TITUS
Sama-Veda: Jaiminiya-Upanisad-Brahmana
Part No. 10
Previous part

Paragraph: 10 

Verse: 1 
Sentence: a    sā pr̥tʰaksalilaṃ kāmadugʰākṣiti prāṇasaṃhitaṃ cakṣuśśrotraṃ vākprabʰūtam manasā vyāptaṃ hr̥dayāgram brāhmaṇabʰaktam annaśubʰaṃ varṣapavitraṃ gobʰagam pr̥tʰivyuparaṃ tapastanu varuṇapariyatanam indraśreṣṭʰaṃ sahasrākṣaram ayutadʰāram amr̥taṃ duhānā sarvān imāṁl lokān abʰivikṣaratīti /

Verse: 2 
Sentence: a    tad etat satyam akṣaraṃ yad om iti
Sentence: b    tasminn āpaḥ pratiṣṭʰitā apsu pr̥tʰivī pr̥tʰivyām ime lokāḥ /

Verse: 3 
Sentence: a    yatʰā sūcyā palāśāni saṃtr̥ṇṇāni syur evam etenākṣareṇeme lokās saṃtr̥ṇṇāḥ /

Verse: 4 
Sentence: a    tad idam imān atividʰya daśadʰā kṣarati śatadʰā sahasradʰāyutadʰā prayutadʰā [niyutadʰā]-rbudadʰā nyarbudadʰā nikʰarvadʰā padmam akṣitir vyomāntaḥ /

Verse: 5 
Sentence: a    yatʰaugʰo viṣyandamānaḥ paraḥ-parovarīyān bʰavaty evam evaitad akṣaram paraḥ-parovarīyo bʰavati /

Verse: 6 
Sentence: a    te haite lokā ūrdʰvā eva śritāḥ
Sentence: b    ima evaṃ trayodaśamāsāḥ /

Verse: 7 
Sentence: a    sa ya evaṃ vidvān udgāyati sa evam evaitāṁl lokān ativahati
Sentence: b    om ity etenākṣareṇāmum ādityam mukʰa ādʰatte
Sentence: c    eṣa ha vā etad akṣaram /

Verse: 8 
Sentence: a    tasya sarvam āptam bʰavati sarvaṃ jitaṃ na hāsya kaś cana kāmo 'nāpto bʰavati ya evaṃ veda /

Verse: 9 
Sentence: a    tad dʰa pr̥tʰur vainyo divyān vrātyān papraccʰa
   stʰūṇāṃ divastambʰanīṃ sūryam āhur antarikṣe sūryaḥ pr̥tʰivīpratiṣṭʰaḥ
Sentence: b    apsu bʰūmīś śiśyire bʰūribʰārāḥ kiṃ svin mahīr adʰitiṣṭʰanty āpa iti /

Verse: 10 
Sentence: a    te ha pratyūcus
   stʰūṇām eva divastambʰanīṃ sūryam āhur antarikṣe sūryaḥ pr̥tʰivīpratiṣṭʰaḥ
Sentence: b    apsu bʰūmīś śiśyire bʰūribʰārās satyam mahīr adʰitiṣṭʰanty āpa iti /

Verse: 11 
Sentence: a    om ity etad evākṣaraṃ satyam
Sentence: b    tad etad āpo 'dʰitiṣṭʰanti /
Sentence: c    dvitīye 'nuvāke tr̥tīyaḥ kʰaṇḍaḥ
Sentence: d    dvitīyo 'nuvākas samāptaḥ //


Next part


This text is part of the TITUS edition of Sama-Veda: Jaiminiya-Upanisad-Brahmana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.