TITUS
Sama-Veda: Jaiminiya-Upanisad-Brahmana
Part No. 31
Previous part

Paragraph: 31 

Verse: 1 
Sentence: a    ayam evedam agra ākāśa āsīt
Sentence: b    sa u evāpy etarhi
Sentence: c    sa yas sa ākāśa indra eva saḥ
Sentence: d    sa yas sa indras sāmaiva tat /

Verse: 2 
Sentence: a    tāsyaitasya sāmna iyam eva prācī dig gʰiṅkāra iyam prastāva iyam ādir iyam udgītʰo 'sau pratihāro 'ntarikṣam upadrava iyam eva nidʰanam /

Verse: 3 
Sentence: a    tad etat saptavidʰaṃ sāma
Sentence: b    sa ya evam etat saptavidʰaṃ sāma veda yat kiṃ ca prācyāṃ diśi yā devatā ye manuṣyā ye paśavo yad annādyaṃ tat sarvaṃ hiṅkāreṇāpnoti /

Verse: 4 
Sentence: a    atʰa yad dakṣiṇāyaṃ diśi tat sarvam prastāvenāpnoti /

Verse: 5 
Sentence: a    atʰa yat pratīcyāṃ diśi tat sarvam ādināpnoti /

Verse: 6 
Sentence: a    atʰa yad udīcyāṃ diśi tat sarvam udgītʰenāpnoti /

Verse: 7 
Sentence: a    atʰa yad amuṣyāṃ diśi tat sarvam pratihāreṇāpnoti /

Verse: 8 
Sentence: a    atʰa yad antarikṣe tat sarvam upadraveṇāpnoti /

Verse: 9 
Sentence: a    atʰa yad asyāṃ diśi yā devatā ye manuṣyā ye paśavo yad annādyaṃ tat sarvaṃ nidʰanenāpnoti /

Verse: 10 
Sentence: a    sarvaṃ haivāsyāptam bʰavati sarvaṃ jitaṃ na hāsya kaś cana kāmo 'nāpto bʰavati ya evaṃ veda /

Verse: 11 
Sentence: a    sa yad dʰa kiṃ ca kiṃ caivaṃ vidvān eṣu lokeṣu kurute svasya haiva tat svataḥ kurute
Sentence: b    tad etad r̥cābʰyanūcyate /
Sentence: c    daśame 'nuvāke pratʰamaḥ kʰaṇḍaḥ //


Next part


This text is part of the TITUS edition of Sama-Veda: Jaiminiya-Upanisad-Brahmana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.