TITUS
Sama-Veda: Jaiminiya-Upanisad-Brahmana
Part No. 9
Previous part

Paragraph: 9 

Verse: 1 
Sentence: a    tad āhur yad ovā ovā iti gīyate kvātrarg bʰavati kva sāmeti /

Verse: 2 
Sentence: a    om iti vai sāma vāg ity r̥k
Sentence: b    om iti mano vāg iti vāk
Sentence: c    om iti prāṇo vāg ity eva vāk
Sentence: d    om itīndro vāg iti sarve devāḥ
Sentence: e    tad etad indram eva sarve devā anuyanti /

Verse: 3 
Sentence: a    om ity etad evākṣaram
Sentence: b    etena vai saṃsave parasyendraṃ vr̥ñjīta
Sentence: c    etena ha vai tad bako dālbʰya ājakeśinām indraṃ vavarja
Sentence: d    om ity etenaivānināya /

Verse: 4 
Sentence: a    tāny etāny aṣṭau
Sentence: b    aṣṭākṣarā gāyatrī
Sentence: c    gāyatraṃ sāma brahma u gāyatrī
Sentence: d    tad u brahmābʰisampadyate
Sentence: e    aṣṭāśapʰāḥ paśavas teno paśavyam /

Verse: 5 
Sentence: a    tasyaitāni nāmānīndraḥ karmākṣitir amr̥taṃ vyomānto vācaḥ
Sentence: b    bahur bʰūyas sarvaṃ sarvasmād uttaraṃ jyotiḥ
Sentence: c    r̥taṃ satyaṃ vijñānaṃ vivācanam aprativācyam
Sentence: d    pūrvaṃ sarvaṃ sarvā vāk
Sentence: e    sarvam idam api dʰenuḥ pinvate parāg arvāk /
Sentence: f    dvitīye 'nuvāke dvitīyaḥ kʰaṇḍaḥ //


Next part


This text is part of the TITUS edition of Sama-Veda: Jaiminiya-Upanisad-Brahmana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.