TITUS
Rg-Veda: Aitareya-Brahmana
Part No. 115
Previous part

Paragraph: 44 


Sentence: 1    yo vā eṣa tapaty eṣo 'gniṣṭoma, eṣa sāhnas.
   taṃ sahaivāhnā saṃstʰāpayeyuḥ, sāhno vai nāma
Sentence: 2    tena saṃtvaramānās careyur, yatʰaiva prātaḥsavana evam,
   mādʰyaṃdina evaṃ tr̥tīyasavana.
   evam u ha yajamāno 'pramāyuko bʰavati
Sentence: 3    yad dʰa vā idam pūrvayoḥ savanayor asaṃtvaramāṇāś caranti,
   tasmād dʰedam prācyo grāmatā bahulāviṣṭā.
   atʰa yad dʰedaṃ tr̥tīyasavane saṃtvaramāṇaś caranti,
   tasmād dʰedam pratyañci dīrgʰāraṇyāni bʰavanti.
   tatʰā ha yajamānaḥ pramāyuko bʰavati
Sentence: 4    tenāsaṃtvaramāṇāś careyur,
   yatʰaiva prātaḥsavana evam mādʰyaṃdina evaṃ tr̥tīyasavana.
   evam u ha yajamāno 'pramāyuko bʰavati
Sentence: 5    sa etam eva śastreṇānuparyāvarteta.
   yadā vā eṣa prātar udety, atʰa mandraṃ tapati:
   tasmān mandrayā vācā prātaḥsavane śāṃsed.
   atʰa yadābʰyety, atʰa balīyas tapati:
   tasmād balīyasyā vācā madʰyaṃdine śaṃsed.
   atʰa yadābʰitarām ety, atʰa baliṣṭhatamaṃ tapati:
   tasmād baliṣṭhatamayā vācā tr̥tīyasavane śaṃsed.
   evaṃ śaṃsed yadi vāca īśīta, vāg gʰi śastraṃ.
   yayā tu vācottarottariṇyotsaheta samāpanāya,
   tayā pratipadyetaitat suśastatamam iva bʰavati
Sentence: 6    sa vā eṣa na kadā canāstam eti nodeti
Sentence: 7    taṃ yad astam etīti manyante,
   'hna eva tad antam itvātʰātmānaṃ viparyasyate,
   rātrīm evāvastāt kurute 'haḥ parastād
Sentence: 8    atʰa yad enam prātar udetīti manyante,
   rātrer eva tad antam itvātʰātmānaṃ viparyasyate,
   'har evāvastāt kurute rātrīm parastāt
Sentence: 9    sa vā eṣa na kadā cana nimrocati
Sentence: 10    na ha vai kadā cana nimrocaty,
   etasya ha sāyujyaṃ sarūpatām salokatām aśnute ya evaṃ veda ya evaṃ veda



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.