TITUS
Sama-Veda: Gobhila-Grhyasutra
Part No. 29
Previous part

Paragraph: 10 
Verse: 1    aṣṭakā rātridevatā,
Verse: 2    puṣṭikarma;
Verse: 3    āgneyī pitryā vā prājāpatya rtudevatā vaiśvadevī 'ti devatāvicārāḥ.
Verse: 4    caturaṣṭako hemantaḥ,
Verse: 5    tāḥ sarvāḥ samām̐sāś cikīrṣet
Verse: 6    iti kautsaḥ;
Verse: 7    tryaṣṭaka ity audgāhamāniḥ,
Verse: 8    tatʰā gautamavārkakʰaṇḍī.
Verse: 9    - yo 'rdʰvam āgrahāyaṇyās tāmisrāṣṭamī, tām apūpāṣṭake 'ty ācakṣate.
Verse: 10    stʰālīpākāvr̥tā taṇḍulān upaskr̥tya caruṃ śrapayati,
Verse: 11    aṣṭau cā 'pūpān kapāle 'parivartayan,
Verse: 12    ekakapālān,
Verse: 13    amantrān ity audgāhamāniḥ,
Verse: 14    traiyambakapramāṇān;
Verse: 15    śr̥tān abʰigʰāryo, 'dag udvāsya pratyabʰigʰārayet.
Verse: 16    stʰālīpākāvr̥tā 'vadāya caroś cā 'pūpānāṃ cā 'ṣṭakāyai svāhe 'ti juhoti;
Verse: 17    stʰālīpākāvr̥tā 'nyat. -
Verse: 18    taiṣyā ūrdʰvam aṣṭamyāṃ gauḥ:
Verse: 19    tāṃ sandʰivelāsamīpaṃ purastād agner avastʰāpyo, 'pastʰitāyāṃ juhuyād yat paśavaḥ pra dʰyāyate 'ti;
Verse: 20    hutvā cā 'numantrayetā 'nu tvā mātā manyatām iti.
Verse: 21    yavamatībʰir adbʰiḥ prokṣed aṣṭakāyai tvā juṣṭāṃ prokṣāmī 'ti.
Verse: 22    ulmukena pariharet pari vājapatiḥ kavir iti.
Verse: 23    apaḥ pānāya dadyāt;
Verse: 24    pītaśeṣam adʰastāt paśor avasiñced āttam devebʰyo havir iti.
Verse: 25    atʰai 'nām udag utsr̥pya saṃjñapayanti,
Verse: 26    prākśirasam udakpadīṃ devadevatye,
Verse: 27    dakṣiṇāśirasaṃ pratyakpadīṃ pitr̥devatye.
Verse: 28    saṃjñaptāyāṃ juhuyād yat paśur māyum akr̥te 'ti;
Verse: 29    patnī co 'dakam ādāya paśoḥ sarvāṇi srotām̐si prakṣālayet.
Verse: 30    agreṇa nābʰiṃ pavitre antardʰāyā, 'nulomam ākr̥tya vapām uddʰaranti.
Verse: 31    tāṃ śākʰāviśākʰayoḥ kāṣṭhayor avasajyā, 'bʰyukṣya śrapayet;
Verse: 32    praścyutitāyāṃ viśasate 'ti brūyāt,
Verse: 33    yatʰā na prāg agner bʰūmiṃ śoṇitaṃ gaccʰet.
Verse: 34    śr̥tām abʰigʰāryo, 'dag udvāsya pratyabʰigʰārayet.
Verse: 35    stʰālīpākāvr̥tā vapām avadāya, sviṣṭakr̥dāvr̥tā vā, 'ṣṭakāyai svāhe 'ti juhoti;
Verse: 36    stʰālīpākāvr̥tā 'nyat stʰālīpākāvr̥tā 'nyat. -


{iti tr̥tīyaḥ prapāṭhakaḥ.}


Next part


This text is part of the TITUS edition of Sama-Veda: Gobhila-Grhyasutra.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.