TITUS
Rg-Veda: Aitareya-Brahmana
Part No. 30
Previous part

Paragraph: 30 


Sentence: 1    Agnīṣomābʰyām praṇīyamānābʰyām anubrūhīty āhādʰvaryuḥ
Sentence: 2    sāvīr hi deva pratʰamāya pitra iti sāvitrīm anvāha
Sentence: 3    tad āhur:
   yad Agnīṣomābʰyām praṇīyamānābʰyām anu vācāhātʰa
   kasmāt sāvitrīm anvāheti. Savitā vai prasavānām īśe,
   savitr̥prasūtā evainau tat praṇayanti. tasmāt sāvitrīm anvāha
Sentence: 4    praitu brahmaṇas patir iti brāhmaṇaspatyām anvāha
Sentence: 5    tad āhur:
   yad Agnīṣomābʰyām praṇīyamānābʰyām anu vācāhātʰa
   kasmād brāhmaṇaspatyām anvāheti. brahma vai Br̥haspatir,
   brahmaivābʰyām etat purogavam ՚1 akaḥ, ՚1 na vai brahmaṇvad riṣyati
Sentence: 6    pra devy etu sūnr̥teti. sasūnr̥tam eva tad yajñaṃ karoti.
   tasmād brāhmaṇaspatyām anvāha
Sentence: 7    hotā devo amartya iti
   tr̥cam āgneyaṃ gāyatram anvāha some rājani praṇiyamāne
Sentence: 8    somaṃ vai rājānam praṇīyamānam antareṇaiva sadohavirdʰānāny
   asurā rakṣāṃsy ajigʰāṃsaṃs, tam Agnir māyayātyanayat
Sentence: 9    purastād eti māyayeti. māyayā hi sa tam atyanayat,
   tasmād v asyāgnim purastād dʰaranty
Sentence: 10    upa tvāgne dive-diva, upa priyam panipnatam iti tisraś caikāṃ cānvāhe
Sentence: 11    śvarau ha vā etau saṃyantau yajamānaṃ hiṃsitor yaś cāsau
   pūrva uddʰr̥to bʰavati, yam u cainam aparam praṇayanti. tad yat tisraś
   caikāṃ cānvāha saṃjānānāv evainau tat saṃgamayati, pratiṣṭhāyām evainau
   tat pratiṣṭhāpayaty, ātmanaś ca yajamānasya cahiṃsāyā
Sentence: 12    agne juṣasva prati harya tad vaca ity āhutyāṃ hūyamānāyām anvāhā/gnaya
Sentence: 13    eva taj juṣṭim āhutiṃ gamayati
Sentence: 14    somo jigāti gātuvid iti
   tr̥caṃ saumyaṃ gāyatram anvāha some rājani praṇīyamāne,
   svayaivainaṃ tad devatayā svena cʰandasā samardʰayati
Sentence: 15    somaḥ sadʰastʰam āsadad ity. āsatsyan hi sa tarhi bʰavati
Sentence: 16    tad atikramyaivānubrūyāt pr̥ṣṭhata ivāgnīdʰraṃ kr̥tvā
Sentence: 17    tam asya rājā varuṇas tam aśvineti vaiṣṇavīm anvāha
Sentence: 18    kratuṃ sacanta mārutasya vedʰasaḥ \ dādʰāra
   dakṣam uttamam aharvidaṃ vrajaṃ ca viṣṇuḥ sakʰivām̐ aporṇuta iti
Sentence: 19    Viṣṇur vai devānāṃ dvārapaḥ, sa evāsmā etad dvāraṃ vivr̥ṇoty
Sentence: 20    antaś ca prāgā aditir bʰavāsīti prapādyamāne 'nvāha
Sentence: 21    śyeno na yoniṃ sadanaṃ dʰiyā kr̥tam ity āsanne
Sentence: 22    hiraṇyayam āsadaṃ deva eṣatīti
Sentence: 23    hiraṇmayam iva ha vā eṣa etad devebʰyaś cʰadayati yat kr̥ṣṇājinaṃ
Sentence: 24    tasmād etām anvāhā/stabʰnād
Sentence: 25    dyām asuro viśvavedā iti vāruṇyā paridadʰāti
Sentence: 26    varuṇadevatyo vā eṣa tāvad yāvad upanaddʰo, yāvat pariśritāni prapadyate;
   svayaivainaṃ tad devatayā svena cʰandasā samardbayati
Sentence: 27    taṃ yady upa vā dʰāveyur abʰayaṃ vecʰerann evā vandasva
   varuṇam br̥hantam ity etayā paridadʰyād
Sentence: 28    yāvadbʰyo hābʰayam icʰati yāvadbʰyo hābʰayaṃ dʰyāyati,
   tāvadbʰyo hābʰayam bʰavati yatraivaṃ vidvān etayā paridadʰāti.
   tasmād evaṃ vidvān etayaiva paridadʰyāt
Sentence: 29    tā etāḥ saptadaśānvāha rūpasamr̥ddʰā. etad vai yajñasya samr̥ddʰaṃ
   yad rūpasamr̥ddʰaṃ, yat karma kriyamāṇam r̥g abʰivadati.
   tāsāṃ triḥ pratʰamām anvāha trir uttamāṃ, tā ekaviṃśatiḥ sampadyanta.
   ekaviṃso vai Prajāpatir:
   dvādaśa māsāḥ pañcartavas traya ime lokā,
   asāv āditya ekaviṃśa uttamā pratiṣṭhā
Sentence: 30    tad daivaṃ kṣatraṃ, sā śrīs, tad ādʰipatyaṃ, tad bradʰnasya viṣṭapaṃ,
   tat Prajāpater āyatanaṃ, tat svārājyam
Sentence: 31    r̥dʰnoty etam evaitābʰir ekaviṃśatyaikaviṃśatyā




Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.