TITUS
Rg-Veda: Aitareya-Brahmana
Part No. 29
Previous part

Paragraph: 29 


Sentence: 1    havirdʰānābʰyām prohyamāṇābʰyām anubrūhīty āhādʰvaryur
Sentence: 2    yuje vām brahma pūrvyaṃ namobʰir ity anvāha.
   brahmaṇā vā ete devā ayuñjata yad dʰavirdʰāne,
   brahmaṇaivaine etad yuṅkte; na vai brahmaṇvad riṣyati
Sentence: 3    pretāṃ yajñasya śambʰuveti tr̥caṃ dyāvāpr̥tʰivīyam anvāha
Sentence: 4    tad āhur:
   yad dʰavirdʰānābʰyām prohyamāṇābʰyām anu vācāhātʰa kasmāt
   tr̥caṃ dyāvāpr̥tʰivīyam anvāheti. dyāvāpr̥tʰivī vai devānāṃ havirdʰāne āstāṃ,
   te u evādyāpi havirdʰāne, te hīdam antareṇa sarvaṃ havir yad idaṃ kiṃca.
   tasmāt tr̥caṃ dyāvāpr̥tʰivīyam anvāha
Sentence: 5    yame iva yatamāne yad aitam iti, yame iva hy ete yatamāne prabāhug itaḥ
Sentence: 6    pra vām bʰaran mānuṣā devayanta iti, devayanto hy ene mānuṣāḥ prabʰaranty
Sentence: 7    ā sīdataṃ svam u lokaṃ vidāne svāsastʰe bʰavatam indave na iti,
   somo vai rājenduḥ, somāyaivaine etad rājña āsade 'cīkḷpad
Sentence: 8    adʰi dvayor adadʰā uktʰyaṃ vaca iti
Sentence: 9    dvayor hy etat tr̥tīyaṃ cʰadir adʰinidʰīyata
Sentence: 10    uktʰyaṃ vaca iti yad āha, yajñiyaṃ vai karmoktʰyaṃ vaco,
   yajñam evaitena samardʰayati
Sentence: 11    yatasrucā mitʰuuā yā saparyataḥ \ asaṃyatto vrate te kṣeti puṣyatīti
Sentence: 12    yad evādaḥ pūrvaṃ yattavat padam āha tad evaitena śāntyā śamayati
Sentence: 13    bʰadrā śaktir yajamānāya sunvata ity āśiṣam āśāste
Sentence: 14    viśvā rūpāṇi prati muñcate kavir iti viśvarūpām anvāha
Sentence: 15    sa rarāṭyām īkṣamāṇo 'nubrūyād
Sentence: 16    viśvam iva hi rūpaṃ rarāṭyāḥ śuklam iva ca kr̥ṣṇam iva ca
Sentence: 17    viśvaṃ rūpam avarunddʰa ātmane ca yajamānāya ca yatraivaṃ
   vidvān etāṃ rarāṭyām īkṣamāṇo 'nvāha
Sentence: 18    pari tvā girvaṇo gira ity uttamayā paridadʰāti
Sentence: 19    sa yadaiva havirdʰāne sampariśrite manyetātʰa paridadʰyād
Sentence: 20    anagnambʰāvukā ha hotuś ca yajamānasya ca bʰāryā bʰavanti yatraivaṃ
   vidvān etayā havirdʰānayoḥ sampariśritayoḥ paridadʰāti
Sentence: 21    yajuṣā vā ete ՚1 pariśrīyete yad dʰavirdʰāne,
   yajuṣaivaine etat pariśrayanti
Sentence: 22    tau yadaivādʰvaryuś ca pratiprastʰātā cobʰayato metʰyau
   nihanyātām atʰa paridadʰyād
Sentence: 23    atra hi te sampariśrite bʰavatas
Sentence: 24    tā etā aṣṭāv anvāha rūpasamr̥ddʰā. etad vai yajñasya samr̥ddʰaṃ
   yad rūpasamr̥ddʰaṃ, yat karma kriyamāṇam r̥g abʰivadati.
   tāsāṃ triḥ pratʰamām anvāha trir uttamāṃ, tā dvādaśa sampadyante:
   dvādaśa vai māsāḥ saṃvatsaraḥ, saṃvatsaraḥ Prajāpatiḥ.
   prajāpatyāyatanābʰir evābʰī rādʰnoti ya evaṃ veda.
   triḥ pratʰamāṃ trir uttamām anvāha,
   yajñasyaiva tad barsau nahyati stʰemne balāyāvisraṃsāya



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.