TITUS
Sama-Veda: Jaiminiya-Upanisad-Brahmana
Part No. 30
Previous part

Paragraph: 30 

Verse: 1 
Sentence: a    tad yatʰā girim pantʰānas samudiyur iti ha smāha śāṭyāyanir evam eta ādityasya raśmaya etam ādityaṃ sarvato 'piyanti
Sentence: b    sa haivaṃ vidvān om ity ādadāna etair etasya raśmibʰir etam ādityaṃ sarvato 'pyeti /

Verse: 2 
Sentence: a    tad etat sarvatodvāram aniṣedʰaṃ sāma
Sentence: b    anyatodvāraṃ hainad eka evābʰraṃgam upāsate
Sentence: c    ato 'nyatʰā vidyuḥ /

Verse: 3 
Sentence: a    atʰa ya etad evaṃ veda sa evaitat sarvatodvāram aniṣedʰaṃ sāma veda /

Verse: 4 
Sentence: a    sā eṣā vidyut
Sentence: b    [yad] etan maṇḍalaṃ samantam paripatati tat sāma
Sentence: c    atʰa yat param atibʰāti sa puṇyakr̥tyāyai rasaḥ
Sentence: d    tam abʰyatimucyate /

Verse: 5 
Sentence: a    tad etad abʰrātr̥vyaṃ sāma
Sentence: b    na ha vā indraḥ kaṃ cana bʰrātr̥vyam paśyate
Sentence: c    sa yatʰendro na kaṃ cana bʰrātr̥vyam paśyata evam eva na kaṃ cana bʰrātr̥vyam paśyate ya etad evaṃ vedātʰo yasyaivaṃ vidvān udgāyati /
Sentence: d    navame 'nuvāke tr̥tīyaḥ kʰaṇḍaḥ
Sentence: e    navamo 'nuvākas samāptaḥ //


Next part


This text is part of the TITUS edition of Sama-Veda: Jaiminiya-Upanisad-Brahmana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.