TITUS
Sama-Veda: Jaiminiya-Upanisad-Brahmana
Part No. 45
Previous part

Paragraph: 45 

Verse: 1 
Sentence: a    tad dʰa pr̥tʰur vainyo divyān vrātyān papraccʰe-
   -indram uktʰam r̥cam udgītʰam āhur brahma sāma prāṇaṃ vyānam
Sentence: b    mano vā cakṣur apānam āhuś śrotraṃ śrotriyā bahudʰā vadantīti /

Verse: 2 
Sentence: a    te pratyūcur
   r̥ṣaya ete mantrakr̥taḥ purājāḥ punar ājāyante vedānāṃ guptyai kam
Sentence: b    te vai vidvāṁso vainya tad vadanti samānam puruṣam bahudʰā niviṣṭam iti /

Verse: 3 
Sentence: a    imāṃ ha vā tad devatāṃ trayyāṃ vidyāyām imāṃ samānām abʰy eka āpayanti naike
Sentence: b    yo ha vāvaitad evaṃ veda sa evaitāṃ devatāṃ samprati veda /

Verse: 4 
Sentence: a    sa eṣa indra udgītʰaḥ
Sentence: b    sa yadaiṣa indra udgītʰa āgaccʰati naivodgātuś copagātr̥̄ṇāṃ ca vijñāyate
Sentence: c    ita evordʰvas svar udeti
Sentence: d    sa upari mūrdʰno lelāyati /

Verse: 5 
Sentence: a    sa vidyād āgamad indro neha kaś cana pāpmā nyaṅgaḥ pariśekṣyata iti
Sentence: b    tasmin ha na kaś cana pāpmā nyaṅgaḥ pariśiṣyate /

Verse: 6 
Sentence: a    tad etad abʰrātr̥vyaṃ sāma
Sentence: b    na ha vā indraḥ kaṃ cana bʰrātr̥vyam paśyate
Sentence: c    sa yatʰendro na kaṃ cana bʰrātr̥vyam paśyata evam eva na kaṃ cana bʰrātr̥vyam paśyate ya etad evaṃ vedātʰo yasyaivaṃ vidvān udgāyati /
Sentence: d    caturdaśe 'nuvāke caturtʰaḥ kʰaṇḍaḥ
Sentence: e    caturdaśo 'nuvākas samāptaḥ //


Next part


This text is part of the TITUS edition of Sama-Veda: Jaiminiya-Upanisad-Brahmana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.