TITUS
Black Yajur-Veda: Baudhayana-Srautasutra
Part No. 88
Previous part

Paragraph: 4 
Verse: 131 
Sentence: 13    upahūtāyām iḍāyām agnīdʰa ādadʰāti ṣaḍavattam \
   prāśnanti
Sentence: 14    mārjayante \
   atʰāha <brahmaṇe prāśitraṃ parihara> \ iti
   pari prāśitram̐ haranti \
Sentence: 15    anv apo 'nu vedena brahmabʰāgam
   atʰānvāhāryaṃ yācati
   tasmin pratʰamajaṃ vatsaṃ dadāty udvāsayanty etad dʰavir uccʰiṣṭam
Sentence: 16    āsādayanti vājinam
Sentence: 17    atʰa saṃpraiṣam āha <brahman prastʰāsyāmaḥ> <samidʰam ādʰāyāgnīd agnīn sakr̥tsakr̥t saṃmr̥ḍḍhi> \ iti \
Sentence: 18    atʰādʰvaryuḥ pr̥ṣadājyaṃ vihatya juhvām̐ samānīyātyākramyāśrāvyāha <devān yaja> \ iti
Sentence: 19    vaṣaṭkr̥te juhoti <yaja yaja> \ iti navānūyājān iṣṭvodaṅṅ atyākramya yatʰāyatanam̐ srucau sādayitvā vājavatībʰyām̐ srucau vyūhati

Verse: 132 
Sentence: 1    śaṃyunā prastaraparidʰi saṃprakīrya samprasrāvya srucau vimucya \
Sentence: 2    atʰa kam̐saṃ vā camasaṃ vānājyaliptaṃ yācati
Sentence: 3    tam antarvedi nidʰāya tasmin barhiṣi viṣiñcan vājinam ānayann āha <vājibʰyo 'nubrūhi> \ iti \
Sentence: 4    atyākramyāśrāvyāha <vājino yaja> \ iti
Sentence: 5    vaṣaṭkr̥te juhoti <vājibʰyaḥ svāhā> \ iti \
   anuvaṣaṭkr̥te hutvā harati bʰakṣam \
Sentence: 6    sa yāvanta r̥tvijas teṣūpahavam iṣṭvā yajamāna eva pratyakṣaṃ bʰakṣayati <yan me retaḥ prasicyate yan ma āpyāyate yad vā jāyate punaḥ /> <yad vā me pratitiṣṭhati tena mā vājinaṃ kuru> <tena mā retasvinaṃ kuru> <tena mā śivam āviśa> <"tasya te vājipītasya"> <"vājibʰiḥ pītasya"> \ iti vā <"madʰumata upahūtasyopahūto bʰakṣayāmi"> \ iti
Sentence: 11    atʰādʰvaryuḥ pradakṣiṇam āvr̥tya pratyaṅṅ ādrutya patnīḥ saṃyājya prāṅ etya dʰruvām āpyāyya trīṇi pāśubandʰikāni samiṣṭayajūm̐ṣi juhoti <yajña yajñaṃ gaccʰa> \ <eṣa te yajño yajñapate> <devā gātuvidas> \ iti \
Sentence: 14    atʰa pūrṇapātraviṣṇukramaiś caritvā visr̥jate vratam
Sentence: 15    atʰa paurṇamāsavaimr̥dʰābʰyām iṣṭvā yajamānāyatana upaviśya treṇyā śalalyā lohitāyasasya ca kṣureṇa śīrṣan ni ca vartayate pari ca vapate \ <r̥tam eva parameṣṭi> \ <r̥taṃ nātyeti kiṃ cana /> <r̥te samudra āhitas> \ <r̥te bʰūmir iyam̐ śritā //> <agnis tigmena śociṣā> <tapa ākrāntam uṣṇihā /> <śiras tapasy āhitam> \ <vaiśvānarasya tejasā //> <r̥tenāsya nivartaye> <satyena parivartaye /> <tapasāsyānuvartaye> <śivenāsyopavartaye> <śagmenāsyābʰivartaye //> śīrṣṇas <tad r̥tam> \ <tat satyam> \ <tad vratam> \ <tac cʰakeyam> \ <tena śakeyam> \ <tena rādʰyāsam> iti purastād evāgre 'tʰa dakṣiṇato 'tʰa paścād atʰottarato 'tʰopariṣṭāt

Verse: 133 
Sentence: 4    saṃtiṣṭhante vaiśvadevahavīm̐ṣi
   <saṃvatsarīṇām̐ svastim āśāste> \ ity āśāste //

Next part


This text is part of the TITUS edition of Black Yajur-Veda: Baudhayana-Srautasutra.

Copyright TITUS Project, Frankfurt a/M, 22.4.2012. No parts of this document may be republished in any form without prior permission by the copyright holder.