TITUS
Sama-Veda: Jaiminiya-Upanisad-Brahmana
Part No. 33
Previous part

Paragraph: 33 

Verse: 1 
Sentence: a    trivr̥t sāma catuṣpāt
Sentence: b    brahma tr̥tīyam indras tr̥tīyam prajāpatis tr̥tīyam annam eva caturtʰaḥ pādaḥ /

Verse: 2 
Sentence: a    tad yad vai brahma sa prāṇo 'tʰa ya indras sā vāg atʰa yaḥ prajāpatis tan mano 'nnam eva caturtʰaḥ pādaḥ /

Verse: 3 
Sentence: a    mana eva hiṅkāro vāk prastāvaḥ prāṇa udgītʰo 'nnam eva caturtʰaḥ pādaḥ /

Verse: 4 
Sentence: a    karoty eva vācā nayati prāṇena gamayati manasā
Sentence: b    tad etan niruddʰaṃ yan manaḥ
Sentence: c    tena yatra kāmayate tad ātmānaṃ ca yajamānaṃ ca dadʰāti /

Verse: 5 
Sentence: a    atʰādʰidaivatam
Sentence: b    candramā eva hiṅkāro 'gniḥ prastāva āditya udgītʰa āpa eva caturtʰaḥ pādaḥ
Sentence: c    tad dʰi pratyakṣam annam /

Verse: 6 
Sentence: a    tā vā etā devatā amāvāsyāṃ rātriṃ saṃyanti
Sentence: b    candramā amāvāsyāṃ rātrim ādityam praviśaty ādityo 'gnim /

Verse: 7 
Sentence: a    tad yat saṃyanti tasmāt sāma
Sentence: b    sa ha vai sāmavit sa sāma veda ya evaṃ veda /

Verse: 8 
Sentence: a    tāsāṃ vā etāsāṃ devatānām ekaikaiva devatā sāma bʰavati /

Verse: 9 
Sentence: a    eṣa evādityas trivr̥c catuṣpād raśmayo maṇḍalam puruṣaḥ
Sentence: b    raśmaya eva hiṅkāraḥ
Sentence: c    tasmāt te pratʰamata evodyatas tāyante
Sentence: d    maṇḍalam prastāvaḥ puruṣa udgītʰo yā etā āpo 'ntas sa eva caturtʰaḥ pādaḥ /

Verse: 10 
Sentence: a    evam eva candramaso raśmayo maṇḍalam puruṣaḥ
Sentence: b    raśmaya eva hiṅkāro maṇḍalam prastāvaḥ puruṣa udgītʰo yā etā āpo 'ntas sa eva caturtʰaḥ pādaḥ /

Verse: 11 
Sentence: a    catvāry anyāni catvāry anyāni
Sentence: b    tāny aṣṭau
Sentence: c    aṣṭākṣarā gāyatrī
Sentence: d    gāyatraṃ sāma brahma u gāyatrī
Sentence: e    tad u brahmābʰisampadyate
Sentence: f    aṣṭāśapʰāḥ paśavas teno paśavyam /
Sentence: g    ekādaśe 'nuvāke pratʰamaḥ kʰaṇḍaḥ //


Next part


This text is part of the TITUS edition of Sama-Veda: Jaiminiya-Upanisad-Brahmana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.