TITUS
Sama-Veda: Jaiminiya-Upanisad-Brahmana
Part No. 16
Previous part

Paragraph: 16 

Verse: 1 
Sentence: a    saivarg abʰavad iyam eva śrīḥ
Sentence: b    ato devā abʰavan /

Verse: 2 
Sentence: a    atʰaiṣām imām asurāś śriyam avindanta
Sentence: b    tad evāsuram abʰavat /

Verse: 3 
Sentence: a    te devā abruvan yā vai naś śrīr abʰūd avidanta tām asurāḥ
Sentence: b    katʰaṃ nv eṣām imāṃ śriyam punar eva jāyemeti /

Verse: 4 
Sentence: a    te 'bruvann r̥cy eva sāma gāyāmeti
Sentence: b    te punaḥ pratyādrutyarci sāmāgāyan
Sentence: c    tenāsmāl lokād asurān anudanta /

Verse: 5 
Sentence: a    tad vai mādʰyandine ca savane tr̥tīyasavane ca narco 'parādʰo 'sti
Sentence: b    sa yat te r̥ci gāyati tenāsmāl lokād dviṣantam bʰrātr̥vyaṃ nudate
Sentence: c    atʰa yad amr̥te devatāsu prātassavanaṃ gāyati tena svargaṃ lokam eti /

Verse: 6 
Sentence: a    prajāpatir vai sāmnemāṃ jitim ajayad yāsyeyaṃ jitis tām
Sentence: b    sa svargaṃ lokam ārohat /

Verse: 7 
Sentence: a    te devāḥ prajāpatim upetyābruvann asmabʰyam apīdaṃ sāma prayaccʰeti
Sentence: b    tatʰeti
Sentence: c    tad ebʰyas sāma prāyaccʰat /

Verse: 8 
Sentence: a    tad enān idaṃ sāma svargaṃ lokaṃ nākāmayata voḍʰum /

Verse: 9 
Sentence: a    te devāḥ prajāpatim upetyābruvan yad vai nas sāma prādā idaṃ vai nas tat svargaṃ lokaṃ na kāmayate voḍʰum iti /

Verse: 10 
Sentence: a    tad vai pāpmanā saṃsr̥jateti
Sentence: b    ko 'sya pāpmeti
Sentence: c    r̥g iti
Sentence: d    tad r̥cā samasr̥jan /

Verse: 11 
Sentence: a    tad idam prajāpater garhayamāṇam atiṣṭʰad idaṃ vai mā tat pāpmanā samasrākṣur iti
Sentence: b    so 'bravīd yas tvaitena vyāvartayād vy eva sa pāpmanā vartātā iti /

Verse: 12 
Sentence: a    sa ya etad r̥cā prātassavane vyāvartayati vy evaṃ sa pāpmanā vartate /
Sentence: b    caturtʰe 'nuvāke dvitīyaḥ kʰaṇḍaḥ //


Next part


This text is part of the TITUS edition of Sama-Veda: Jaiminiya-Upanisad-Brahmana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.