TITUS
Sama-Veda: Jaiminiya-Upanisad-Brahmana
Part No. 8
Previous part

Paragraph: 8 

Verse: 1 
Sentence: a    prajāpatir vā idaṃ trayeṇa vedenājayad yad asyedaṃ jitaṃ tat /

Verse: 2 
Sentence: a    sa aikṣatettʰaṃ ced vā anye devā anena vedena yakṣyanta imāṃ vāva te jitiṃ jeṣyanti ye 'yam mama /

Verse: 3 
Sentence: a    hantemaṃ trayaṃ vedam pīḷayānīti /

Verse: 4 
Sentence: a    sa imaṃ trayaṃ vedam apīḷayat
Sentence: b    tasya pīḷayann ekam evākṣaraṃ nāśaknot pīḷayitum om iti yad etat /

Verse: 5 
Sentence: a    eṣa u ha vāva sarasaḥ
Sentence: b    sarasā ha vā evaṃvidas trayī vidyā bʰavati /

Verse: 6 
Sentence: a    sa imaṃ rasam pīḷayitvāpanidʰāyordʰvo 'dravat /

Verse: 7 
Sentence: a    taṃ dravantaṃ catvāro devānām anvapaśyann indraś candro rudras samudraḥ
Sentence: b    tasmād ete śreṣṭʰā devānām
Sentence: c    ete hy enam anvapaśyan /

Verse: 8 
Sentence: a    sa yo 'yaṃ rasa āsīt tad eva tapo 'bʰavat /

Verse: 9 
Sentence: a    ta imaṃ rasaṃ devā anvaikṣanta
Sentence: b    te 'bʰyapaśyant sa tapo vā abʰūd iti /

Verse: 10 
Sentence: a    imam u vai trayaṃ vedam marīmr̥śitvā tasminn etad evākṣaram apīḷitam avindann om iti yad etat /

Verse: 11 
Sentence: a    eṣa u ha vāva sarasaḥ
Sentence: b    tenainam prāyuvan
Sentence: c    yatʰā madʰunā lājān prayuyād evam /

Verse: 12 
Sentence: a    te 'bʰyatapyanta
Sentence: b    teṣāṃ tapyamānānām āpyāyata vedaḥ
Sentence: c    te 'nena ca tapasāpīnena ca vedena tām u eva jitim ajayan yām prajāpatir ajayat
Sentence: d    ta ete sarva eva prajāpatimātrā ayā3m ayā3m iti /

Verse: 13 
Sentence: a    tasmāt tapyamānasya bʰūyasī kīrtir bʰavati bʰūyo yaśaḥ
Sentence: b    sa ya etad evaṃ vedaivam evāpīnena vedena yajate
Sentence: c    yado yājayaty evam evāpīnena vedena yājayati /

Verse: 14 
Sentence: a    tasya haitasya naiva kā canārtir asti ya evaṃ veda
Sentence: b    sa ya evainam upavadati sa ārtim r̥ccʰati /
Sentence: c    dvitīye 'nuvāke pratʰamaḥ kʰaṇḍaḥ //


Next part


This text is part of the TITUS edition of Sama-Veda: Jaiminiya-Upanisad-Brahmana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.