TITUS
Sama-Veda: Gobhila-Grhyasutra
Part No. 28
Previous part

Paragraph: 9 
Verse: 1    āgrahāyaṇyāṃ baliharaṇam:
Verse: 2    tat śrāvaṇenai 'va vyākʰyātam;
Verse: 3    namaḥ pr̥tʰivyā ity etaṃ mantraṃ na japati.
Verse: 4    - atʰa pūrvāhṇa eva, prātarāhutiṃ hutvā, darbʰān śamīṃ vīraṇāṃ pʰalavatīm apāmārgaṃ śirīṣam ity etāny āhārayitvā, tūṣṇīm akṣatasaktūnām agnau kr̥tvā, brāhmaṇān svastivācyai, 'taiḥ sambʰāraiḥ pradakṣiṇam agnyāgārāt prabʰr̥ti dʰūmaṃ śātayan gr̥hān anuparīyāt;
Verse: 5    utsr̥jet kr̥tārtʰān sambʰārān.
Verse: 6    - jātaśilāsu maṇikaṃ pratiṣṭhāpayati vāstoṣ pata ity etena dvikena sarcena;
Verse: 7    dvāv udakumbʰau maṇika āsiñcet sam anyā yantī 'ti etaya rcā.
Verse: 8    - pradoṣe pāyasaś caruḥ:
Verse: 9    tasya juhuyāt pratʰamā ha vy uvāsa se 'ti;
Verse: 10    stʰālīpākāvr̥tā 'nyat.
Verse: 11    paścād agner barhiṣi nyañcau pāṇī pratiṣṭhāpya prati kṣatra ity etā vyāhr̥tīr japati.
Verse: 12    paścād agneḥ svastaram āstārayet,
Verse: 13    udagagrais tr̥ṇaiḥ,
Verse: 14    udakpravaṇam;
Verse: 15    tasminn ahatāny āstaraṇāny āstīrya dakṣiṇato gr̥hapatir upaviśati,
Verse: 16    anantarā avare yatʰājyeṣṭham
Verse: 17    anantarāś ca bʰāryāḥ sajātāḥ.
Verse: 18    samupaviṣṭeṣu gr̥hapatiḥ svastare nyañcau pāṇī pratiṣṭhāpya syonā pr̥tʰivi no bʰave 'ty etām r̥caṃ japati.
Verse: 19    samāptāyāṃ saṃviśanti dakṣiṇaiḥ pārśvaiḥ;
Verse: 20    evaṃ trir abʰyātmam āvr̥tya,
Verse: 21    svastyayanāni prayujya yatʰājñānam
Verse: 22    - ariṣṭaṃ sāmasaṃyogam eke,
Verse: 23    apa upaspr̥śya, yatʰārtʰam.

Next part


This text is part of the TITUS edition of Sama-Veda: Gobhila-Grhyasutra.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.