TITUS
Sama-Veda: Jaiminiya-Upanisad-Brahmana
Part No. 36
Previous part

Paragraph: 36 

Verse: 1 
Sentence: a    atʰaitat parjanye sāma
Sentence: b    tasya purovāta eva hiṅkāraḥ
Sentence: c    atʰa yad abʰrāṇi samplāvayati sa prastāvaḥ
Sentence: d    atʰa yat stanayati sa udgītʰaḥ
Sentence: e    atʰa yad vidyotate sa pratihāraḥ
Sentence: f    atʰa yad varṣati tan nidʰanam /

Verse: 2 
Sentence: a    tad etat parjanye sāma
Sentence: b    sa ya evam etat parjanye sāma veda varṣuko hāsmai parjanyo bʰavati /

Verse: 3 
Sentence: a    atʰaitat puruṣe sāma
Sentence: b    tasyāyam eva hiṅkāro 'yam prastāvo 'yam udgītʰo 'yam pratihāra idaṃ nidʰanam /

Verse: 4 
Sentence: a    tad etat puruṣe sāma
Sentence: b    sa ya evam etat puruṣe sāma vedordʰva eva prajayā paśubʰir ārohann eti /

Verse: 5 
Sentence: a    ya u enat pratyag veda ye pratyañco lokās tāñ jayati
Sentence: b    tasyāyam eva hiṅkāro 'yam prastāvo 'yam udgītʰo 'yam pratihāra idaṃ nidʰanam
Sentence: c    ye pratyañco lokās tāñ jayati /

Verse: 6 
Sentence: a    ya u enat tiryag veda ye tiryañco lokās tāñ jayati
Sentence: b    tasya lomaiva hiṅkāras tvak prastāvo māṁsam udgītʰo 'stʰi pratihāro majjā nidʰanam /

Verse: 7 
Sentence: a    tasya trīṇy āvir gāyati prastāvam pratihāraṃ nidʰanam
Sentence: b    tasmāt puruṣasya trīṇy astʰīny āvir dantāś ca dvayāś ca nakʰāḥ
Sentence: c    ye tiryañco lokās tāñ jayati /

Verse: 8 
Sentence: a    ya u enat samyag veda ye samyañco lokās tāñ jayati
Sentence: b    tasya mana eva hiṅkāro vāk prastāvaḥ prāṇa udgītʰaś cakṣuḥ pratihāraś śrotraṃ nidʰanam
Sentence: c    ye samyañco lokās tāñ jayati /

Verse: 9 
Sentence: a    atʰaitad devatāsu sāma
Sentence: b    tasya vāyur eva hiṅkāro 'gniḥ prastāva āditya udgītʰaś candramā pratihāro diśa eva nidʰanam /

Verse: 10 
Sentence: a    tad etad devatāsu sāma
Sentence: b    sa ya evam etad devatāsu sāma veda devatānām eva salokatāṃ jayati /
Sentence: c    dvādaśe 'nuvāke dvitīyaḥ kʰaṇḍaḥ //


Next part


This text is part of the TITUS edition of Sama-Veda: Jaiminiya-Upanisad-Brahmana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.