TITUS
Sama-Veda: Jaiminiya-Upanisad-Brahmana
Part No. 27
Previous part

Paragraph: 27 
Verse: 1 
Sentence: a    sa haiṣo 'mr̥tena parivr̥ḍʰo mr̥tyum adʰyāste 'nnaṃ kr̥tvā /

Verse: 2 
Sentence: a    atʰaiṣa eva puruṣo yo 'yaṃ cakṣuṣi
Sentence: b    ya āditye so 'tipuruṣaḥ
Sentence: c    yo vidyuti sa paramapuruṣaḥ /

Verse: 3 
Sentence: a    ete ha vāva trayaḥ puruṣāḥ
Sentence: b    ā hāsyaite jāyante /

Verse: 4 
Sentence: a    sa yo 'yaṃ cakṣuṣy eṣo 'nurūpo nāma
Sentence: b    anvaṅ hy eṣa sarvāṇi rūpāṇi
Sentence: c    tam anurūpa ity upāsīta
Sentence: d    anvañci hainaṃ sarvāṇi rūpāṇi bʰavanti /

Verse: 5 
Sentence: a    ya āditye sa pratirūpaḥ
Sentence: b    pratyaṅ hy eṣa sarvāṇi rūpāṇi
Sentence: c    tam pratirūpa ity upāsīta
Sentence: d    pratyañci hainaṃ sarvāṇi rūpāṇi bʰavanti /

Verse: 6 
Sentence: a    yo vidyuti sa sarvarūpaḥ
Sentence: b    sarvāṇi hy etasmin rūpāṇi
Sentence: c    taṃ sarvarūpa ity upāsīta
Sentence: d    sarvāṇi hāsmin rūpāṇi bʰavanti /

Verse: 7 
Sentence: a    ete ha vāva trayaḥ puruṣāḥ
Sentence: b    ā hāsyaite jāyante ya etad evaṃ vedātʰo yasyaivaṃ vidvān udgāyati /
Sentence: c    aṣṭame 'nuvāke tr̥tīyaḥ kʰaṇḍaḥ
Sentence: d    aṣṭamo 'nuvākas samāptaḥ //


Next part


This text is part of the TITUS edition of Sama-Veda: Jaiminiya-Upanisad-Brahmana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.