TITUS
Sama-Veda: Jaiminiya-Upanisad-Brahmana
Part No. 25
Previous part

Paragraph: 25 

Verse: 1 
Sentence: a    ayam evedam agra ākāśa āsīt
Sentence: b    sa u evāpy etarhi /

Verse: 2 
Sentence: a    sa yas sa ākāśa āditya eva sa
Sentence: b    etasmin [hy] udite sarvam idam ākāśate /

Verse: 3 
Sentence: a    tasya martyāmr̥tayor vai tīrāṇi samudra eva
Sentence: b    tad yat samudreṇa parigr̥hītaṃ tan mr̥tyor āptam atʰa yat paraṃ tad amr̥tam /

Verse: 4 
Sentence: a    sa yo ha sa samudro ya evāyam pavata eṣa eva sa samudraḥ
Sentence: b    etaṃ hi saṃdravantaṃ sarvāṇi bʰūtāny anusaṃdravanti /

Verse: 5 
Sentence: a    tasya dyāvāpr̥tʰivī eva rodʰasī
Sentence: b    atʰa yatʰā nadyāṃ kaṁsāni vā prahīṇāni syus sarāṁsi vaivam asyāyam pārtʰivas samudraḥ /

Verse: 6 
Sentence: a    sa eṣa pāra eva samudrasyodeti
Sentence: b    sa udyann eva vāyoḥ pr̥ṣṭʰa ākramate
Sentence: c    so 'mr̥tād evodeti
Sentence: d    amr̥tam anusaṃcarati
Sentence: e    amr̥te pratiṣṭʰitaḥ /

Verse: 7 
Sentence: a    tasyaitat trivr̥d rūpam mr̥tyor anāptaṃ śuklaṃ kr̥ṣṇam puruṣaḥ /

Verse: 8 
Sentence: a    tad yac cʰuklaṃ tad vāco rūpam r̥co 'gner mr̥tyoḥ
Sentence: b    sā yā sā vāg r̥k sā
Sentence: c    atʰa yo 'gnir mr̥tyus saḥ /

Verse: 9 
Sentence: a    atʰa yat kr̥ṣṇaṃ tad apāṃ rūpam annasya manaso yajuṣaḥ
Sentence: b    tad yās tā āpo 'nnaṃ tat
Sentence: c    atʰa yan mano yajuṣ ṭat /

Verse: 10 
Sentence: a    atʰa yaḥ puruṣas sa prāṇas tat sāma tad brahma tad amr̥tam
Sentence: b    sa yaḥ prāṇas tat sāma
Sentence: c    atʰa yad brahma tad amr̥tam /
Sentence: d    aṣṭame 'nuvāke pratʰamaḥ kʰaṇḍaḥ //


Next part


This text is part of the TITUS edition of Sama-Veda: Jaiminiya-Upanisad-Brahmana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.