TITUS
Sama-Veda: Gobhila-Grhyasutra
Part No. 21
Previous part

Paragraph: 2 
Verse: 1    dvādaśa mahānāmnikāḥ saṃvatsarāḥ,
Verse: 2    nava ṣaṭ trayaḥ
Verse: 3    iti vikalpaḥ
Verse: 4    saṃvatsaram apy eke.
Verse: 5    vrataṃ tu bʰūyaḥ,
Verse: 6    pūrvaiś cec cʰrutā mahānāmnyaḥ;
Verse: 7    atʰā 'pi raurukibrāhmaṇaṃ bʰavati:
Verse: 8    kumārān ha sma vai mātaraḥ pāyayamānā āhuḥ
Verse: 9    śakvarīṇāṃ, putrakā, vrataṃ pārayiṣṇavo bʰavate 'ti.
Verse: 10    - tāsv anusavanam udakopasparśanam;
Verse: 11    nā 'nupaspr̥śya bʰojanaṃ prātaḥ,
Verse: 12    sāyam upaspr̥śyā 'bʰojanam ā samidādʰānāt;
Verse: 13    kr̥ṣṇavastraḥ,
Verse: 14    kr̥ṣṇabʰakṣaḥ,
Verse: 15    ācāryādʰīnaḥ,
Verse: 16    apantʰadāyī,
Verse: 17    tapasvī,
Verse: 18    tiṣṭhed divā,
Verse: 19    āsīta naktam;
Verse: 20    varṣati ca, no 'pasarpec cʰannam;
Verse: 21    varṣantaṃ brūyād āpaḥ śakvarya iti;
Verse: 22    vidyotamānaṃ brūyād evaṃrūpāḥ kʰalu śakvaryo bʰavantī 'ti;
Verse: 23    stanayantaṃ brūyān mahyā mahān gʰoṣa iti.
Verse: 24    na sravantīm atikrāmed anupaspr̥śan;
Verse: 25    na nāvam ārohet,
Verse: 26    prāṇasaṃśaye tū 'paspr̥śyā ''rohet:
Verse: 27    tatʰā pratyavaruhya.
Verse: 28    udakasādʰavo hi mahānāmnya iti.-
Verse: 29    evaṃ kʰalu carataḥ kāmavarṣī parjanyo bʰavati.
Verse: 30    aniyamo vā kr̥ṣṇa-stʰānā-''sana-pantʰa-bʰakṣeṣu.-
Verse: 31    tr̥tīye carite stotrīyām anugāpayet;
Verse: 32    evam itare stotrīye,
Verse: 33    sarvā vā 'nte sarvasya.
Verse: 34    upoṣitāya saṃmīlitāyā 'nugāpayet -
Verse: 35    kam̐sam apāṃ pūrayitvā, sarvauṣadʰīḥ kr̥tvā, hastāv avadʰāya pradakṣiṇam ācāryo 'hatena vasanena pariṇahyet.-
Verse: 36    pariṇahanānte vā 'nugāpayet.
Verse: 37    pariṇaddʰo vāgyato na bʰuñjīta trirātram ahorātrau vā,
Verse: 38    api vā 'raṇye tiṣṭhed ā 'stamayāt.
Verse: 39    śvo bʰūte 'raṇye 'gnim upasamādʰāya, vyāhr̥tibʰir hutvā, 'tʰai 'nam avekṣayet:
Verse: 40    agnim ājyam ādityaṃ brahmāṇam anaḍvāham annam apo dadʰī 'ti.
Verse: 41    svar abʰivyakʰyaṃ, jyotir abʰivyakʰyam iti;
Verse: 42    evaṃ triḥ sarvāṇi.
Verse: 43    śāntiṃ kr̥tvā gurum abʰivādayate:
Verse: 44    so 'sya vāgvisargaḥ
Verse: 45    - anaḍvān kam̐so vāso vara iti dakṣiṇāh:
Verse: 46    pratʰame vikalpaḥ;
Verse: 47    āccʰādayed gurum ity eke.
Verse: 48    aindraḥ stʰālīpākas: tasya juhuyād r̥caṃ sāma yajāmaha ity etaya rcā, sadasas patim adbʰutam iti vo 'bʰābʰyāṃ vā;
Verse: 49    anupravacanīyeṣv evam.
Verse: 50    sarvatrā 'cāriṣaṃ, tad aśakaṃ, tenā 'rātsam, upāgām iti mantraviśeṣaḥ.
Verse: 51    āgneye 'ja, aindre meṣo, gauḥ pāvamāne parvadakṣiṇāḥ
Verse: 52    - pratyetyā ''cāryaṃ sapariṣatkaṃ bʰojayet
Verse: 53    sabrahmacāriṇaś co 'pasametān.
Verse: 54    - jyeṣṭhasāmno mahānāmnikenai 'vā 'nugāpanakalpo vyākʰyātaḥ.
Verse: 55    tatrai 'tāni nityavratāni bʰavanti:
Verse: 56    na śūdrām upeyāt,
Verse: 57    na pakṣimām̐saṃ bʰuñjīta,
Verse: 58    ekadʰānyam ekadeśam ekavastraṃ ca varjayet,
Verse: 59    uddʰr̥tābʰir adbʰir upaspr̥śet;
Verse: 60    ādeśanāt prabʰr̥ti na mr̥ṇmaye 'śnīyāt,
Verse: 61    na pibet,
Verse: 62    - śravaṇād ity eke.

Next part


This text is part of the TITUS edition of Sama-Veda: Gobhila-Grhyasutra.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.