TITUS
Sama-Veda: Gobhila-Grhyasutra
Part No. 20
Previous part

Chapter: 3 
Paragraph: 1 
Verse: 1    atʰā 'taḥ ṣoḍaśe varṣe godānam.
Verse: 2    cūḍākaraṇena keśāntakaraṇaṃ vyākʰyātam;
Verse: 3    brahmacārī keśāntān kārayate,
Verse: 4    sarvāṇy aṅgalomāni saṃhārayate.
Verse: 5    gomitʰunaṃ dakṣiṇā brāhmaṇasya,
Verse: 6    aśvamitʰunaṃ kṣatriyasya,
Verse: 7    avimitʰunaṃ vaiśyasya,
Verse: 8    gaur vai 'va sarveṣām.
Verse: 9    ajaḥ keśapratigrāhāya.
Verse: 10    - upanayanenai 'vo 'panayanaṃ vyākʰyātam;
Verse: 11    na tv ihā 'hataṃ vāso niyuktam,
Verse: 12    nā 'laṅkāraḥ.
Verse: 13    nā 'cariṣyantaṃ saṃvatsaram upanayet.
Verse: 14    vārkṣaṃ cā 'smai daṇḍaṃ prayaccʰann ādiśati:
Verse: 15    ācāryādʰīno bʰavā 'nyatrā 'dʰarmacaraṇāt;
Verse: 16    krodʰānr̥te varjaya,
Verse: 17    maitʰunam,
Verse: 18    upariśayyām,
Verse: 19    kauśīlavagandʰāñjanāni,
Verse: 20    snānam,
Verse: 21    avalekʰana-dantaprakṣālana-pādaprakṣālanāni,
Verse: 22    kṣurakr̥tyam,
Verse: 23    madʰumām̐se,
Verse: 24    goyuktārohaṇam,
Verse: 25    antar grāma upānahor dʰāraṇam,
Verse: 26    svayamindriyamocanam iti.
Verse: 27    mekʰalādʰāraṇa-bʰaikṣacarya-daṇḍadʰāraṇa-samidādʰāno-'dakopasparśana- -prātarabʰivādā ity ete nityadʰarmāḥ.
Verse: 28    godānika-vrātikā-''dityavratau-'paniṣada-jyaiṣṭhasāmikāḥ saṃvatsarāḥ:
Verse: 29    teṣu sāyaṃprātar udakopasparśanam.
Verse: 30    ādityavrataṃ tu na caranty eke;
Verse: 31    ye caranty ekavāsaso bʰavanti,
Verse: 32    ādityaṃ ca nā 'ntardadʰate 'nyatra vr̥kṣaśaraṇābʰyām,
Verse: 33    nā 'po 'bʰyavayanty ūrdʰvaṃ jānubʰyām aguruprayuktāḥ.-

Next part


This text is part of the TITUS edition of Sama-Veda: Gobhila-Grhyasutra.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.