TITUS
Sama-Veda: Jaiminiya-Upanisad-Brahmana
Part No. 34
Previous part

Paragraph: 34 

Verse: 1 
Sentence: a    atʰādʰyātmam
Sentence: b    idam eva cakṣus trivr̥c catuṣpāc cʰuklaṃ kr̥ṣṇam puruṣaḥ
Sentence: c    śuklam eva hiṅkāraḥ kr̥ṣṇam prastāvaḥ puruṣa udgītʰo yā imā āpo 'ntas sa eva caturtʰaḥ pādaḥ /

Verse: 2 
Sentence: a    idam ādityasyāyanam idaṃ candramasaḥ
Sentence: b    catvārīmāni catvārīmāni
Sentence: c    tāny aṣṭau
Sentence: d    aṣṭākṣarā gāyatrī
Sentence: e    gāyatraṃ sāma brahma u gāyatrī
Sentence: f    tad u brahmābʰisampadyate
Sentence: g    aṣṭāśapʰāḥ paśavas teno paśavyam /

Verse: 3 
Sentence: a    sa yo 'yam pavate sa eṣa eva prajāpatiḥ
Sentence: b    tad v eva sāma
Sentence: c    tasyāyaṃ devo yo 'yaṃ cakṣuṣi puruṣaḥ
Sentence: d    sa eṣa āhutim atimatyotkrāntaḥ /

Verse: 4 
Sentence: a    atʰa yāv etau candramāś cādityaś ca yāv etāv apsu dr̥śyete etāv etayor devau /

Verse: 5 
Sentence: a    yad dʰa vā idam āhur devānāṃ devā ity ete ha te
Sentence: b    ta eta āhutim atimatyotkrāntāḥ /

Verse: 6 
Sentence: a    tad dʰa pr̥tʰur vainyo divyān vrātyān papraccʰa
   yebʰir vāta iṣitaḥ pravāti ye dadante pañca diśas samīcīḥ
Sentence: b    ya āhutīr atyamanyanta devā apāṃ netāraḥ katame ta āsann iti /

Verse: 7 
Sentence: a    te ha pratyūcur
   imām eṣām pr̥tʰivīṃ vasta eko 'ntarikṣam pary eko babʰūva
Sentence: b    divam eko dadate yo vidʰartā viśvā āśāḥ pratirakṣanty anya iti /

Verse: 8 
Sentence: a    imām eṣām pr̥tʰivīṃ vasta eka ity agnir ha saḥ /

Verse: 9 
Sentence: a    antarikṣam pary eko babʰūveti vāyur ha saḥ /

Verse: 10 
Sentence: a    divam eko dadate yo vidʰartety ādityo ha saḥ /

Verse: 11 
Sentence: a    viśvā āśāḥ pratirakṣanty anya iti
Sentence: b    etā ha vai devatā viśvā āśāḥ pratirakṣanti candramā nakṣatrāṇīti
Sentence: c    tā etās sāmaiva satyo vyūḍʰo annādyāya /
Sentence: d    ekādaśe 'nuvāke dvitīyaḥ kʰaṇḍaḥ
Sentence: e    ekādaśo 'nuvākas samāptaḥ //


Next part


This text is part of the TITUS edition of Sama-Veda: Jaiminiya-Upanisad-Brahmana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.