TITUS
Rg-Veda: Aitareya-Brahmana
Part No. 31
Previous part

Chapter: 2 
pañcikā 2
Paragraph: 1 
adʰyāya 6, kʰaṇḍaḥ 1-10


Sentence: 1    yajñena vai devā ūrdʰvāḥ svargaṃ lokam āyaṃs.
   te 'bibʰayur:
   imaṃ no dr̥ṣṭvā manuṣyāś ca r̥ṣayaś cānuprajñāsyantīti.
   taṃ vai yūpenaivāyopayaṃs, taṃ yad yūpenaivāyopayaṃs tad yūpasya yūpatvaṃ.
   tam avācīnāgraṃ nimityordʰvā udāyaṃs.
   tato vai manuṣyāś ca r̥ṣayaś ca devānāṃ yajñavāstv abʰyāyan:
   yajñasya kiṃcid eṣiṣyāmaḥ prajñātyā iti.
   te vai yūpam evāvindann avācīnāgraṃ nimitaṃ.
   te 'vidur:
   anena vai devā yajñam ayūyupann iti.
   tam utkʰāyordʰvaṃ nyaminvaṃs,
   tato vai te pra yajñam ajānan pra svargaṃ lokaṃ
Sentence: 2    tad yad yūpa ūrdʰvo nimīyate,
   yajñasya prajñātyai svargasya lokasyānukʰyātyai
Sentence: 3    vajro vā eṣa yad yūpaḥ, so 'ṣṭāśriḥ kartavyo. 'ṣṭāśrir vai vajras.
   taṃ-tam praharati dviṣate bʰrātr̥vyāya vadʰaṃ,
   yo 'sya str̥tyas tasmai startavai
Sentence: 4    vajro vai yūpaḥ, sa eṣa dviṣato vadʰa udyatas tiṣṭhati.
   tasmād dʰāpy etarhi yo dveṣṭi tasyāpriyam bʰavaty amuṣyāyaṃ yūpo
   'muṣyāyaṃ yūpa iti dr̥ṣṭvā
Sentence: 5    kʰādiraṃ yūpaṃ kurvīta svargakāmaḥ.
   kʰādireṇa vai yūpena devāḥ svargaṃ lokam ajayaṃs,
   tatʰaivaitad yajamānaḥ kʰādireṇa yūpena svargaṃ lokaṃ jayati
Sentence: 6    bailvaṃ yūpaṃ kurvītānnādyakāmaḥ puṣṭikāmaḥ.
   samāṃ-samāṃ vai bilvo gr̥bʰītas, tad annādyasya rūpam;
   ā mūlāc cʰākʰābʰir anucitas, tat puṣṭeḥ
Sentence: 7    puṣyati prajāṃ ca paśūṃś ca ya evaṃ vidvān bailvaṃ yūpaṃ kurute
Sentence: 8    yad eva bailvā+m \ bilvaṃ jyotir iti vā ācakṣate
Sentence: 9    jyotiḥ sveṣu bʰavati, śreṣṭhaḥ svānām bʰavati ya evaṃ veda
Sentence: 10    pālāśaṃ yūpaṃ kurvīta tejaskāmo brahmavarcasakāmas.
   tejo vai brahmavarcasaṃ vanaspatīnām palāśas
Sentence: 11    tejasvī brahmavarcasī bʰavati ya evaṃ vidvān pālāśaṃ yūpaṃ kurute
Sentence: 12    yad eva pālāśā+m \ sarveṣāṃ vā eṣa vanaspatīnāṃ yonir yat palāśas.
   tasmāt palāśasyaiva palāśenācakṣate, 'muṣya palāśam amuṣya palāśam iti
Sentence: 13    sarveṣāṃ hāsya vanaspatīnāṃ kāma upāpto bʰavati ya evaṃ veda



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.