TITUS
Black Yajur-Veda: Baudhayana-Srautasutra
Part No. 120
Previous part

Paragraph: 18 
Verse: 175 
Sentence: 19    śrapayanty etam ātitʰyaṃ vaiṣṇavaṃ navakapālam \
   tena saha madantīr adʰiśrayati
Sentence: 20    śilpavad etad idʰmābarhir ātitʰyasya bʰavati
   kārṣmaryamayaiḥ paridʰibʰir āśvavālena prastareṇaikṣavībʰyāṃ vidʰr̥tībʰyāṃ tena śilpavat

Verse: 176 
Sentence: 2    tvacaṃ puroḍāśasya grāhayitvā śrapayitvābʰivāsya prāṅ etyāpy ebʰyo ninīya stambayajur harati \
Sentence: 3    idam eva prasiddʰaṃ pauroḍāśikaṃ trir yajuṣā tūṣṇīṃ caturtʰam \
Sentence: 4    pūrvaṃ parigrāhaṃ parigr̥hṇāti
   karaṇaṃ japati \
   uddʰanti \
Sentence: 5    uddʰatād āgnīdʰras trir harati
   yad āgnīdʰras trir haraty atʰottaraṃ parigrāhaṃ parigrāhya yoyupitvā tiryañcam̐ spʰyam̐ stabdʰvā saṃpraiṣam āha <prokṣaṇīr āsādaya> \ <idʰmābarhir upasādaya> <sruvaṃ ca srucaś ca saṃmr̥ḍḍhi> \ <ājyenodehi> \ iti \
Sentence: 8    āhr̥tāsu prokṣāṇīṣūdasya spʰyaṃ mārjayitvedʰmābarhir upasādya pradakṣiṇam āvr̥tya pratyaṅṅ ādrutya sruvaṃ ca srucaś ca saṃmārṣṭy ājyenodetyājyaṃ ca prokṣaṇīś cotpūya prasiddʰaṃ caturgr̥hītāni vā pañcagr̥hītāni vājyāni gr̥hītvā prokṣaṇībʰir upottiṣṭhati \
Sentence: 11    idʰmaṃ prokṣati
Sentence: 12    vediṃ prokṣati
   barhiḥ prokṣati
   barhir āsannaṃ prokṣyopaninīya purastād āśvavālaṃ prastaraṃ gr̥hṇāti
Sentence: 13    pañcavidʰaṃ barhi stīrtvā prastara pāṇiḥ prāṅ abʰisr̥pya kārṣmaryamayān paridʰīn paridadʰāti \
Sentence: 14    ūrdʰve samidʰāv ādadʰāti \
Sentence: 15    aikṣavī vidʰr̥tī tiraścī sādayati
   vidʰr̥tyor āśvavālaṃ prastaram \
Sentence: 16    prastare juhūm \
   barhiṣītare
   <etā asadan> \ iti samabʰimr̥śya pradakṣiṇam āvr̥tya pratyaṅṅ ādrutyātʰaitaṃ puroḍāśam upastīrṇābʰigʰāritam udvāsya caturhotrātitʰyam āsādayati \
Sentence: 18    atra saṃbʰārān vyācaṣṭe \
   atʰa nirmantʰyasyāvr̥tā nirmantʰyena carati
Sentence: 19    prahr̥tyābʰihutyātʰedʰmāt samidʰam ādadāna āha \ <agnaye samidʰyamānāyānubrūhi> \ iti \
Sentence: 20    abʰyādadʰātīdʰmam \
Sentence: 21    na samidʰaṃ paiśinaṣṭi
   vedenopavājyayati \
   anūktāsu sāmidʰenīṣu sruveṇāgʰāram āgʰārayati

Verse: 177 
Sentence: 1    saṃmr̥ṣṭe srugbʰyām uttaram
   atʰāsam̐sparśayan srucāv udaṅṅ atyākramya juhvā dʰruvām̐ samajya sādayitvā srucau pravaraṃ pravr̥nīte
Sentence: 3    prasiddʰam̐ hotāraṃ vr̥ṇīte
   sīdati hotā
   prasavam ākāṅkṣati
Sentence: 4    prasūtaḥ srucāv ādāyātyākramyāśrāvyāha <samidʰo yaja> \ iti
Sentence: 5    vaṣaṭkr̥te juhoti <yaja yaja> \ iti
   caturtʰaṃ yakṣyann atraitad aupabʰr̥tam ājyam̐ sarvaśa eva juhvām̐ samānayate
Sentence: 6    pañca prayājān iṣṭvodaṅṅ atyākramya sam̐srāveṇa dʰruvām abʰigʰārya puroḍāśam abʰigʰārayati nopabʰr̥tam
Sentence: 7    atʰāgnaye somāyety ājyabʰāgābʰyāṃ carati \
Sentence: 8    upām̐śu haviṣā carati <viṣṇave 'nubrūhi> <viṣṇuṃ yaja> \ iti \
Sentence: 9    atʰa sviṣṭakr̥tā carati \
   iḍānta ātitʰyaḥ saṃtiṣṭhate \
Sentence: 10    atraitat pūrṇapātram antarvedi ninayati \
   atraitad dʰruvājyam āpyāyya kam̐saṃ vā camasaṃ vā yācati
Sentence: 11    tamantarvedi nidʰāya tasminn etat tānūnaptraṃ nigr̥hṇāti //

Next part


This text is part of the TITUS edition of Black Yajur-Veda: Baudhayana-Srautasutra.

Copyright TITUS Project, Frankfurt a/M, 22.4.2012. No parts of this document may be republished in any form without prior permission by the copyright holder.