TITUS
Sama-Veda: Gobhila-Grhyasutra
Part No. 27
Previous part

Paragraph: 8 
Verse: 1    āśvayujyāṃ paurṇamāsyāṃ pr̥ṣātake pāyasaś carū raudraḥ:
Verse: 2    tasya juhuyād ā no mitrāvaruṇe 'ti pratʰamāṃ, mā nas toka iti dvitīyām,
Verse: 3    gonāmabʰiś ca pr̥tʰak kāmyā 'sī 'ty etatprabʰr̥tibʰiḥ;
Verse: 4    stʰālīpākāvr̥tā 'nyat.
Verse: 5    pr̥ṣātakaṃ pradakṣiṇam agniṃ paryāṇīya, brāhmaṇān avekṣayitvā svayam avekṣeta: tac cakṣur devahitaṃ purastāc cʰukram uccarat; paśyema śaradaḥ śataṃ, jīvema śaradaḥ śatam iti.
Verse: 6    brāhmaṇān bʰojayitvā, svayaṃ bʰuktvā jātuṣān maṇīn sarvauṣadʰimiśrān ābadʰnīran svastyayanārtʰam.
Verse: 7    sāyaṃ gāḥ pr̥ṣātakaṃ prāśayitvā sahavatsā vāsayeta;
Verse: 8    svasti hā ''sāṃ bʰavati.
Verse: 9    - navayajñe pāyasaś carur aindrāgnaḥ:
Verse: 10    tasya mukʰyāṃ havirāhutiṃ hutvā catasr̥bʰir ājyāhutibʰir abʰijuhoti śatāyudʰāye 'ty etatprabʰr̥tibʰiḥ;
Verse: 11    stʰālīpākāvr̥tā 'nyat.
Verse: 12    haviruccʰiṣṭaśeṣaṃ prāśayed, yāvanta upetāḥ syuḥ:
Verse: 13    sakr̥d apām upastīrya dviś caror avadyati,
Verse: 14    trir bʰr̥gūṇām,
Verse: 15    apāṃ cai 'vo 'pariṣṭāt:
Verse: 16    asaṃsvādaṃ nigired bʰadrān naḥ śreya iti,
Verse: 17    evaṃ triḥ,
Verse: 18    tūṣṇīṃ caturtʰam;
Verse: 19    bʰūya evā 'vadāya,
Verse: 20    kāmaṃ tatra saṃsvādayeran.
Verse: 21    ācāntodakāḥ pratyabʰimr̥śeran: mukʰaṃ śiro 'ṅgānī 'ty anulomam, amo 'sī 'ti.
Verse: 22    - etayai 'vā ''vr̥tā śyāmākayavānām;
Verse: 23    agniḥ prāśnātu pratʰama iti śyāmākānām,
Verse: 24    etam u tyaṃ madʰunā saṃyutaṃ yavam iti yavānām.

Next part


This text is part of the TITUS edition of Sama-Veda: Gobhila-Grhyasutra.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.