TITUS
Black Yajur-Veda: Apastamba-Srautasutra
Part No. 89
Previous part

Paragraph: 7 
Verse: 1 
Sentence: a    samitsu tisro vatsatarīrdadāti

Verse: 2 
Sentence: a    prāśnanti brāhmaṇā odanam

Verse: 3 
Sentence: a    prāśitavadbʰyaḥ samānaṃ varaṃ dadāti

Verse: 4 
Sentence: a    yasminnakṣatre 'gnimādʰāsyansyāttasminsaṃvatsare purastādetāḥ samidʰa ādadʰyāddvādaśāhe dvyahe tryaha ekāhe vā

Verse: 5 
Sentence: a    ādʰeyāstvevāgnimādadʰānena

Verse: 6 
Sentence: a    atʰa vrataṃ carati na māṃsamaśnāti na striyamupaiti nāsyāgniṃ gr̥hāddʰaranti nānyata āharanti

Verse: 7 
Sentence: a    brāhmaudanikena saṃvatsaramāsīta

Verse: 8 
Sentence: a    aupāsanaścedāhita etasminnasyāgnikarmāṇi kriyante

Verse: 9 
Sentence: a    na prayāyāt

Verse: 10 
Sentence: a    nānugaccʰet

Verse: 11 
Sentence: a    yadi prayāyādanu vā gaccʰedbrahmaudanaṃ paktvaitayaivāvr̥tā samidʰa ādadʰyāt

Verse: 12 
Sentence: a    yadyenaṃ saṃvatsare 'gnyādʰeyaṃ nopanamedbrahmaudanaṃ paktvā samidʰa ādʰāya yadainamupanamedatʰādadʰīta

Verse: 13 
Sentence: a    tasya yātʰākāmī bʰaraṇakalpānām

Verse: 14 
Sentence: a    dvādaśāhaṃ caredekāhaṃ vā

Verse: 15 
Sentence: a    śva ādʰāsyamānaḥ punarbrahmaudanaṃ pacati

Verse: 16 
Sentence: a    yo 'syāgnimādʰāsyan syāt sa etāṃ rātriṃ vrataṃ carati na māṃsam aśnāti na striyam upaiti

Verse: 17 
Sentence: a    prajā agne saṃvāsayāśāśca paśubʰiḥ saha /
Sentence: b    rāṣṭrāṇyasmā ādʰehi yānyāsansavituḥ sava ity uttareṇa gārhapatyāyatanaṃ kalmāṣamajaṃ badʰnāti

Next part


This text is part of the TITUS edition of Black Yajur-Veda: Apastamba-Srautasutra.

Copyright TITUS Project, Frankfurt a/M, 9.2.2018. No parts of this document may be republished in any form without prior permission by the copyright holder.