TITUS
Sama-Veda: Gobhila-Grhyasutra
Part No. 24
Previous part

Paragraph: 5 
Verse: 1    ata ūrdʰvaṃ vr̥ddʰaśīlī syād iti samastoddeśaḥ.
Verse: 2    tatrai 'tāny ācāryāḥ parisaṃcakṣate:
Verse: 3    nā 'jātalomnyo 'pahāsam iccʰet,
Verse: 4    nā 'yugvā,
Verse: 5    na rajasvalayā,
Verse: 6    na samānarṣyā;
Verse: 7    nā 'parayā dvārā prapannam annaṃ bʰuñjīta,
Verse: 8    na dviḥpakvam,
Verse: 9    na paryuṣitam
Verse: 10    anyatra śāka-mām̐sa-yava-piṣṭavikārebʰyaḥ;
Verse: 11    na varṣati dʰāvet,
Verse: 12    no 'pānahau svayaṃ haret,
Verse: 13    no 'dapānam avekṣet,
Verse: 14    na pʰalāni svayaṃ pracinvīta;
Verse: 15    nā 'gandʰāṃ srajaṃ dʰārayet
Verse: 16    anyāṃ hiraṇyasrajaḥ,
Verse: 17    na māloktām
Verse: 18    srag iti vācayet;
Verse: 19    bʰadram ity etāṃ vr̥tʰāvācaṃ pariharet,
Verse: 20    mandram iti brūyāt.
Verse: 21    - tatrai 'te trayaḥ snātakā bʰavanti:
Verse: 22    vidyāsnātako vratasnātako vidyāvratasnātaka iti;
Verse: 23    teṣām uttamaḥ śreṣṭhas, tulyau pūrvau.
Verse: 24    - nā ''rdraṃ paridadʰīta,
Verse: 25    nai 'kaṃ paridadʰīta;
Verse: 26    na manuṣyasya stutiṃ prayuñjīta,
Verse: 27    nā 'dr̥ṣṭaṃ dr̥ṣṭato bruvīta,
Verse: 28    nā 'śrutaṃ śrutataḥ;
Verse: 29    svādʰyāyavirodʰino 'rtʰān utsr̥jet,
Verse: 30    tailapātram ivā ''tmānaṃ didʰārayiṣet;
Verse: 31    na vr̥kṣam ārohet;
Verse: 32    na pratisāyaṃ grāmāntaraṃ vrajet,
Verse: 33    nai 'kaḥ,
Verse: 34    na vr̥ṣalaiḥ saha;
Verse: 35    na kāsr̥tyā grāmaṃ praviśet
Verse: 36    na cā 'nanucaraś caret:
Verse: 37    etāni samāvr̥ttavratāni,
Verse: 38    yāni ca śiṣṭā vidadʰyuḥ.

Next part


This text is part of the TITUS edition of Sama-Veda: Gobhila-Grhyasutra.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.