TITUS
Black Yajur-Veda: Baudhayana-Srautasutra
Part No. 158
Previous part

Paragraph: 2 
Verse: 235 
Sentence: 11    <marutvantaṃ vr̥ṣabʰaṃ vāvr̥dʰānam> <indra marutva iha pāhi somam> iti dvābʰyām
Sentence: 12    atʰopariṣṭād āgrayaṇam ānīyādʰastād upagr̥hṇāti
   taṃ tatʰaiva trir abʰihiṅkr̥tya parimr̥jya sādayati
Sentence: 13    tatʰoktʰyaṃ gr̥hṇāti \
Sentence: 14    uktʰyena rājānaṃ paridadʰāti
   tatʰoparyardʰe droṇakalaśe pariplu pātraṃ prāsya drapsān anumantrayate <drapsaś caskanda> <yas te drapsas> \ <yo drapsas> \ <yas te drapsas> \ iti
Sentence: 16    tatʰonnetāram āha \ <ariktaṃ pūtabʰr̥taṃ kuru pavamānasya grahān grahīṣyāmi> \ iti
Sentence: 17    tatʰārikte pūtabʰr̥ti pavamānasya grahān gr̥hṇāti \ <upayāmagr̥hīto 'sīndrāya tvā> \ iti droṇakalaśam abʰimr̥śati \
Sentence: 18    <indrāya tvā> \ ity ādʰavanīyam
Sentence: 19    <indrāya tvā> \ iti pūtabʰr̥tam \
   tatʰā \ <"unnetar"> ity āha <"prāñcam̐ rājānaṃ pūtabʰr̥tam abʰi saṃpavayatād daśābʰir ādʰavanīyaṃ mr̥ṣṭvā nyubjatāt"> \ iti

Verse: 236 
Sentence: 1    sa tatʰā karoti
   tatʰāpa upaspr̥śya barhiṣī ādāyopaniḥsarpati
Sentence: 2    teṣu tatʰaiva samanvārabdʰeṣv āhavanīye sruvāhutiṃ juhoti
Sentence: 3    <viśve devā maruta indro asmān asmin dvitīye savane na jahyuḥ /> <āyuṣmantaḥ praiyam eṣāṃ vadanto vayaṃ devānām̐ sumatau syāma svāhā> \ ity etayādʰvaryū juhutas \
Sentence: 5    yatʰāvedam itare juhvati \
   atʰa pradakṣiṇam āvr̥tya sado 'bʰi pavamānam̐ sarpanti
Sentence: 6    tatʰā sadasi yatʰāyatanam upaviśanti
Sentence: 7    tatʰodgātre vā prastotre vā barhiṣī prayaccʰati \ <r̥ksāmayor upastaraṇam asi mitʰunasya prajātyai> \ iti vā tūṣṇīṃ vā
Sentence: 9    tatʰopākaraṇaṃ japati <vāyur hiṅkartā> \ iti
   sa eṣa pañcadaśo mādʰyaṃdinaḥ pavamāno bʰavati
Sentence: 10    tasyāṣṭamyāṃ prastutāyāṃ vācayati <suparṇo 'si triṣṭupcʰandā anu tvārabʰe svasti mā saṃpāraya> \ iti \
Sentence: 11    atra caturhotāraṃ vyācaṣṭe \
Sentence: 12    uddrute sāmni saṃpraiṣam āha \ <agnīd agnīn vihara> <barhi str̥ṇāhi> <puroḍāśām̐ alaṃkuru> <pratiprastʰātar dadʰigʰarmāya dadʰy āhara> \ iti
Sentence: 14    yatʰāsaṃpraiṣaṃ tau kurutas
   tatʰāpa upaspr̥śyāha \ <ehi yajamāna> \ iti
Sentence: 15    pūrvayā dvārā havirdʰānaṃ prapādya tatʰā samastam̐ rājānam upatiṣṭhate
Sentence: 16    tatʰāvakāśaiś carati
   tatʰā pracaraṇyāṃ navakr̥tvo gr̥hṇīte
Sentence: 17    tatʰaiṣa āgnīdʰra āgnīdʰrīyād dʰiṣṇiyād anupūrvaṃ dʰiṣṇiyeṣv aṅgārān viharati
Sentence: 18    tatʰā purastāt pratyaṅṅ āsīno vihr̥tān dʰiṣṇiyān vyāgʰārayati
Sentence: 19    tatʰottarasya havirdʰānasya cubuke pracaraṇīm̐ sādayati

Verse: 237 
Sentence: 1    tatʰā sāṃkāśinena patʰā pr̥ṣṭhyām̐ str̥ṇāti saṃtatāṃ gārhapatyād āhavanīyāt //

Next part


This text is part of the TITUS edition of Black Yajur-Veda: Baudhayana-Srautasutra.

Copyright TITUS Project, Frankfurt a/M, 22.4.2012. No parts of this document may be republished in any form without prior permission by the copyright holder.