TITUS
Sama-Veda: Jaiminiya-Upanisad-Brahmana
Part No. 42
Previous part

Paragraph: 42 

Verse: 1 
Sentence: a    āruṇir ha vāsiṣṭʰaṃ caikitāneyam brahmacaryam upeyāya
Sentence: b    taṃ hovācājānāsi saumya gautama yad idaṃ vayaṃ caikitāneyās sāmaivopāsmahe
Sentence: c    kāṃ tvaṃ devatām upāssa iti
Sentence: d    sāmaiva bʰagavanta iti hovāca /

Verse: 2 
Sentence: a    taṃ ha papraccʰa yad agnau tad vettʰā3 iti
Sentence: b    jyotir vā etat tasya sāmno yad vayaṃ sāmopāsmaha iti /

Verse: 3 
Sentence: a    yat pr̥tʰivyāṃ tad vettʰā3 iti
Sentence: b    pratiṣṭʰā vā eṣā tasya sāmno yad vayaṃ sāmopāsmaha iti /

Verse: 4 
Sentence: a    yad apsu tad vettʰā3 iti
Sentence: b    śāntir vā eṣā tasya sāmno yad vayaṃ sāmopāsmaha iti /

Verse: 5 
Sentence: a    yad antarikṣe tad vettʰā3 iti
Sentence: b    ātmā vā eṣa tasya sāmno yad vayaṃ sāmopāsmaha iti /

Verse: 6 
Sentence: a    yad vāyau tad vettʰā3 iti
Sentence: b    śrīr vā eṣā tasya sāmno yad vayaṃ sāmopāsmaha iti /

Verse: 7 
Sentence: a    yad dikṣu tad vettʰā3 iti
Sentence: b    vyāptir vā eṣā tasya sāmno yad vayaṃ sāmopāsmaha iti /

Verse: 8 
Sentence: a    yad divi tad vettʰā3 iti
Sentence: b    vibʰūtir vā eṣā tasya sāmno yad vayaṃ sāmopāsmaha iti /
Sentence: c    caturdaśe 'nuvāke pratʰamaḥ kʰaṇḍaḥ //


Next part


This text is part of the TITUS edition of Sama-Veda: Jaiminiya-Upanisad-Brahmana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.