TITUS
Rg-Veda: Rg-Veda-Samhita
Part No. 11
Previous part

Hymn: 11 
Verse: 1 
Halfverse: a    índraṃ víśvā avīvr̥dʰan samudrávyacasaṃ gíraḥ /
   índraṃ víśvā avīvr̥dʰan
   índram víśvāḥ avīvr̥dʰan
   índraṃ víśvā avīvr̥dʰan

Halfverse: b    samudrávyacasaṃ gíraḥ /
   samudrávyacasam gíraḥ /
   samudrávyacasaṃ gíraḥ /

Halfverse: c    ratʰī́tamaṃ ratʰī́nāṃ vā́jānāṃ sátpatim pátim //
   ratʰī́tamaṃ ratʰī́nāṃ
   ratʰī́tamam ratʰī́nām
   ratʰī́tamaṃ ratʰī́nãaṃ

Halfverse: d    vā́jānāṃ sátpatim pátim //
   vā́jānām sátpatim pátim //
   vā́jānāṃ sátpatim pátim //


Verse: 2 
Halfverse: a    sakʰyé ta indra vājíno mā́ bʰema śavasas pate /
   sakʰyé ta indra vājíno
   sakʰyé te indra vājínaḥ
   sakʰyé ta indra vājíno

Halfverse: b    mā́ bʰema śavasas pate /
   mā́ bʰema śavasaḥ pate /
   mā́ bʰema śavasas pate /

Halfverse: c    tvā́m abʰí prá ṇonumo jétāram áparājitam //
   tvā́m abʰí prá ṇonumo
   tvā́m abʰí prá nonumaḥ
   tuvā́m abʰí prá ṇonumo

Halfverse: d    jétāram áparājitam //
   jétāram áparājitam //
   jétāram áparājitam //


Verse: 3 
Halfverse: a    pūrvī́r índrasya rātáyo ná ví dasyanty ūtáyaḥ /
   pūrvī́r índrasya rātáyo
   pūrvī́ḥ índrasya rātáyaḥ
   pūrvī́r índrasya rātáyo

Halfverse: b    ná ví dasyanty ūtáyaḥ /
   ná ví dasyanti ūtáyaḥ /
   ná ví dasyanti ūtáyaḥ /

Halfverse: c    yádī vā́jasya gómata stotŕ̥bʰyo máṃhate magʰám //
   yádī vā́jasya gómata
   yádi+ vā́jasya gómataḥ
   yádī vā́jasya gómata

Halfverse: d    stotŕ̥bʰyo máṃhate magʰám //
   stotŕ̥bʰyaḥ máṃhate magʰám //
   stotŕ̥bʰyo máṃhate magʰám //


Verse: 4 
Halfverse: a    purā́m bʰindúr yúvā kavír ámitaujā ajāyata /
   purā́m bʰindúr yúvā kavír
   purā́m bʰindúḥ yúvā kavíḥ
   purā́m bʰindúr yúvā kavír

Halfverse: b    ámitaujā ajāyata /
   ámitaujāḥ ajāyata /
   ámitaujā ajāyata /

Halfverse: c    índro víśvasya kármaṇo dʰartā́ vajrī́ puruṣṭutáḥ //
   índro víśvasya kármaṇo
   índraḥ víśvasya kármaṇaḥ
   índro víśvasya kármaṇo

Halfverse: d    dʰartā́ vajrī́ puruṣṭutáḥ //
   dʰartā́ vajrī́ puruṣṭutáḥ //
   dʰartā́ vajrī́ puruṣṭutáḥ //


Verse: 5 
Halfverse: a    tváṃ valásya gómató 'pāvar adrivo bílam /
   tváṃ valásya gómató
   tvám valásya gómataḥ
   tuváṃ valásya gómato

Halfverse: b    'pāvar adrivo bílam /
   ápa āvar adrivaḥ bílam /
   ápāvar adrivo bílam /

Halfverse: c    tvā́ṃ devā́ ábibʰyuṣas tujyámānāsa āviṣuḥ //
   tvā́ṃ devā́ ábibʰyuṣas
   tvā́m devā́ḥ ábibʰyuṣaḥ
   tuvā́ṃ devā́ ábibʰyuṣas

Halfverse: d    tujyámānāsa āviṣuḥ //
   tujyámānāsaḥ āviṣuḥ //
   tujyámānāsa āviṣuḥ //


Verse: 6 
Halfverse: a    távāháṃ śūra rātíbʰiḥ práty āyaṃ síndʰum āvádan /
   távāháṃ śūra rātíbʰiḥ
   táva ahám śūra rātíbʰiḥ
   távāháṃ śūra rātíbʰiḥ

Halfverse: b    práty āyaṃ síndʰum āvádan /
   práti āyam síndʰum āvádan /
   práty āyaṃ síndʰum āvádan /

Halfverse: c    úpātiṣṭʰanta girvaṇo vidúṣ ṭe tásya kārávaḥ //
   úpātiṣṭʰanta girvaṇo
   úpa atiṣṭʰanta girvaṇaḥ
   úpātiṣṭʰanta girvaṇo

Halfverse: d    vidúṣ ṭe tásya kārávaḥ //
   vidúḥ te tásya kārávaḥ //
   vidúṣ ṭe tásya kārávaḥ //


Verse: 7 
Halfverse: a    māyā́bʰir indra māyínaṃ tváṃ śúṣṇam ávātiraḥ /
   māyā́bʰir indra māyínaṃ
   māyā́bʰiḥ indra māyínam
   māyā́bʰir indra māyínaṃ

Halfverse: b    tváṃ śúṣṇam ávātiraḥ /
   tvám śúṣṇam áva atiraḥ /
   tuváṃ śúṣṇam ávātiraḥ /

Halfverse: c    vidúṣ ṭe tásya médʰirās téṣāṃ śrávāṃsy út tira //
   vidúṣ ṭe tásya médʰirās
   vidúḥ te tásya médʰirāḥ
   vidúṣ ṭe tásya médʰirās

Halfverse: d    téṣāṃ śrávāṃsy út tira //
   téṣām śrávāṃsi út tira //
   téṣāṃ śrávāṃsi út tira //


Verse: 8 
Halfverse: a    índram ī́śānam ójasābʰí stómā anūṣata /
   índram ī́śānam ójasā_
   índram ī́śānam ójasā
   índram ī́śānam ójasā

Halfverse: b    _abʰí stómā anūṣata /
   abʰí stómāḥ anūṣata /
   abʰí stómā anūṣata /

Halfverse: c    sahásraṃ yásya rātáya utá vā sánti bʰū́yasīḥ //
   sahásraṃ yásya rātáya
   sahásram yásya rātáyaḥ
   sahásraṃ yásya rātáya

Halfverse: d    utá vā sánti bʰū́yasīḥ //
   utá vā sánti bʰū́yasīḥ //
   utá vā sánti bʰū́yasīḥ //


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.