TITUS
Sama-Veda: Jaiminiya-Upanisad-Brahmana
Part No. 21
Previous part

Paragraph: 21 

Verse: 1 
Sentence: a    atʰa yāṣ ṣaḍ vibʰūtaya r̥tavas te /

Verse: 2 
Sentence: a    atʰa yāś catasraḥ pratiṣṭʰā imā eva tāś catasro diśaḥ /

Verse: 3 
Sentence: a    atʰa ye daśa pragā ima eva te daśa prāṇāḥ /

Verse: 4 
Sentence: a    atʰa yās sapta saṃstʰā yā evaitās saptāhorātrāḥ prācīr vaṣaṭkurvanti tā eva tāḥ /

Verse: 5 
Sentence: a    atʰa yau dvau stobʰāv ahorātre eva te /

Verse: 6 
Sentence: a    atʰa yad ekam rūpaṃ karmaiva tat
Sentence: b    karmaṇā hīdaṃ sarvaṃ vikriyate /

Verse: 7 
Sentence: a    tasyaitasya sāmno devā ājim āyan
Sentence: b    sa prajāpatir harasā hiṅkāram udajayad agnis tejasā prastāvaṃ rūpeṇa br̥haspatir udgītʰaṃ svadʰayā pitaraḥ pratihāraṃ vīryeṇendro nidʰanam /

Verse: 8 
Sentence: a    atʰetare devā antaritā ivāsan
Sentence: b    ta indram abruvan tava vai vayaṃ smo 'nu na etasmin sāmann ābʰajeti /

Verse: 9 
Sentence: a    tebʰyas svaram prāyaccʰat
Sentence: b    tam prajāpatir abravīt katʰettʰam akaḥ
Sentence: c    sarvaṃ vā ebʰyas sāma prādāḥ
Sentence: d    etāvad vāva sāma yāvān svaraḥ
Sentence: e    r̥g vā eṣarte svarād bʰavatīti /

Verse: 10 
Sentence: a    so 'bravīt punar vā aham eṣām etaṃ rasam ādāsya iti
Sentence: b    tān abravīd upa mā gāyata
Sentence: c    abʰi mā svarateti
Sentence: d    tatʰeti /

Verse: 11 
Sentence: a    tam upāgāyan
Sentence: b    tam abʰyasvaram
Sentence: c    teṣām punā rasam ādatta /
Sentence: d    ṣaṣṭʰe 'nuvāke dvitīyaḥ kʰaṇḍaḥ //


Next part


This text is part of the TITUS edition of Sama-Veda: Jaiminiya-Upanisad-Brahmana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.