraṃ vāruṇān pāśān ātmani pratimuñcati //

Verse: 187 
Half verse: a    tasya varṣaśate pūrṇe pāśam ekaṃ pramucyate /
Half verse: c    evaṃ sa bandʰanāt tasmān mucyate niyutāḥ samāḥ //

Verse: 188 
Half verse: a    yāvato bāndʰavāṃs yasmin hanti sākṣye 'anr̥taṃ vadan /
Half verse: c    tāvataḥ saṃkʰyayā tasmin śr̥ṇu saumyānupūrvaśaḥ //

Verse: 189 
Half verse: a    pañca paśvanr̥te hanti daśa hanti gavānr̥te /
Half verse: c    śatam aśvānr̥te hanti sahasraṃ puruṣānr̥te //

Verse: 190 
Half verse: a    hanti jātān ajātāṃś ca hiraṇyārtʰe 'anr̥taṃ vadan /
Half verse: c    sarvaṃ bʰūmyanr̥te hanti mā sma bʰūmyanr̥taṃ vadīḥ //

Verse: 191 
Half verse: a    ekam evādvitīyaṃ tat prāhuḥ pāvanam ātmanaḥ /
Half verse: c    satyaṃ svargasya sopānaṃ pārāvārasya naur iva //

Verse: 192 
Half verse: a    aśvamedʰasahasraṃ ca satyaṃ ca tulayā dʰr̥tam /
Half verse: c    aśvamedʰasahasrād dʰi satyam eva viśiṣyate //

Verse: 193 
Half verse: a    varaṃ kūpaśatād vāpi varaṃ vāpīśatāt kratuḥ /
Half verse: c    varaṃ kratuśatāt putraḥ satyaṃ putraśatād varam //

Verse: 194 
Half verse: a    bʰūr dʰārayati satyena satyenodeti bʰāskaraḥ /
Half verse: c    satyena vāyuḥ pavate satyenāpaḥ sravanti ca //

Verse: 195 
Half verse: a    satyam eva paraṃ dānaṃ satyam eva paraṃ tapaḥ /
Half verse: c    satyam eva paro dʰarmo lokānām iti naḥ śrutam //

Verse: 196 
Half verse: a    satyaṃ devāḥ samāsena manuṣyās tv anr̥taṃ smr̥tam /
Half verse: c    ihaiva tasya devatvaṃ yasya satye stʰitā matiḥ //

Verse: 197 
Half verse: a    satyaṃ brūhy anr̥taṃ tyaktvā satyena svargam eṣyasi /
Half verse: c    uktvānr̥taṃ mahāgʰoraṃ narakaṃ pratipatsyate //

Verse: 198 
Half verse: a    nirayeṣu ca te śaśvaj jihvām utkr̥tya dāruṇāḥ /
Half verse: c    asibʰiḥ śātayiṣyanti balino yamakiṃkarāḥ //

Verse: 199 
Half verse: a    śūlair bʰetsyanti cākruddʰāḥ krośantam aparāyaṇam /
Half verse: c    avākśirasam utkṣipya kṣepsyanty agnihradeṣu ca //

Verse: 200 
Half verse: a    anubʰūya ca duḥkʰās tāś ciraṃ narakavedanāḥ /
Half verse: c    iha yāsyasy abʰavyāsu gr̥dʰrakākādiyoniṣu //

Verse: 201 
Half verse: a    jñātvaitān anr̥te doṣāñ jñātvā satye ca sadguṇān /
Half verse: c    satyaṃ vadoddʰarātmānaṃ mātmānaṃ pātayiṣyasi //

Verse: 202 
Half verse: a    na bāndʰavā na suhr̥do na dʰanāni mahānty api /
Half verse: c    alaṃ tārayituṃ śaktās tamasy ugre nimajjataḥ //

Verse: 203 
Half verse: a    pitaras tv avalambante tvayi sākṣitvam āgate /
Half verse: c    tārayiṣyati kiṃvāsmān ātmānaṃ pātayiṣyati //

Verse: 204 
Half verse: a    satyam ātmā manuṣyasya satye sarvaṃ pratiṣṭʰitam /
Half verse: c    sarvatʰaivātmanātmānaṃ śreyasā yojayiṣyasi //

Verse: 205 
Half verse: a    yāṃ ca rātrim ajaniṣṭʰā yāṃ rātriṃ ca mariṣyasi /
Half verse: c    vr̥tʰā tadantaraṃ te syāt kuryāś cet satyam anyatʰā //

Verse: 206 
Half verse: a    nāsti satyāt paro dʰarmo nānr̥tāt pātakaṃ param /
Half verse: c    sākṣidʰarme viśeṣeṇa satyam eva vadet tataḥ //

Verse: 207 
Half verse: a    yaḥ parārtʰe praharati svāṃ vācaṃ puruṣādʰamaḥ /
Half verse: c    ātmārtʰe kiṃ na kuryāt sa pāpo narakanirbʰayaḥ //

Verse: 208 
Half verse: a    artʰā vai vāci niyatā vāṅmūlā vāgviniḥsr̥tāḥ /
Half verse: c    yo hy etāṃ stenayed vācaṃ sa sarvasteyakr̥n naraḥ //

Verse: 209 
Half verse: a    sākṣivipratipattau tu pramāṇaṃ bahavo yataḥ /
Half verse: c    tatsāmye śucayo grāhyās tatsāmye smr̥timattarāḥ //

Verse: 210 
Half verse: a    smr̥timatsākṣisāmyaṃ tu vivāde yatra dr̥śyate /
Half verse: c    sūkṣmatvāt sākṣidʰarmasya sākṣyaṃ vyāvartate punaḥ //

Verse: 211 
Half verse: a    nirdiṣṭeṣv artʰajāteṣu sākṣī cet sākṣyam āgataḥ /
Half verse: c    na brūyād akṣarasamaṃ na tan nigaditaṃ bʰavet //

Verse: 212 
Half verse: a    deśakālavayodravyapramāṇākr̥tijātiṣu /
Half verse: c    yatra vipratipattiḥ syāt sākṣyaṃ tad asad ucyate //

Verse: 213 
Half verse: a    ūnam abʰyadʰikaṃ cārtʰaṃ prabrūyur yatra sākṣiṇaḥ /
Half verse: c    tad apy anuktaṃ vijñeyam eṣa sākṣyavidʰiḥ smr̥taḥ //

Verse: 214 
Half verse: a    pramādād dʰanino yatra na syāl lekʰyaṃ na sākṣiṇaḥ /
Half verse: c    artʰaṃ cāpahnuyād vādī tatroktas trividʰo vidʰiḥ //

Verse: 215 
Half verse: a    codanā pratikālaṃ ca yuktileśas tatʰaiva ca /
Half verse: c    tr̥tīyaḥ śapatʰaś coktas tair evaṃ sādʰayet kramāt //

Verse: 216 
Half verse: a    abʰīkṣṇaṃ codyamāno yaḥ pratihanyān na tadvacaḥ /
Half verse: c    tricatuḥpañcakr̥tvo vā parato 'artʰaṃ tam āvahet //

Verse: 217 
Half verse: a    codanāpratigʰāte tu yuktileśais tam anviyāt /
Half verse: c    deśakālārtʰasaṃbandʰaparimāṇakriyādibʰiḥ //

Verse: 218 
Half verse: a    yuktiṣv apy asamartʰāsu śapatʰair enam ardayet /
Half verse: c    artʰakālabalāpekṣam agnyambusukr̥tādibʰiḥ //

Verse: 219 
Half verse: a    dīptāgnir yaṃ na dahati yam antardʰārayanty āpaḥ /
Half verse: c    sa taraty abʰiśāpaṃ taṃ kilbiṣī syād viparyaye //

Verse: 220 
Half verse: a    strīṇāṃ śīlābʰiyogeṣu steyasāhasayor api /
Half verse: c    eṣa eva vidʰir dr̥ṣṭaḥ sarvārtʰāpahnaveṣu ca //

Verse: 221 
Half verse: a    śapatʰā hy api devānām r̥ṣīṇām api ca smr̥tāḥ /
Half verse: c    vasiṣṭʰaḥ śapatʰaṃ śepe yātudʰāne tu śaṅkitaḥ //

Verse: 222 
Half verse: a    saptarṣayas tatʰendrāya puṣkarārtʰe samāgatāḥ /
Half verse: c    śepuḥ śapatʰam avyagrāḥ parasparaviśuddʰaye //

Verse: 223 
Half verse: a    ayuktaṃ sāhasaṃ kr̥tvā pratyāpattiṃ bʰajeta yaḥ /
Half verse: c    brūyāt svayaṃ vā sadasi tasyārdʰavinayaḥ smr̥taḥ //

Verse: 224 
Half verse: a    gūhamānas tu daurātmyād yadi pāpaṃ sa jīyate /
Half verse: c    sabʰyāś cātra na tuṣyanti tīvro daṇḍaś ca pātyate //



Next part


This text is part of the TITUS edition of Narada-Smrti.

Copyright TITUS Project, Frankfurt a/M, 22.4.2012. No parts of this document may be republished in any form without prior permission by the copyright holder.