TITUS
Rg-Veda: Aitareya-Brahmana
Part No. 121
Previous part

Paragraph: 50 


Sentence: 1    te vā asurā maitrāvaruṇasyoktʰam aśrayanta.
   so 'bravīd Indrah:
   kaś cāhaṃ cemān ito 'surān notsyāvahā ity.
   ahaṃ cety abravīd Varuṇas.
   tasmād aindrāvaruṇam maitrāvaruṇas tr̥tīyasavane śaṃsatīndraś ca
   hi tān Varuṇaś ca tato 'nudetāṃ
Sentence: 2    te vai tato 'pahatā asurā brāhmanāccʰaṃsina uktʰam aśrayanta.
   so 'bravīd Indraḥ:
   kaś cāhaṃ cemān ito 'surān notsyāvahā ity.
   ahaṃ cety abravīd Br̥haspatis.
   tasmād aindrābārhaspatyam brāhmaṇāccʰaṃsī tr̥tīyasavane śaṃsatīndras ca
   hi tān Br̥haspatiś ca tato 'nudetāṃ
Sentence: 3    te vai tato 'pahatā asurā acʰāvākasyoktʰam aśrayanta.
   so 'bravīd Indraḥ:
   kaś cāhaṃ cemān ito 'surān notsyāvahā ity.
   ahaṃ cety abravīd Viṣnus.
   tasmād aindrāvaiṣṇavam acʰāvākas tr̥tīyasavane śaṃsatīndraś ca
   hi tān Viṣṇuś ca tato 'nudetāṃ
Sentence: 4    dvandvam Indreṇa devatāḥ śasyante.
   dvandvaṃ vai mitʰunaṃ, tasmād dvandvān mitʰunam prajāyate prajātyai
Sentence: 5    prajāyate prajayā paśubʰir ya evaṃ vedā/tʰa
Sentence: 6    haite potrīyāś ca neṣṭrīyāś ca catvāra r̥tuyājāḥ, ṣaḷ r̥caḥ:
   sā virāḍ daśinī.
   tad virāji yajñaṃ daśinyām pratiṣṭhāpayanti pratiṣṭhāpayanti




Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.