TITUS
Sama-Veda: Jaiminiya-Upanisad-Brahmana
Part No. 23
Previous part

Paragraph: 23 

Verse: 1 
Sentence: a    ayam evedam agra ākāśa āsīt
Sentence: b    sa u evāpy etarhi /

Verse: 2 
Sentence: a    sa yas sa ākāśo vāg eva sā
Sentence: b    tasmād ākāśād vāg vadati /

Verse: 3 
Sentence: a    tām etāṃ vācam prajāpatir abʰyapīḷayat
Sentence: b    tasyā abʰipīḷitāyai rasaḥ prāṇedat
Sentence: c    ta eveme lokā abʰavan /

Verse: 4 
Sentence: a    sa imāṁl lokān abʰyapīḷayat
Sentence: b    teṣām abʰipīḷitānāṃ rasaḥ prāṇedat
Sentence: c    tā evaitā devatā abʰavann agnir vāyur asāv āditya iti /

Verse: 5 
Sentence: a    sa etā devatā abʰyapīḷayat
Sentence: b    tāsām abʰipīḷitānāṃ rasaḥ prāṇedat
Sentence: c    sā trayī vidyābʰavat /

Verse: 6 
Sentence: a    sa trayīṃ vidyām abʰyapīḷayat
Sentence: b    tasyā abʰipīḷitāyai rasaḥ prāṇedat
Sentence: c    tā evaitā vyāhr̥tayo 'bʰavan bʰūr bʰuvas svar iti /

Verse: 7 
Sentence: a    sa etā vyāhr̥tīr abʰyapīḷayat
Sentence: b    tāsām abʰipīḷitānāṃ rasaḥ prāṇedat
Sentence: c    tad etad akṣaram abʰavad om iti yad etad /

Verse: 8 
Sentence: a    sa etad akṣaram abʰyapīḷayat
Sentence: b    tasyābʰipīḷitasya rasaḥ prāṇedat /
Sentence: c    saptame 'nuvāke pratʰamaḥ kʰaṇḍaḥ //


Next part


This text is part of the TITUS edition of Sama-Veda: Jaiminiya-Upanisad-Brahmana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.