TITUS
Black Yajur-Veda: Baudhayana-Srautasutra
Part No. 166
Previous part

Paragraph: 10 
Verse: 246 
Sentence: 14    <ā samudrād āntarikṣāt prajāpatir udadʰiṃ cyāvayātīndraḥ prasnautu maruto varṣayantu> \ <unnambʰaya pr̥tʰivīṃ bʰinddʰīdaṃ divyaṃ nabʰaḥ /> <udno divyasya no dehīśāno visr̥jā dr̥tim> iti \
Sentence: 16    atʰainam upām̐śusavanaṃ daśāpavitreṇa parimr̥jya grāvasv apisr̥jati
Sentence: 17    vivr̥ṇvanti pūrvāṃ dvāram aparāṃ ca \
Sentence: 18    atʰaitaṃ grahaṃ barhirhastenāpidʰāyopottiṣṭhann āha \ <ādityebʰyaḥ priyebʰyaḥ priyadʰāmabʰyaḥ priyavratebʰyo mahasvasarasya patibʰya uror antarikṣasyādʰyakṣebʰyo 'nubrūhi> \ iti \

Verse: 247 
Sentence: 2    atyākramyāśrāvyāha \ <ādityebʰyaḥ priyebʰyaḥ priyadʰāmabʰyaḥ priyavratebʰyo mahasvasarasya patibʰya uror antarikṣasyādʰyakṣebʰyaḥ preṣya> \ iti
Sentence: 4    vaṣaṭkr̥ta oṣadʰīḥ prāsyāgnāv ādityaṃ juhoti sakr̥d eva
Sentence: 5    na hutvānvīkṣate
   paryāvr̥ttasyaiva pratiprastʰātā pātram ādatte \
Sentence: 6    etasmin kāle pratihartā pūtabʰr̥to bile pavitraṃ vitatya dvau vā trīn vā rājña udacanān ānayati \
Sentence: 7    āgrayaṇam evādʰvaryur ādatte \
Sentence: 8    ādityastʰālīṃ pratiprastʰātā sopaśayām̐ saṃpragr̥hṇāti
   tāsāṃ tisr̥ṇāṃ catasr̥ṇāṃ vā dʰārāṇāṃ tatʰopariṣṭād āgrayaṇam ānīyādʰastād upagr̥hṇāti
Sentence: 10    taṃ tatʰaiva trir abʰihiṅkr̥tya parimr̥jya sādayati \
Sentence: 11    apoddʰr̥tya pavitraṃ barhiṣī antardʰāyāśiram avanayaty anvārabdʰāyāṃ patnyām <asme devāso vapuṣe cikitsata> \ iti catasr̥bʰir anuccʰandasam
Sentence: 13    apoddʰr̥tya barhiṣīpūtabʰr̥to bile drapsān anumantrayate
   dvau pavamānasya grahau gr̥hṇāti
Sentence: 14    tatʰā \ <"unnetar"> ity āha <"prāñcam̐ rājānaṃ pūtabʰr̥tam abʰi saṃpavayatād daśābʰir ādʰavanīyaṃ mr̥ṣṭvā nyubjatāt"> \ iti
Sentence: 15    sa tatʰā karoti
Sentence: 16    tatʰāpa upaspr̥śya barhiṣī ādāyopaniḥsarpati
Sentence: 17    teṣu tatʰaiva samanvārabdʰeṣv āhavanīye sruvāhutiṃ juhoti //

Next part


This text is part of the TITUS edition of Black Yajur-Veda: Baudhayana-Srautasutra.

Copyright TITUS Project, Frankfurt a/M, 22.4.2012. No parts of this document may be republished in any form without prior permission by the copyright holder.